Kutsuhexi 2:14 - Kakaɨyari Niukieya

¹⁴ Mɨkɨ mɨpaɨ mekaniutiyuani: ―Tame yatepaitɨka Yawé hɨxie tatukari teyetuatɨ kename 'atsixekate'anuyekɨne, xɨkatsɨ pekatatsi'utaxaneta tame 'aixɨa tepɨteyurieni 'ahetsiemieme, tepɨtehaye'atɨani ketemaitɨka kepauka Yawé mɨtatsiyetuirieni 'ikɨ kwie.

Kutsuhexi 2:14 ပူးပေါင်းရင်းမြစ်များ

Mateu 5:7

'Aixɨa mekani'itɨarieka mɨkɨ memɨteyukanenimaya, mepɨtinenimayatsieni.

Temaiwawemete 18:24

Mekanixuaweni hipatɨ hamikutsixi 'axamɨraku'anetsie memumatsi'atɨanikɨ, hipatɨta hamikutsixi mekanixuaweni 'aixɨa mete'u'iyaritɨ keyuri 'a'iwa.

Tsutɨarika 24:49

Hikɨ, yaxekeneteneutahɨawi xɨka 'aixɨa xetekakɨnikuni xe'inaki'erietɨ neti'aitɨwame, metatsiere yaxeneteneutahɨawi xɨka katixaɨtɨni. Netari kenemɨyɨaneni».

1 Te'aitamete 20:39

Kepauka ti'aitame mana muyemiekai, Kakaɨyari niukameya mɨpaɨ katiniuhiwa hɨxiena: —Ti'aitame. Ne kuyaxa maxuawe yemekɨ nepeyeikakai. Mana xewitɨ nehetsɨa kanenuani xeime tewi 'ahanatɨ memɨtatsikwitɨwe, hikɨ mɨpaɨ kanetinetahɨawe: “'Ikɨ tewi kene'ɨwiyani. Xɨka metsi'utawikweiya hetsiena mieme 'ekɨ nekamenimiemɨkɨ, mexɨkatɨni haika miriyari pɨrata tuminiyari pekaniyetuamɨkɨ”.

2 Tsamuheri 9:1

Merikɨtsɨ ti'aitame Rawiri kaniuti'iwauni xɨka 'akuxi xewitɨ Tsahuri nuiwarieya 'uyeikakaitɨni para 'aixɨa miyurienikɨ Kunatani ha'eriwatɨ.

1 Tsamuheri 20:8

Metsɨ Yawé hɨxie tɨratu pekaniuwewieni nehamatɨa, kename ti'a'uximayatsiriwame nehɨkɨ, 'ayumieme waɨkawa nepɨmatsiwawirie yurikɨ pemɨnetikuxaxatɨwanikɨ. Xɨka ne 'axanetiuyurieni mɨpaɨ peretimani, 'apaapa hetsɨa pepɨkanetsiyetuayani, 'ekɨ matsi keneneumi'a.

Kutsuhexi 6:25

Mɨpaɨ Kutsuhexi Xahawi katiniutawikweitsitɨani meta yunaime 'iwamama tinaime tiwapiinite, mɨwaruti'awietaxɨkɨ 'awie nenieremete mɨkɨ warenɨ'aku Keriku kiekariyaritsie. Mana mɨtiyehane Xahawi meta 'iwamama 'ixaheritsixi wahamatɨa me'u'uwatɨ mekanakɨne.

Kutsuhexi 6:17

Keriku, naime tita mɨrexeiya naitɨ katineuyehɨiyamɨkɨ, mawari taiyariyari hepaɨ Yawé hetsiemieme. Kanitawikweimɨkɨ xeikɨa 'ukaratsi tuminikɨ muyumayɨinɨa Xahawi meta kemɨ'ane hamatɨana memayeteni kiitana, mɨkɨ 'awie nenieremete tahetsɨa miemete mɨwaruti'awietaxɨkɨ.

Kutsuhexi 2:13

kename ne'paapama xekawakwini meta ne'iwama yunaime wahamatɨa memu'uwa. Yaxekeneutiyua kename xetatsitawikweitsitɨani temɨkakwinikɨ.

Kutsuhexi 2:15

Hikɨ Xahawi yukii hixɨapa kaniwaratuani kaunarikɨ, Xahawi kiiya kiekari kuraruyaritsie katiniwekaitɨni.

Tsutɨarika 47:29

Kepauka 'Ixaheri mɨximetɨ, Kutse katiniutanɨ'airieni. Mɨpaɨ katinitahɨawe: —Xɨka 'aheyemekɨ penetsinaki'erieka, neteuritɨa keneutame'i 'inɨari mayanikɨ kename yapemɨtikayani, yakenetineutahɨawi yuri pe'utaitɨ, pemɨkanetsikateukunikɨ 'Ekipitu.

Kutsuhexi 6:22

Hikɨ Kutsuhexi 'awie nenieremete memuyuhuta mɨpaɨ katiniwarutahɨawekaitɨni: «'Ukaratsi tuminikɨ muyumayɨinɨa hetsɨa xekenehu xekenawitɨki meta 'iwamama yunaime, kexemɨteheyuhɨritɨakai».

2 Tsamuheri 2:5

Hikɨ Rawiri Kawetsi kiekatari niuki kaniwarenɨ'airieni mɨpaɨ tiwarahɨawetɨ: «Yawé 'aixɨa kexeyurieka tixe'aitɨwame Tsahuri hetsie xemɨtewiyakaikɨ meta xemeikateukixɨkɨ.

2 Tsamuheri 2:6

Hikɨta, Yawé kexenaki'erieka meta 'aixɨa ketiuka'iyarini xehetsiemieme, neta 'imikieri nepɨtixeyetuirienikeyu mɨkɨ hepaɨtsita ke'aixɨa xemɨte'uyurikɨ.

Temaiwawemete 14:22

Kemɨ'ane 'axamemɨteyuriku mepeiyehɨani huye 'aixɨa mɨ'ane, matsi naki'eriya meta tita yuri mɨraine mepukaxexeiya kemɨ'ane 'aixɨa memɨteyurie.

Nɨ'ariekate 23:22

Hikɨ kuyaxi tiwa'aitɨwame temaikɨ kanenɨ'ani mɨpaɨ re'imaiyatɨ: —Xeime tɨma pepɨkaraxaxatɨwani 'ikɨ hepaɨtsita kepemɨnetiutaxatɨa.