Kutsuhexi 5:1 - Kakaɨyari Niukieya

¹ Merikɨtsɨ, te'aitamete waɨkawa mekaniutimamani 'amuxeutsixi Kurutani 'anataɨye tau makayuyuipike hepatsie memɨtamakai, meta kananeutsixi haramara Meritexaniyu tetsita memɨtamakai, kepauka memɨtehetima kename Yawé Kurutani hekawatsiɨxaxɨ mana memukɨnekɨ 'ixaheritsixi. Mepɨkayuwaɨriyakai memɨwatakwinikɨ.

Kutsuhexi 5:1 ပူးပေါင်းရင်းမြစ်များ

'Inɨatsie 13:29

'Amarekitsixi Nekexitsie mekaniu'uwani, hɨritsieta hetitsixi, kewutseutsixi meta 'amuxeutsixi hɨritsie mekane'uwani metatsiere kananeutsixi haramara tetsita mekaniu'uwani Kurutani tetsita.

Matsiɨkɨtɨ kemɨratɨa 18:10

Waɨkawa memamatɨ kemɨtikwinitɨariekai, 'ateewa paitɨ mekaniti'uikuni meta mɨpaɨ mekatenihiwakuni: «Xɨa'ui, xɨa'ui, kiekari mɨmariwe, Wawiruniya, kiekari mɨtɨrɨkaɨye, xeihurayaritsie 'a'uximatɨarika munuakɨ».

'Amuxi 2:9

»Mɨya mekateniyurieka, tsepanetɨ wahetsiemieme 'amuxeutsixi nemɨtiwaruka'unaxɨ, wa'ikwaxi nekaniukawani wapaitɨ meta wananari nekanatekixɨani wahetɨa, tsepanetɨ 'amemutɨkai kariuxa hepaɨ meta tsepa memɨtɨrɨkawikai xiu hepaɨ.

Tanieri 5:6

marikakɨ yuhɨxie kanayeture, tunuteya kaniutiyɨyɨakakaitɨni, waɨriyarika 'akaniuwekaitɨni.

'Etsekieri 21:7

Kepauka memɨmatsita'iwawiya titayari petiutatsuaka, mɨpaɨ ketiniwarutahɨawi pemu'enaxɨkɨ kemɨtiyɨni. 'Ikɨ niuki wa'iyari kanitimariutamɨkɨ, wamamate kanitiweranaxɨamɨkɨ meta watunute naitɨ pɨtiyɨyɨaka. 'Ari tukari kanaye'aximeni. Mɨkɨ yurikɨ katinaniuwani. Ne Yawé mɨpaɨ nekanaineni».

'Etsekieri 16:3

Mɨpaɨ ketinaye'eritɨa Yawé naimekɨmɨyɨwe mɨpaɨ kanaineni: “Kerutsareme, 'ekɨ kananeu tewiyari pekanihɨkɨtɨni mana pekaniutinuiwa, 'apaapa 'amuxeu tewiyari kanihɨkɨtɨni, 'amaamata Heti tewiyari.

Nɨawari 135:11

Tsikuni, 'amuxeutsixi tiwa'aitɨwame, ti'aitame 'Uhuki Watsani kwieyaritsie, meta yunaime te'aitamete Kanani memɨtamakai.

'Etsitɨraxi 9:1

Merikɨtsɨ 'arike, 'ixaheritsixi wa'ukiyarima 'ahurawa mekanakɨne, mɨpaɨ mekaneteniutahɨawe: «'Ixaheritsixi meta mawari wewiwamete metatsiere rewitsixi, mepɨkayɨwawe memɨkawanɨkakɨ mɨkɨ teɨteri 'ena hurawa kiekatari, matsi pɨta kememɨteyurie wahepaɨ naime 'axameteniyurieka, kananeutsixi wayeiyari meta hetitsixi, peretseutsixi, kewutseutsixi, 'amunitsixi, muhawitsixi, 'ekipitutari meta 'amuxeutsixi.

2 Tsamuheri 21:2

Kawahunitari 'ixaheritsixi mepɨkahɨkɨtɨkai, 'amuxeutsixi memuyuhayewaxɨ wanuiwari pɨta mepɨhɨkɨtɨkai. Tɨratu 'ixaheritsixi mɨkɨ wahamatɨa mekaniuwewiekaitɨni yunaitɨ kayuwatɨ memu'uwanikɨ, matsi Tsahuri yemekɨ pɨka'inakekai yunaime pɨwakumaweriyakekai. Yuteɨterima waparewimɨtɨ xeikɨa 'ixaheritsixi meta Kura kwieyaritsie kiekatari. Hikɨ Rawiri kawahunitari kaniwarutakwewieni yuhetsɨa,

1 Tsamuheri 25:37

Merikɨte 'uxa'ariekake kepauka Nawari mukatawaipiekai 'anake katinitaxatɨani kemɨtiuyɨkai. Nawari matsi 'u'enaka yu'iyaritsie katiniutakwine hikɨ kaniuhurieni naitɨ.

