Kutsuhexi 4:6 - Kakaɨyari Niukieya

⁶ Pɨ'inɨaritɨni xehetsiemieme. 'Uxa'atɨniwarie xeniwema mepɨxeta'iwawiya: “¿Titayari 'ena 'ikɨ tetexi tititei?”,

Kutsuhexi 4:6 ပူးပေါင်းရင်းမြစ်များ

Memeyekɨ 13:14

»'Uxa'atɨni warie, kepauka memɨxeteta'iwawiya xeniwema: “¿'Ikɨta tita ti'inɨariyari?”, mɨpaɨ xepɨtewatahɨawe: “Yawé waɨkawa mariweme tiyurienetɨ pɨtatsi'ayewitɨ 'Ekipitu kwieyaritsie hakewa waɨriyarika temɨtehe'aitɨariekai.

Kutsuhexi 4:21

'ixaheritsixi mɨpaɨ katiniwarutahɨawe: «'Uxa'atɨni warie, xɨka xeniwema mexe'uta'iwawiya: “¿Titayari 'ikɨ tetexi 'ena tititei?”,

Nɨawari 44:1

Kakaɨyari, tepɨte'u'eni 'ahetsie timieme, tapaapama mepɨtate'utaxatɨa mamariwaweme kepemɨtiuyuri memu'uwakaitsie, 'iya tukaritsie meripaitɨ:

Kutsuhexi 22:27

matsi pɨta mɨ'inɨaritɨnikɨ xehetsiemieme meta tahetsiemieme 'uxa'a warietɨni tukari mɨyehane, tameta yaxeikɨa tepɨyɨwawe Yawé temayexeiyanikɨ tukitana. Mɨpaɨ 'ayumieme xeniwema mepɨkayɨwawe mɨpaɨ memɨtewatahɨawekɨ tame xenuiwarima: “Xeme heitserie xepɨkahexeiya Yawé xemayexeiyanikɨ”.

Hutarieka 'inɨari 11:19

Yuniwema xekeniwaruti'ɨkitɨa, yaxeketeniwakuxaxatɨwani yukie xemɨtitenitsie, kepauka huyeta xemuhunitsie, kepauka xemɨkahinitsie meta kepauka xemanuku'unitsie,

Kitsariyaxi 55:13

'Ɨtsi muxuyatɨka hetsiemieme huku mɨxexeurawi pɨtiwawere, kieká hetsiemieme tsikwai kanitixuawerimɨkɨ. 'Ana Yawé 'aixɨa pɨtitahɨawarieni, mɨkɨ 'inɨarieya payani yuheyemekɨ».

Kitsariyaxi 38:19

Kemɨ'ane memu'uwa, peru kemɨ'ane xeikɨa memu'uwa, mɨkɨ mepɨhɨkɨ memɨmatsinɨawa, hikɨ ne kenemɨmatinɨawa. Wapaapama yunaitɨ yuniwema mekateniwataxatɨakuni wahetsie kepemɨtiwiyanikɨ.

Nɨawari 71:18

Kepauka 'ukiratsi nemayani, kepauka nemumutuxakari, Kakaɨyari 'aku, pepɨkanetsi'uku'e'eiriwani, 'umemahu 'atɨrɨkariya newataxatɨayuke, memɨkatinunuiwawawe 'akuxi kepemɨtiuyuri newataxatɨayuke.

Nɨ'ariekate 2:39

'Ikɨ kemutayɨ xehetsie pɨmieme, xetɨriyama wahetsie meta yunaitɨ teewa kɨkamete, tatsɨari, mɨkɨ yunaitɨ Ti'aitame takakaɨyari mɨwaranayexeiya.

'Etsekieri 20:20

Xawati tukariyari xekena'eriwani mɨpatsie nehetsiemieme, mɨ'inɨaritɨnikɨ xehetsiemieme meta nehetsiemieme, mɨpaɨ xemɨtemaikakɨ ne Yawé xekakaɨyari nemɨkɨkɨ’.

'Etsekieri 20:12

Meta xawati tukariyari nekaniwayetuirieni 'inɨari mɨhɨkɨtɨnikɨ ne wahamatɨa mɨkɨta nehamatɨa, mɨpaɨ memɨnetehaye'eriwanikɨ, ne Yawé, xawati tukariyari patsiekame nepayeitɨa nehetsiemieme.

'Inɨatsie 16:38

'Ɨkwa taiyamete keneuti'ɨi 'iya 'axameteyurietɨ memukwi tiwapiini, kɨmana mawari taiyame pekanikawiriemɨkɨ. Mɨkɨtsɨ kanipatsietɨkani, Yawé mɨyetuiriyariekɨ, mɨkɨ 'inɨari 'ixaheritsixi wahetsiemieme mɨhɨkɨtɨnikɨ».

Memeyekɨ 31:13

«Mɨpaɨ 'ixaheritsixi ketiniwarutahɨawi: “Xekena'eriwani xawati 'uxipiya tukaritsie. Nuiwarite memahu wahetsiemieme, xawati tukari 'inɨari pɨhɨkɨtɨni nehetsiemieme meta xehetsiemieme, mɨpaɨ xemɨtemaikakɨ ne Yawé nemenayexei mɨkɨ tukaritsie xemɨnetsihahɨawenikɨ.

Memeyekɨ 13:9

'Ikɨ pɨ'inɨaritɨni xehetsiemieme xemamatsie ya xekanata pɨxehaye'eritɨwani kename, Yawé niukieya xeteta payekani mɨkɨ 'Ekipitu mɨxe'ayewitɨ, waɨkawa yutɨrɨkariyakɨ tiyurienetɨ.

Memeyekɨ 12:14

»'Ikɨ tukari 'aitsikayarikɨ xekena'eriwani yuheyemekɨ: 'Ikɨ 'ixɨarari kanihɨkɨtɨni Yawé hetsiemieme, 'uxa'atɨniwarie xeniwema mɨpaɨ meketeyurieka.

Kutsuhexi 4:5

Mɨpaɨ katiniwarutahɨawe: «Xekenehu haa hixɨapa Yawé kakunieya mayekatsie yuxexuitɨ tetexi xekenatɨki. Tamamata heimana huta kanayeimɨkɨ, xexuime 'Ixaheri nuiwarimama kememɨyupaɨme.