Kutsuhexi 22:5 - Kakaɨyari Niukieya

⁵ Meta xekeneyutɨrɨkariyani xemeye'atɨanikɨ 'aitsika 'inɨari niukiyari, Muitsexi kemɨraka'utɨa Yawé ti'uximayatsiriwame: Yawé yukakaɨyari xekenenaki'erieka, xekeneu'uwani kemɨtinake xekenaye'atɨaka 'aitsikaya, hamatɨana xekeneuhuni heitserie yu'iyarikɨ xeketene'uximayatsirieka meta naimekɨ yu'iyarikɨ 'aixɨa xeketeneyurieka».

Kutsuhexi 22:5 ပူးပေါင်းရင်းမြစ်များ

Mateu 22:37

Ketsutsi mɨpaɨ katinitahɨawe: —“Kenenaki'erieka Ti'aitame 'akakaɨyari, naimekɨ kepemɨtiuka'iyari, naimekɨ kepemɨti'amate, naimekɨ pemɨtimaiwekɨ”.

Memeyekɨ 20:6

Matsi kepauka, memɨnetsinaki'erie, kepauka yamemɨtekahu ne'aitsikatsie, ne nenaki'eriya wahetsiemieme matsiɨkɨme nekanayeitɨwani xeimiriyari nuiwariyaritsie.

Xumatari 8:28

Tame mɨpaɨ tekatenimaika, kemɨ'ane Kakaɨyari memɨnaki'erie, mɨkɨ kaniwaparewieka, naime tikuyuitɨwatɨ para 'aixɨa memɨ'itɨarienikɨ mɨkɨ memuta'inierie, mɨkɨ kemɨtiyuriemɨkɨkaikɨ meripaitɨ.

Hutarieka 'inɨari 11:22

»Xɨka yaxetekakɨne xeyukweriwayurietɨ naime 'ikɨ 'aitsikatsie hikɨ nemɨxeyetuirie, Yawé yukakaɨyari xɨka xenaki'erieka, xɨka huyetana xe'uhuni heitseriekamekɨ hetsiena xetewiyatɨ.

Memeyekɨ 15:26

Mɨpaɨ katiniwarutahɨawe: «Netsɨ Yawé xekakaɨyari nekanihɨkɨtɨni. Xɨka neniuki xe'enietɨ yaxetekahuni heitseriemekɨ, xɨka 'inɨari niukiyaritsie yaxetekahuni kemɨreuyewetse meta ne'aitsikatsie, ne hatsuaku kwiniya nepɨkahanɨ'ani xehetsie, 'ekipitutsie kenemɨtiuyuri. Netsɨ Yawé nekanihɨkɨtɨni, hatsuaku kwiniya xehetsie pɨkatinake».

Tsatiyaku 1:12

'Aixɨa kani'itɨarieka kemɨ'ane tiuka'eniwatɨ mumie, mɨkɨ mɨpaɨ tita'inɨatsieme, tukari kurunayari kaniyetuiriyariemɨkɨ Kakaɨyari kemutayɨ kemɨ'ane meminaki'erie wahetsiemieme.

Mateu 4:10

Hikɨ Ketsutsi mɨpaɨ katinitahɨawe: ―Kenemie Kauyumarie. 'Utɨarika mɨpaɨ kanaineni: “Ti'aitame mɨ'akakaɨyari xeikɨa kenayexeiyani”.

Xumatari 12:9

Yakɨ xeikɨa xekayɨatɨ xeketeneyukanaki'erieka. Xe'ixeɨmatɨ tita 'axamɨti'ane, tita 'aixɨa mɨti'anetsie xeketenewiyani.

Xumatari 1:9

Ne'iyarikɨ Kakaɨyari hetsiemieme nepɨti'uximaya, niuki nu'aya hetsiemieme 'aixɨa manuyɨne nekuxatatɨ. Mɨkɨ Kakaɨyari mɨpaɨ pɨtihekɨata, kenemɨtixeha'eriwa nekatihayewatɨ kepauka nemɨnenenewie neheyemekɨ,

Nɨ'ariekate 27:23

Tɨkarikɨ Kakaɨyari niukieya tuayame kaneyuhekɨata nehɨxie kemɨ'ane hetsie nemɨtiwiya meta nemɨti'uximayatsirie,

Nɨ'ariekate 11:23

Nuaka, nieretɨ Kakaɨyari 'aixɨa kemɨtiuka'iyarikai, kaniyutemawiekaitɨni. Yunaime kaniwatuikakaitɨni Ti'aitame hetsie memɨtewiyanikɨ, wa'iyari ya'anekaku.

Wani 14:15

»Xɨka xenetsinaki'erieka, yaxeketenekahuni kenemɨti'aita.

