Kutsuhexi 3:16 - Kakaɨyari Niukieya

¹⁶ hikɨ haa 'uhanetɨ katiniuhayewa, 'ai hepaɨ 'anetɨ kanayani 'ateewa yuhekɨatɨ, 'Arani kiekariyaritsie kaniuti'ani meta Tsaretani kuraruyari 'amatitewa hepaɨtsita, yaxeikɨata katiniuhayewa 'uhanetɨ Harawa meukayune Haramara Mɨmɨkitsie, mɨpaɨ mekateniukɨne teɨteri 'ixaheritsixi mekaniuyuhayewa Keriku hɨxie.

Kutsuhexi 3:16 ပူးပေါင်းရင်းမြစ်များ

Kutsuhexi 3:13

Kepauka memaka'uni hapa Kurutani hetsie mawari wewiwamete Yawé naitsarie kwiepa mɨti'aita kakunieya memukweixime, haa mana puyuhayewaxɨani ka'uhanetɨ manutanaka hepaɨ».

1 Te'aitamete 7:46

Ti'aitame katiniuta'aita Kurutani mayeweritsie mɨtitiwewiyanikɨ kwieta 'inɨarita mɨtitixeriyarienikɨ, Tsukuti mɨrakutewatsie meta Tsaretani wahixɨapa.

1 Te'aitamete 4:12

Wanaha 'Akiruri nu'aya pɨhɨritɨariekai Tanaki hetsie meta Mekirutsie, metatsiere naitsarie Wetsehani, (meta kiekari Tsaretani 'aurie, Ketsireri hetɨa, Wetsehani ye'atɨ 'atsita 'Aweri-Mekura paitɨ, 'akuxi matsi Kumehani paitɨ).

Tsutɨarika 14:3

Mɨkɨ meyu'auxɨwitɨ me'uyutinɨka mepɨwarukuxeɨri yukuyaxima mayeweritsie Tsirini mɨrayetewatsie, metatsiere Haramara Mɨmɨki mɨtimatiwatsie.

Nɨawari 114:3

Haramara 'ixaheritsixi waruxeiyaka huye kananuwewieni memanukɨnekɨ, metatsiere hatuxame Kurutani ka'uhanetɨ kanayani.

Hutarieka 'inɨari 1:1

'Ikɨ niuki kanihɨkɨtɨni Muitsexi muwarutaxatɨa 'ixaheritsixi yunaime, makumawetsie 'uyeikatɨ Kurutani 'akiyaritsie tau manatineika hepatsie, tatsɨari, 'Arawa mayeweritsie Tsupi hɨxie, Parani meta Tuperi watsata Rawani Katseruti meta Ritsahawi.

'Inɨatsie 34:3

»Tahetɨa manuye'atɨkatsie kanitsutɨkamɨkɨ Tsini makumawetsie, 'Erumi kwieya mata'atɨkatsie. Tau manatineikatsieta, Haramara Mɨmɨki mayema manuyeniere tahetɨa manuye'axe mana katinawiyakamɨkɨ.

Nɨawari 77:19

Haramaratsie 'ahuye pepanuwewi, haa waɨkawa 'apametsie pepɨtɨa, peru 'aketate pɨka'uhekɨarixɨ.

Nɨawari 74:15

'Ekɨ pepɨtiuyuri haixa pemanetɨaxɨa meta hatɨa, haa manuyehapane waɨkawa pepikawatsiɨxaxɨ.

Nɨawari 66:6

Haramara 'akuwakime kanayeitɨani, teɨteri me'uhutɨ mana mekaniukɨne. Tepɨyutemamawieka hetsiena.

Nɨawari 29:10

Yawé, wiyeritsie yu'uweni kanexeiyani, Yawé yuheyemekɨ katini'aitani.

Kutsuhexi 15:2

Tatsutɨa muyekatsie kanitsutɨkaitɨni Haramara Mɨmɨki paitɨ,

Hutarieka 'inɨari 3:17

Wakwie maka'atɨka tau makayuyuipiketsie kanihɨkɨtɨkaitɨni Kurutani hatuxameyari, harakuna mayema Kinereti ye'atɨkaitɨ meta harakuna 'Arawa mayema paitɨ ye'atɨkaitɨ, mɨkɨ Haramara Mɨmɨki mɨtitewa, hɨri Pitsikaha mɨtitewa manuka paitɨ.

Memeyekɨ 14:21

Hikɨ Muitsexi yu'itsɨ kaneutatsera haramara heima, Yawé 'eka kaneyenɨ'ani mɨkɨ tɨkarikɨ tau manatineika mieme karima kaniu'ekakaitɨni 'anari haramara kananutayepiere, ya'atayeutɨ heutanetɨ kanayewani, kwie wakitɨ kanahekɨare. Haa haramara kananutayepiere,

Nɨawari 33:7

Mɨkɨ haramaratsie haa panatihanɨwe xarita, meta xariteta haramara 'ameukatewa kanikuxexeɨriwani.