'Itsɨkate 11:23

»”Yawé, 'ixaheritsixi wakakaɨyari, 'amuxeutsixi kaniwarunawairieni yuteɨterima mɨwayetuirienikɨ, ¿kamɨtsɨ 'ekɨta petatinawairieni?

'Itsɨkate 4:2

Hikɨ Yawé kaniwayetuani Kawini hetsɨa, Kanani kwieyaritsie ti'aitame hetsɨa, Katsuxi 'ukaitɨ pɨti'aitakai. Kuyaximama wa'ukiyari kanihɨkɨtɨkaitɨni Tsitsara, Karutseti-Kuhimi mukatei.

'Itsɨkate 3:3

Mekaniuyuhayewa yu'auxɨwitɨ piritsiteutsixi tewa'aitɨwamete, yunaitɨ Kananeutsixi, yunaitɨ tsiruniyutsixi meta heweutsixi Riwanu hɨriyaritsie memɨtitekai, Wahari-Heximuni hɨriyaritsie metsutɨtɨ, meye'atɨkaitɨ Rewu-Kamati.

'Itsɨkate 1:1

'Ixaheritsixi Yawé mekaniuta'iwawiya, Kutsuhexi 'ukumawereku reutiyetana: ―¿Kemɨ'aneta hikɨ panuyeyerɨni mɨwatakwinikɨ Kananeutsixi?

Kutsuhexi 24:15

Peru xɨka xehetsiemieme 'axa'aneni Yawé mɨti'uximayatsirieka, xekeniwaranayexeiya kemɨ'ane xemɨwarayexeiyani, xetutsima memɨwarayexeiyakai 'Eupɨrate 'anutaɨye, yatɨni kakaɨyarixi 'amuxeutsixi memɨwarayexeiya, hikɨ 'ena wakwietsie xemanu'uwa. Tametsɨ, netɨɨriyama meta ne Yawé tepayexeiyani».

Kutsuhexi 17:18

matsi hɨritsie muhukuyatsie xehetsiemieme kanayeimɨkɨ. Xekenetawata mana xekenetiyaxi mɨkɨ kwieyari hakewa meuka'atɨka. Tsepanetɨ kananeutsixi kaxetate tepɨakɨ memɨwewiyatɨka memɨwarexeiya, xeme xekaniwarayeweiyakuni.

Kutsuhexi 17:12

Manatsexi xiɨyarimama 'ikɨ kiekaritsie mepɨkatiyaxixɨ, kananeutsixi memɨka'itauniekaikɨ mɨkɨ kiekarite.

Memeyekɨ 23:28

»'Ahɨxie nepɨwaranɨ'ani mɨrakatsixi, memuyuta'unaxuanikɨ heweutsixi, kananeutsixi meta hetitsixi.

Tsutɨarika 48:22

'Ekɨ Kutse 'a'iwama wahetsiemieme heitserie pepexeiya waɨkawa, nepɨmatsixatɨa Tsikeni kwieyari, 'amuxeutsixi teɨteriyari nemɨwarunawairi newakwinetɨ.

Tsutɨarika 12:6

'Apɨrami mana 'uyeyaka Tsikeni mɨrakutewatsiepai kaninuani, xiu manuwe mɨrayutimawatɨre Mure mɨrakutewatsie. 'Ana mana kananeutsixi mepɨtitekai mɨkɨ kwieyaritsie.

Kitsariyaxi 41:5

Haramara tetsita kiekatari mekanixeiya, mekanimamaka meta kwie manuye'atɨkatsie kaniwatayuaneni. 'Ari 'ahurawa mekanahuni, 'umekanahuniri.

Kutsuhexi 3:16

hikɨ haa 'uhanetɨ katiniuhayewa, 'ai hepaɨ 'anetɨ kanayani 'ateewa yuhekɨatɨ, 'Arani kiekariyaritsie kaniuti'ani meta Tsaretani kuraruyari 'amatitewa hepaɨtsita, yaxeikɨata katiniuhayewa 'uhanetɨ Harawa meukayune Haramara Mɨmɨkitsie, mɨpaɨ mekateniukɨne teɨteri 'ixaheritsixi mekaniuyuhayewa Keriku hɨxie.

Kutsuhexi 3:17

Hikɨ mawari wewiwamete tɨratu kakuniyari Yawé hetsiemieme memukweiximekai Kurutani hixɨapa mekaniwa'uni, mexi me'anukɨkakai 'ixaheritsixi 'ayewakikakɨ.