Kutsuhexi 3:7 - Kakaɨyari Niukieya

⁷ Hikɨ Yawé Kutsuhexi mɨpaɨ katiniutahɨawe: «Hikɨ mɨtiyehane mariweme nepɨmatsi'ayeitɨani 'ixaheritsixi wahɨxie. Mɨpaɨ memɨtehetimanikɨ kename 'ahamatɨa ne'uyeika Muitsexi hamatɨa kenemɨtiuyeikakai hepaɨ.

Kutsuhexi 3:7 ပူးပေါင်းရင်းမြစ်များ

Kutsuhexi 4:14

Mɨkɨ tukaritsie Yawé Kutsuhexi mariweme kanayeitɨani 'ixaheritsixi wahɨxie. Teɨteri Kutsuhexi 'aixɨa mekatenixeiyakaitɨni kemɨreuterixɨ 'uyeikatɨ, Muitsexi kememɨtexeiyakai hepaɨ.

Kutsuhexi 1:5

Kepaɨmexɨa tukari pemuyeikani xewitɨ pɨkayɨweni matsi'a'iwanikɨ. Mɨpaɨ kenemɨtiuyeikakai Muitsexi hamatɨa yaxeikɨata 'ahamatɨa nepɨtiuyeikani, nepɨkamatsinutuita nepɨkamatsiku'eirieni.

1 Kemɨtiuyɨ 29:25

Yawé mariweme kanayeitɨani Tsarumuni naitsarie 'Ixaheri kwieyaritsie, meta kanipitɨani mɨti'aitanikɨ mariwemekɨ mariwatɨ, nixewitɨ mɨkareixeiyakai hepaɨ te'aitamete 'Ixaheritsie memanuka'ui.

Nɨawari 18:35

'Ekɨ 'atepɨakɨ pepɨnetsiwikweitsitɨa, 'atseriekɨ pepɨnetsiwiya, 'aixɨa pemɨtiuka'iyarikɨ neputawikwewe.

Kutsuhexi 1:17

Naimekɨ yatepɨtekakɨne, Muitsexi ketemɨteheu'eniekai. Tepiwawa xeikɨa Yawé 'ahamatɨa ke'uyeikani Muitsexi hamatɨa kemɨtiuyeikakai.

Kuwi 7:17

»¿Tewi ketita tihɨkɨ, waɨkawa meuyewetse pemeyeitɨwa, meta hetsiena mieme pemɨ'ahɨawenikɨ,

2 Kemɨtiuyɨ 1:1

Merikɨtsɨ Tsarumuni Rawiri nu'aya mɨra'aita tɨrɨkaɨyetɨ kanayani, Yawé Kakaɨyarieya hamatɨana muyeikakaikɨ meta waɨkawa tɨrɨkaɨyeme kanayeitɨani.

Wani 17:1

Merikɨtsɨ mɨpaɨ katinikuxatakaitɨni Ketsutsi, yuheima heutiniereka mɨpaɨ kaniutayɨni: «Ne'ukiyari, tukariri kanaye'ani. Witsi'aneme kenayeitɨa 'aniwe, mɨkɨta 'aniwe witsipe'aneme mɨmatsi'ayeitɨanikɨ,

Piriputari 1:20

Mɨpaɨ yemekɨ yuri nekatini'erieka meta mɨpaɨ netita'ikwewatɨ 'uxa'atɨni warie nepɨkatewiyatsitɨarieni, tsepa nemayeniere tsepa nemumɨ, matsi Kɨritsitu kemɨtimariwe kanimatsiɨkɨkamɨkɨ yaxeikɨa meripai hepaɨ.

Kutsuhexi 3:6

Meta mawari wewiwamete mɨpaɨ katiniwarutahɨawe: «Xekeneutikwe'i tɨratu kakuniyari teɨteri wahɨxie xekenanuyeyaxi». Mawari wewiwamete yamekatenikakɨne mekananuyeyaxe.

Kutsuhexi 3:8

Tawarita mɨpaɨ katiniwaruta'aitɨani mawari wewiwamete tɨratu kakuniyari mematɨkɨ: “Kepauka Kurutani tetsita xemɨkatexɨani, xekaniwa'uikuni”».

Kutsuhexi 1:9

Mɨpaɨ nekamatini'aitɨaka: Kenetɨrɨkaɨyeni ketinayu'iwani. Pepɨkamaka kene'awaɨriyani. Yawé 'akakaɨyari pɨmatsiteɨtani tsepa hakewa pemetɨa».