Nɨawari 114:5

¿Haramara, kemetiuyuri, titayari peranutayepierixɨ? ¿'Ekɨta Kurutani, titayari perewake pe'uhanetɨ?

Kitsariyaxi 50:2

¿Titayari nemunuatsie xeime tɨma nekatiutaxei? ¿Titayari xewitɨ kanetiuta'ei nemɨxe'utahɨawixɨtsie? ¿Kamɨtsɨ nekatiyɨwe nemɨxe'utawikweitsitɨanikɨ? ¿Kamɨtsɨ netɨrɨkariya katiyɨwe mɨxe'uxɨna? 'Etsiwa ne neyutahaxɨatɨayu haramara kanakawaukeni, meta hatɨa makumawe nekanayeitɨwani, haa heuyewekakaku tsapari mekanitakukuweni hariyakɨ, meta mekanitipɨkeni.

'Etsekieri 47:8

Manata mɨpaɨ kanetiniutahɨawe: «'Ikɨ haa tau manatineika hepa kaneutayuneni, 'Arawa paitɨ kaneutayuneni, mɨkɨ haa Haramara Mɨmɨkitsie paitɨ kaneukayunimɨkɨ. Kepauka mɨkɨ haa haramaratsie mɨye'ani, mɨkɨ haa hakakatɨ kanayeimɨkɨ.

Nahumi 1:4

Kepauka mɨkɨ mɨtita'aita haramara kaniukawaukeni, meta haa muhapane kaniukawaukeni. Watsani meta Kaximeru hɨriyaritsie 'ɨxa 'aixɨa mɨ'anene pɨtiwauke, meta kɨyexi 'emɨpapa Riwanu mieme kanitiyɨnareni.

'Awakuki 3:8

¿Petiha'akai, Yawé, kepauka pemiwa hatɨate? ¿Petiha'akai haa mɨtɨrɨkawi hepaɨtsita? ¿Waɨkawa petiha'akai haramara hepaɨtsita 'ayumieme 'akawayutsixi wahetsie peranutiya, meta 'akaxetate kuyaxa miemete memɨtehayu'iwa wahetsie?

Memeyekɨ 14:22

'ixaheritsixi mana mekaniukɨne kwie wakimetsie me'uhutɨ. Haramara kaniti'ukaitɨni 'ixumeri hepaɨ watserieta meta wa'utata.

Memeyekɨ 14:29

Peru 'ixaheritsixi teɨteriyari mekananukɨne kwie wakimetsie haramaratsietɨtɨ, mɨkɨ wahetsiemieme haa 'ixumeriyari kanihɨkɨtɨkaitɨni watserieta meta wa'utata.

Memeyekɨ 15:8

Xei 'iiyayarikɨ pepɨtiuyuri, haa manutayepierekɨ, hamewari kayuwatɨ pɨtiu'ui 'ixumeri hepaɨ pɨtiyuxexeiyakai, haa pɨkakuyuatɨkatei tetɨata paitɨ.

Kutsuhexi 4:22

xeme mɨpaɨ xepɨtewatahɨawe: “Kepauka 'ixaheritsixi memanakɨ Kurutanitsie wakikɨa mepakɨ”.

Kutsuhexi 5:1

Merikɨtsɨ, te'aitamete waɨkawa mekaniutimamani 'amuxeutsixi Kurutani 'anataɨye tau makayuyuipike hepatsie memɨtamakai, meta kananeutsixi haramara Meritexaniyu tetsita memɨtamakai, kepauka memɨtehetima kename Yawé Kurutani hekawatsiɨxaxɨ mana memukɨnekɨ 'ixaheritsixi. Mepɨkayuwaɨriyakai memɨwatakwinikɨ.

Kutsuhexi 12:3

'Arawa tau manatineika hepatsie pɨye'atɨkatei meta Kinereti harakuna mayematsie paitɨ, manata Haramara Mɨmɨki mayematsie paitɨ, Weti-Yetsimuti kiekariyari huyeyari 'utɨa, matsi 'akuxi hetɨana paitɨ, Pitsikaha yemuriyaritsie mukɨatsie paitɨ.

Kutsuhexi 16:7

Manata kanatinekaitɨni Kanuha 'Atsitaruti meta Nara paitɨ, Keriku 'uyekaitɨ hatuxame Kurutani ye'atɨkaime.

'Itsɨkate 7:22

Kepauka haika tsienituyari 'awate mutiyua, Yawé yakatiniuyurieni mɨkɨ teɨteri mana memukutekai yukɨmana mekaniuyutakwini yu'ixiparakɨ. Mɨkɨ mekaniuyuta'una Weti-Tsita paitɨ, Tserera hepatsie, 'Aweri-Mekura kiekariyari manuye'atɨka paitɨ, Tawati kiekariyaritsie heuhurakaku.

Nɨawari 78:13

Haramara hixɨapa puhuyetaxɨ mana memukɨnekɨ, haa pɨti'ukai 'ixumeri hepaɨ peutiheitseriekai.