Kutsuhexi 5:9 - Kakaɨyari Niukieya

⁹ Hikɨ Yawé Kutsuhexi mɨpaɨ katiniutahɨawe: «'Ari nepɨxe'uxɨnaxɨ kexemɨteyutetewiyakai waɨriyarika te'uximayatamete xehɨkɨtɨtɨ 'Ekipitu». 'Ayumieme mana Kirikari mepɨte'uterɨwaxɨ, hikɨ 'akuxi mɨpaɨ pɨrakutewa.

Kutsuhexi 5:9 ပူးပေါင်းရင်းမြစ်များ

1 Tsamuheri 17:26

Hikɨ Rawiri kaniwaruta'iwawiya hamatɨana memɨti'ukai: —¿Keme'utiyuane xɨka 'ikɨ piritsiteu tewiyari 'umieni tita tiyetuiriyarieni meta 'ixaheritsixi kemɨtatinanaima mɨtihayewakɨ? ¿Ketita 'ikɨ tiyu'erie piritsiteu tewiyari Kakaɨyari mɨkamate, Kakaɨyari mayeniere kuyaximama mɨwananaima wakwimɨtɨ?

Kutsuhexi 4:19

Mexɨakame metseritsie tamamata tukaritsie, 'ixaheritsixi mekananukɨne Kurutanitsie Kirikari rakutewakaku mekanikuyaxe, Keriku tau manatineikatsie 'aurie.

Tsutɨarika 34:14

Mɨpaɨ mekateniwarutahɨawe: —Tame tepɨkayɨwawe mɨpaɨ temɨte'uyurieni. Xɨka ta'iwa teyetuani xeime xitekiya 'inɨariyari kahexeiyame hetsɨa tepɨtatewiyatsitɨani tame.

Mawari 24:14

«'Axatiniukame xematiteitsie xekenayenɨ'a. Kemɨ'ane memi'eni mɨkɨ yumamakɨ mu'uyatsie mekeheutimeni meta memuyuxeɨrie yunaitɨ mekanitituaxixɨakuni.

'Etsekieri 23:8

Hatsuaku pukatiuhayewaxɨ yayɨanetɨ 'axakaniuyuyurieni naimekɨ, 'Ekipitu paitɨ mitsutɨakai 'ɨimariyari, yumuiretɨ hamatɨana mekaniukahipitekaitɨni, yɨmuɨretɨ mɨpaɨ tsitsieya mekateniutimayɨani.

'Etsekieri 23:3

'Ɨimarixiyari paitɨ watsisi mɨtimayɨiyanikɨ mepuyutauni, 'Ekipitu paitɨ tuminikɨ meyumayɨinɨatɨ mepakɨ, mana mepu'iyamatɨarie.

Keremiyaxi 9:25

Yawé mɨpaɨ kanaineni: «Tukari kanaye'amɨkɨ kepauka ne nemɨtiwakwinitɨani kemɨ'ane xeikɨa yuwaiyaritsie xitekiya 'inɨariyari memexeiya:

Nɨawari 119:39

'Uximatɨarika tewiweme kenemɨrexeiya, mɨkɨ hepaɨtsita keneneɨxɨna, 'ekɨ matsi 'itsɨkame 'aixɨa pemɨtiuka'iyari pepɨhɨkɨ.

1 Tsamuheri 17:36

Xɨka ne mati'uximayatsiriwame nehɨkɨtɨtɨ mayetsi hutseri newatakukuyani, 'ikɨta yaxeikɨa piritsiteu tewiyari nepɨyurieni, Kakaɨyari mɨkamate hikɨ Kakaɨyari mayeniere kuyaximama mɨwananaima.

1 Tsamuheri 14:6

Hikɨ Kunatani yuparewiwame mɨpaɨ katiniutahɨawe: —Hikɨmɨ teɨteri Kakaɨyari memɨkamate wahɨxie tekaniuyekɨnikuni, Yawé ketatsiparewieka, mɨkɨ mɨtatsitawikweitsitɨanikɨ pɨkakwaniwe, tsepanetɨ memɨyuwaɨkawa ya'etsimemɨyupaɨme wahepaɨtsita.

Kutsuhexi 24:14

»'Ayumiemeta hikɨ, xeme xekeneyuyetua Yawé hetsɨa, xeketene'uximayatsirieka hetsiena xetewiyatɨ. Xekeniwaruku'eiri kakaɨyarixi xetutsima memɨwarayexeiyakai 'Eupɨrate 'anutaɨye paitɨ meta 'Ekipitu, Yawé xeikɨa xekenayexeiyani.

Kutsuhexi 5:8

Yunaitɨ 'inɨari me'uwewiyarieka memakutekaitsie mekaniyuhayewakaitɨni 'aixɨa memɨteka'erienikɨ.

1 Tsamuheri 7:16

Xeiwiyari 'anuyeyeikakaku kiekaritetsie pukayeikakai Weteri, Kirikari meta Mitsipa kwieyaritsie, wa'enietɨ 'ixaheritsixi 'aixɨa tiyurienetɨ kememɨteyu'uximatɨakai.

2 Tsamuheri 19:15

'Ayumieme ti'aitame matsi kaniyukuha'aritɨani mayeyanikɨ, Kurutani hatuxameyaritsie paitɨ kaninuani. Merikɨte Kura kwieyaritsie kiekatari Kirikari mekanekɨne ti'aitame memanukunakekɨ meta hapa memanakɨnetsie memɨwaranatuanikɨ.

Mikeyaxi 6:5

Neteɨterima, xekena'eriwani Waraki Muhawi kwieyaritsie ti'aitame kemɨtiyurimɨkɨkai, meta Warami Wehuxi nu'aya kemɨtita'ei. Xekena'eriwani kexemɨte'ukɨ Tsitini xemɨyekɨ Kirikari paitɨ xemu'axɨa, meta mɨpaɨ xeketenemaika Yawé kemɨtixe'utawikweitsitɨa».

Tsupuniyaxi 2:8

«Ke'axamemutiyuane muhawitsixi nekaniwa'enieka, meta 'amunitsixi wayuriyarika, neteɨterima wahepaɨtsita kememɨteheuniuka meta wakwie mewanawairietɨwetɨ.

Nehemiyaxi 12:29

meta Weti-Kirikari kiekatari, yaxeikɨatsiere Kehewa kwieyaritsie kiekatari meta 'Atsimaweti kiekatari, mɨkɨ Kerutsareme 'aurie mekaniuyutikitɨakaitɨni kwikamete.

'Utseyaxi 4:15

»Xɨka 'ekɨ, 'Ixaheri, mɨpaɨ peyɨaneni, Kura hetsie pepɨkarahɨpani. »Kirikari xepɨkaheuhuni Weti-'Aweni tukita xepɨkaheutahakeni, mɨpaɨ xepɨkahaitɨkani xeyɨhɨritɨatɨ: “Yawé 'apuyeika”.

'Amuxi 5:5

Peru Weteri xepɨkaheta'axeni, meta Kirikari xepɨkahekɨkani, meta Weritsewa xepɨka'uyekɨkani, mɨkɨ Kirikari kananuhaniemɨkɨ 'ateewa paitɨ, meta Weteri, nitixaɨtɨ pɨkarayeitɨarieni».