Kutsuhexi 2:11 - Kakaɨyari Niukieya

¹¹ 'Ayumieme tame waɨkawa tepɨxemakaxe, nixewitɨ pɨkayuwaɨriya mɨxetakwini. Ne mɨpaɨ nepɨtimate Yawé yuri Kakaɨyari pɨhɨkɨ, kakaɨyarixi mɨwara'iwa, muyuawitsie meta kwiepa mɨti'aita.

Kutsuhexi 2:11 ပူးပေါင်းရင်းမြစ်များ

Hutarieka 'inɨari 4:39

»Mɨpaɨ ketinetimati meta yurikɨ Yawé Kakaɨyari kenayeitɨwani taheima muyuawitsie meta 'ena kwiepa, meta kename tawarita xewitɨ ka'uyeika.

Kutsuhexi 5:1

Merikɨtsɨ, te'aitamete waɨkawa mekaniutimamani 'amuxeutsixi Kurutani 'anataɨye tau makayuyuipike hepatsie memɨtamakai, meta kananeutsixi haramara Meritexaniyu tetsita memɨtamakai, kepauka memɨtehetima kename Yawé Kurutani hekawatsiɨxaxɨ mana memukɨnekɨ 'ixaheritsixi. Mepɨkayuwaɨriyakai memɨwatakwinikɨ.

Kitsariyaxi 13:7

'Ayumieme mamate naitɨ kanitiweranareni, teɨteri yunaitɨ mekayuwaɨriyatɨ mekaniyukuhayeikawani.

Kutsuhexi 7:5

Kuyaxi 'ixaheritsixi mepekwi'iwaxɨ xeitewiyari heimana tamamata heimana 'ataxewi, mepanukuweiyarie kiekari kitenie memɨyekɨ mekaniye'axɨani tetexi matixitewatsiepaitɨ mana 'axa'anekɨa mepa'iwarie. Mɨyatiuyɨku yunaitɨ mekaniutimamani.

Nɨawari 102:15

Yawé mekanimakaxekakuni nuiwarite kwiepa memɨtama, te'aitamete kwiepa memɨte'aita yunaitɨ mekanimaikakuni kemɨtimariwe.

Nɨawari 83:18

Meketehetimani 'ekɨ Yawé pemɨhɨkɨkɨ, mɨpaɨ pemɨtitewa, mɨpaɨ meketemaika 'ekɨ xeikɨa 'Amutewi pemɨhɨkɨkɨ 'ena kwiepa naitsarie.

1 Te'aitamete 8:60

'Ana mɨpaɨ yunaitɨ teɨteri kwiepa memɨtama mepɨtemaika kename Yawé Kakaɨyari hɨkɨ, kename tawari xewitɨ 'umawe.

Matsiɨkɨtɨ kemɨratɨa 6:16

Mɨpaɨ hɨrite meta 'aite mekateniuhiwiwakaitɨni: «Ketananukanama, ketaneuti'awieta mɨkatatsixeiyakɨ kemɨ'ane 'uwenitsie maka Muxa nunutsi mɨkatatsihekanikɨ.

Nahumi 2:10

Kiekari katiniunawatsiyarieni, yuxaɨta kaniyuhayewa meta 'unitɨ. Wa'iyari kaniku'amɨwetɨkani, watunute niutiyɨyɨakatɨkani, wawaiyarite niutiyɨyɨakani, yuhɨxie mekanayetukwarawiniri.

Nɨawari 22:14

Haa hepaɨ netukari pɨtayeuriwe, ne 'umete naitɨ pɨxɨxɨni. Ne 'iyari xɨrɨka hepaɨ 'anetɨ patɨa, netaɨta witsɨanitɨ puhane.

Kutsuhexi 14:8

Ta'iwama teyunaitɨ temekɨnekai, matsi hipatɨ xeikɨa mepɨwarutiwaɨripitɨa mewamariutatɨ wa'iyaritsie yu'iwama. Peru ne heitserie yanepɨtikamiekai Yawé nekakaɨyari hɨxie.

Hutarieka 'inɨari 20:8

'Imatɨrieka kuyaxi tewa'aitɨwamete wa'ukiyarima mɨpaɨ mepɨtiyuani: “Xɨka xewitɨ kwinimieme timaka yatɨni muyutamienikɨ kayuwaɨriyani, keheyani yukie, nɨka yu'iwama mekayuwaɨriyame warayeitɨanikɨ”.