Rukaxi 1:74

Kename tatsipitɨanikekai tekamamatɨ 'atemu'uwanikɨ, tatsi'utawikweitsitɨaka mɨkɨ memɨtatsi'aye'unie wahetsɨa, temeyexeiyanikɨ kemɨtinake,

Mateu 6:24

»Tewi pɨkayɨwe yuhutame yukutsiyarima wahetsie tiwiyatɨ mɨti'uximayaka. Ni'uxiwe'eriekamɨkɨ xeime 'inaki'erietɨ xeime, yatɨni matsi xeime waɨkawa ninaki'eriekamɨkɨ xeime xani'erietɨ. Pɨkayɨwe xemɨte'uximayaka Kakaɨyari hetsie xetewiyatɨ meta yupiinitɨarikatsie xetewiyatɨ.

Kitsariyaxi 55:2

¿Titayari tumini xetexɨtɨa paa kahɨkɨtɨmetsie, meta yu'iwarika tita mɨkatihuxaiyatsie? 'Aixɨa xekeneteneu'eni, xekatenitikwaikuni tita 'aixɨa mɨti'ane, meta 'aixɨa xekateniku'eriwakuni witsira'aneme xetekwatɨ.

Nɨawari 106:3

'Aixɨa meke'itɨarieka heitserie 'aixɨa memɨteyurie meta yuheyemekɨ kemɨtinake memɨteyurie.

Hutarieka 'inɨari 11:13

»Xɨka naime xehaye'atɨaka 'aitsika hikɨ ne nemɨxeyetuiri, xɨka Yawé yukakaɨyari xenaki'erietɨ yemekɨ yu'iyarikɨ yaxetekahuni, naimekɨ kexemɨteyumate,

Hutarieka 'inɨari 11:1

»Yawé xekenenaki'erieka xekakaɨyari meta yaxeketenekahuni yuheyemekɨ 'aitsikateyatsie, meta naime 'inɨari niukiyaritsie.

Hutarieka 'inɨari 6:17

'Amarima xeikɨa kenaye'atɨwani Yawé 'akakaɨyari 'aitsikaya, meta naime 'inɨari niukiyari mɨmatsiyetuiri.

Tsatiyaku 2:5

Xekeneu'enana ne'iwama nenaki'erima: ¿Kakaɨyari tamɨ katiwaranuyexei tixaɨ memɨkatehexeiya 'ena kwiepa, mɨkɨ matsi metehexeiyakame mɨwarayeitɨanikɨ yuri mete'erietɨ, para wahetsie mɨtinakenikɨ mɨkɨ tiwa'aitɨwame mayanikɨ, kemutayɨ kemɨ'ane mɨkɨ meminaki'erie wahetsiemieme?

Hepɨrayutsixi 12:15

Xekeneyɨ'ɨwiyani xewitɨ ka'aye'awetɨ mɨka'ayanikɨ, Kakaɨyari 'aixɨa tiuka'iyaritɨ kemɨtiminikeyu, xekeneyɨ'ɨwiyani xewitɨ kapa xemuinanenikɨ, nana kwiepa mutineika hatsiwimekɨ mutixuxuawere hepaɨ yɨanetɨ, mɨpaɨ xɨka tiyurieneni, yumɨiretɨ mekanitsewiximariekakuni.

Wani 12:26

Xɨka tewi neti'uximayatsiriwame 'ayeimɨkɨni, kenetsiheweiya. Hakewa nemeyeikani, manarita kaniuyeikamɨkɨ neti'uximayatsiriwame. Xɨka tewi neti'uximayatsiriwame hɨkɨtɨni, ne'ukiyari 'aixɨa pɨtixeiyani.

Temaiwawemete 4:23

Matsi 'a'iyari kene'ɨwiyani tinaime piinitɨarika hepaɨtsita, mɨkɨ hetsie tukari mayeneikakɨ.

1 Tsamuheri 12:24

Waɨkawamekɨ nepɨxehayehɨtɨwa Yawé xemayemakaxenikɨ, naime yu'iyarikɨ xekenayexeiyani, xehe'eriwatɨ mariwemekɨ kemɨtiuyuri xehetsiemieme.

1 Tsamuheri 12:20

Tsamuheri mɨpaɨ katiniwaruta'eiya: —Xepɨkaheumamaka. Tsepanetɨ waɨkawamekɨ 'axaxemɨte'uyuri, Yawé xepɨka'uku'e'eiriwani, matsi pɨta naime yu'iyarikɨ xeketene'uximayatsirieka.

1 Tsamuheri 7:3

'Ayumieme Tsamuheri yunaime 'ixaheritsixi mɨpaɨ katiniwarutahɨawe: «Xɨka xeme xeyuwaɨriyani Yawé hetsɨa xemɨ'axɨanikɨ yu'iyarikɨ, xekeniwarexɨri kakaɨyarixi xemɨkawamate meta 'Atsitaruti 'ɨkiyarite. Yawé yuxaɨtame xeikɨa xekenayexeiyani mɨkɨ kanixetawikweitsitɨamɨkɨ piritsiteutsixi kememɨtexenanaima».

