Kutsuhexi 24:2 - Kakaɨyari Niukieya

² Kutsuhexi yunaime mɨpaɨ katiniwarutahɨawe mɨpaɨ katiniwaraye'eritɨani: ―Yawé mɨpaɨ kanaineni, 'ixaheritsixi takakaɨyari: Mɨixa wiyari panuyemie, xe'ukiyarima, Teraki niwemama 'Apɨrahami meta Nakuxi, 'Eupɨrate hatuxameyari 'anutaɨye mekaniu'uwakaitɨni, kakaɨyarixi hipame mekaniwarayexeiyakaitɨni.

Kutsuhexi 24:2 ပူးပေါင်းရင်းမြစ်များ

Kutsuhexi 24:15

Peru xɨka xehetsiemieme 'axa'aneni Yawé mɨti'uximayatsirieka, xekeniwaranayexeiya kemɨ'ane xemɨwarayexeiyani, xetutsima memɨwarayexeiyakai 'Eupɨrate 'anutaɨye, yatɨni kakaɨyarixi 'amuxeutsixi memɨwarayexeiya, hikɨ 'ena wakwietsie xemanu'uwa. Tametsɨ, netɨɨriyama meta ne Yawé tepayexeiyani».

Tsutɨarika 31:30

Mɨpaɨ nepɨretima 'apaapa manuyeikatsie peyeimɨtɨ pepɨyɨane, ¿peru ketitayari petiwarenawa nekakaɨyarixi?

'Etsekieri 16:3

Mɨpaɨ ketinaye'eritɨa Yawé naimekɨmɨyɨwe mɨpaɨ kanaineni: “Kerutsareme, 'ekɨ kananeu tewiyari pekanihɨkɨtɨni mana pekaniutinuiwa, 'apaapa 'amuxeu tewiyari kanihɨkɨtɨni, 'amaamata Heti tewiyari.

Kitsariyaxi 51:2

'Apɨrahami xekeneuxeiya, yupaapa, meta Tsara, mɨxe'utiniwexɨ. Kepauka ne nemenayexei, puyuxaɨtatɨkai, peru ne 'aixɨa nepiyuri, mɨtamɨirekɨ.

Hutarieka 'inɨari 26:5

Hikɨ mɨpaɨ xekanitiyuakuni Yawé yukakaɨyari hɨxie: “Nepaapa 'arameu tewiyari pɨhɨkɨtɨkai meta kuyeikame, kepauka 'Ekipitu munua 'etsimepuyupaɨmekai teɨterimama. Mana mekutetɨ mepuyutamɨiriyaxɨ nuiwari metɨrɨkaɨyetɨ mepakɨ.

Tsutɨarika 35:4

Hikɨ Kakuwu mekateniyetuirieni yukakaɨyarixi memɨwarexeiyakai, yunakɨtsate yunakatesie memanuyewutɨakai, Kakuwu katiniukateuku xiu hetɨa Tsikeni hehurakaku muwekai.

Tsutɨarika 31:53

'Apɨrahami Kakaɨyarieya meta Nakuxi Kakaɨyarieya ta'itsɨkame kehɨkɨtɨni. Hikɨ Kakuwu 'aixɨa kaniutayɨni Kakaɨyari hepaɨtsita paapaya 'Itsahaki mimakaxekai hetsie.

Tsutɨarika 31:32

Keniwarutiwawa 'akakaɨyarixi, kemɨ'ane pemɨtaxeirieni mɨkɨ ke'ukumawere. Ta'iwama memunenierixɨ mekanakɨnikuni: Ketineutiwawa tita mɨti'apiini, ketinapitɨ. Perutsɨ Kakuwu 'atsipɨkatimaikai, Xakeri Rawani kakaɨyariximama mɨwarenawakai,

Tsutɨarika 31:19

Mexi Rawani yumuxatsima warexinekai, Xakeri yapauka heyaka kaniwarunawani kakaɨyariximama.

Tsutɨarika 11:26

Kepauka Teraki haika tewiyari heimana tamamata wiyari mexeiyakai, mekaniutinunuiwakaitɨniri niwemama 'Apɨrami, Nakuxi, Karani.

Rukaxi 3:34

mɨkɨta Kakuwu kaninu'ayatɨkaitɨni, mɨkɨta 'Itsahaki kaninu'ayatɨkaitɨni, mɨkɨta 'Apɨrahami kaninu'ayatɨkaitɨni, mɨkɨta Teraki kaninu'ayatɨkaitɨni, mɨkɨta Nakuxi kaninu'ayatɨkaitɨni,

Tsutɨarika 11:24

Kepauka Nakuxi xeitewiyari heimana 'atanauka wiyari mexeiyakai, niweya Teraki kaniutinuiwa.

Tsutɨarika 11:27

'Ikɨ Teraki kemuyɨ 'ɨxatsieya kanihɨkɨtɨni, 'Apɨrami, Nakuxi meta Karani wapaapa. Karani Ruti pupaapayatɨkai,

Tsutɨarika 11:22

Kepauka Tseruki xeitewiyari heimana tamamata wiyari mexeiyakai, niweya Nakuxi kaniutinuiwa.

1 Kemɨtiuyɨ 1:27

meta 'Apɨrami, 'Apɨrahami mɨtitewatatsiere.