Hutarieka 'inɨari 1:28

¿Hakewari tepeyehu? Ta'iwama kwinimieme mekatatenimariutani, mɨkɨ mɨpaɨ mekaniutiyuaneni kename mana kiekatari waɨkawa mehetɨrɨkawi meta kwinimieme mehetɨtɨ, kename wakiekari hemamariwawe meta kename wakuraru muyuawitsie paitɨ heye'atɨka. Matsi 'imatɨrieka, mɨpaɨ mekaniutiyuaneni kename mana 'anakitsixi mewarexei”.

Memeyekɨ 15:14

Naitsarie kwiepa nuiwarite mepɨtimamani me'enaname, kepauka memɨtehetimani piritsiteutsixi mepetinututuixieni.

Memeyekɨ 15:15

'Erumi kiekatari wa'ukiyarima waɨkawa mepɨtimamani, waɨkawa meputiyɨyɨakatɨkani 'itsɨkate Muhawi kiekatari. Meta Kanani kiekatari meputiweranaxɨa,

2 Te'aitamete 5:15

'Aixɨa 'anetɨ Namahani, kaninuani yunaime memeweiya warawitɨtɨ, tewi Kakaɨyari hetsɨa mieme hɨxie 'uwetɨ, mɨpaɨ kaniutayɨni: —Hikɨ mɨpaɨ nepɨretima pumawe Kakaɨyari naitsarie kwiepa, 'Ixaheri kwieyaritsie xeikɨa payexeiyarie yuri Kakaɨyari. Merikɨ yemekɨ keneutanaki'eri 'ekɨta ne'imikieri.

Nɨawari 58:7

'Amamatetsie haa hepaɨ meke'ukakunetɨkɨne, kepauka yutupi memahapani wa'ɨrɨ kehakamurixɨani.

Kitsariyaxi 19:1

Niuki 'Ekipitu hepaɨtsita mieme: Yawé xekeneuxeiya. 'Ekipitu kaniye'aka hai kwinimieme 'ayɨweme hetsie 'akaitɨ. 'Ekipitu miemete kakaɨyarixi me'ixeiyatɨ mekaniutiyɨyɨakani, 'ekipitutari wa'iyari kanitiweranareni.

'Etsekieri 21:15

wa'iyari mɨmamakakɨ meta memuyumɨirenikɨ mɨkite. Kitenieri nekanitikeni 'ixipara mɨtiyumemiwa. 'Ixipara mɨxawatɨ mutimerɨkanikɨ meta patamɨarie mɨtiyumemiwanikɨ.

Kutsuhexi 2:24

«Yawé pɨtatsiyetuiriri mɨkɨ kwie naime. Yunaitɨ teɨteri mekanimamaka metatsixeiyatɨ».

Kutsuhexi 9:24

Kawahunitari mɨpaɨ mekaniutiyuani: ―Tame texe'uximayatsiriwamete, tepɨte'utaxatɨarie kename Yawé xekakaɨyari mɨpaɨ tiuta'aitaxɨ Muitsexi ti'a'uximayatsiriwame, mɨxeyetuirienikɨ 'ikɨ kwie naime, xewakwitɨ teɨteri mana kiekatari, teputimama waɨkawa tekaheukwikutɨ 'ayumieme mɨyatepɨte'uyuri.

Nehemiyaxi 6:16

Kepauka memɨtatsi'aye'unie memɨte'utamari, nuiwarite ta'aurie hurawatari mekaniutimamani meta mekaniyutitetewiya, mɨpaɨ memɨtehetimakɨ kename Kakaɨyari tatsiparewiekaku xeikɨa tete'uyuri.

'Etsitexi 8:17

Xexuime kwieyaritsie meta kiekarite mukumanetsie hakewa xapate meye'axekai ti'aitame niukieya, mana temawierika kanixuawekaitɨni mekaniyunɨtɨakaitɨni huriyutsixi 'ixɨarari mewewietɨ. Meyumɨiretɨ hipame kwieyaritetsie teɨteri huriyutsixi mekanayuyeitɨani memamatɨ.