Kutsuhexi 23:8

Heitseriemekɨ xekeneu'uwani pɨta Yawé Kakaɨyari hɨxie, hikɨ kexemɨte'u'uwa hepaɨ.

Hutarieka 'inɨari 13:4

Yawé 'akakaɨyari xeikɨa pepayexeiyani meta mɨkɨ xeikɨa pepayemakaka. 'Aitsikateyatsie yaketinekamieni, keneu'enieka meta ketine'uximayatsirieka meta hetsiena ketinewiyani.

Hutarieka 'inɨari 10:20

Yawé mɨ'akakaɨyari pe'ayemakaxetɨ kenayexeiyani. Mɨkɨtsie xeikɨa ketinewiyani meta kepemɨtayɨni mɨkɨ kemɨtitewakɨ yakeneutaineni.

Hutarieka 'inɨari 4:9

»Peru xeyukweriwayurietɨ xekeneu'enana, xepɨkatehatɨtɨmaiyani kexemɨte'unenierixɨ, mexi xe'ayeneniere yu'iyarikɨ xepɨkahetɨtɨmaiyani. Mɨkɨ xekeniwarutaxatɨa yuniwema meta yuteukarima.

Hutarieka 'inɨari 4:6

Xekenaye'atɨaka meta yaxeketeneu'uwani, mɨpaɨ 'ana xepɨtematsiɨkɨre kename xete'uyemate xetemaiwawe hipame nuiwarite wahɨxie. Mɨkɨ mepitamarieni naime 'ikɨ 'inɨari niukiyari, hikɨ 'ana mɨpaɨ mepɨtiyuani: “Yurikɨ, 'ikɨ teɨteri mepɨte'akumate meta mepɨtemaiwawe, 'ikɨ nuiwari memɨmariwe mepɨhɨkɨ”.

Hutarieka 'inɨari 4:4

Peru xeme, yunaitɨ kemɨ'ane heitseriemekɨ yaxemɨtekahukai Yawé takakaɨyari hetsie xetewiyatɨ, hikɨ 'akuxi xekanayeneniereni.

Keremiyaxi 12:16

Xɨka yemekɨ meheitimani neteɨterima wahuye, mɨpaɨ kememɨtewaru'ɨkitɨakai neteɨterima Wahari hetsiemieme kememɨteyɨhɨritɨakakɨ, mɨpaɨ xɨka metehetimani kenemɨtitewakɨ xɨka meyuhɨritɨatɨ mɨpaɨ me'utiyuani: “Yawé 'ake'uyeikani yemekɨ”, hikɨ 'ana neteɨterima watsata mekaniyuhayewakuni.

Matsiɨkɨtɨ kemɨratɨa 15:3

meta Muitsexi nɨawarieya mekwikatɨ Kakaɨyari ti'uximayatsiriwame, meta Muxa nɨawarieya: «Pepɨmariwe meta 'a'uximayatsika pɨtiyuhɨxiyatsitɨwa, Ti'aitame, Kakaɨyari Naimekɨmɨtɨrɨkaɨye. Heitseriemekɨ meta 'ahuye kaniyuritɨni, nuiwarite Tiwa'aitɨwame.

Memeyekɨ 23:25

»Nenewieri kenepitɨaka Yawé 'akakaɨyari, mɨkɨ 'aixɨa piyurieni 'a'ikwai meta 'ahaa. »Ne naime kwiniya xehetsie nepɨkapitɨani.

Hutarieka 'inɨari 4:29

»Mexɨka mana paitɨ pe'uyeikatɨ Yawé 'akakaɨyari pe'utiwauni yemekɨ 'a'iyarikɨ meta kepemɨti'amatekɨ pekanikaxeiyamɨkɨ.

Hutarieka 'inɨari 5:10

Matsi, kepauka xemɨnetsinaki'erie meta kepauka ne'aitsika xemaye'atɨa, 'ana nenaki'eriya matsiɨkɨme nepayeitɨwa xeimiriyari xeniwema nuiwariyari wahetsie.

Nɨawari 78:7

'Ana mɨpaɨ Kakaɨyari hetsie metewiyatɨ memakɨnekɨ meta kemɨtiuyuri memɨkahatɨtɨmaiyanikɨ, matsi memeye'atɨwanikɨ 'aitsikateya.

Memeyekɨ 23:13

»Xeketenaye'atɨa naimekɨ kenemɨtixe'uta'aitɨa. »Hatsuaku hipame kakaɨyarixi xepɨkawarahɨaweni. Kememɨtetetewa hatsuaku xepɨkawaraxaxatani.