Kutsuhexi 2:10 - Kakaɨyari Niukieya

¹⁰ Tepɨtemarie Yawé Haramara Mɨxeta hixɨapa kemɨranuhuyetaxɨ xeme mana hayewakimetsie xemukɨnekɨ, 'Ekipitu xeheyekɨneka. Yaxeikɨatsiere tepɨtemarie te'aitamete kexemɨtewara'iwaxɨ 'amuxeutsixi Tsikuni meta 'Uhuki, Kurutani 'anutaɨye tau manatineika hepatsie.

Kutsuhexi 2:10 ပူးပေါင်းရင်းမြစ်များ

Hutarieka 'inɨari 2:30

»Peru Tsikuni, Hetsiwuni kiekariyaritsie ti'aitame, yapɨkatiutanaki'eri mana temuyekɨnekɨ, Yawé takakaɨyari 'iyarieyatsie tse'ime mayeitɨakɨ, tame pɨta temɨte'ita'aitɨanikɨ, hikɨ ketemɨte'i'aitɨa.

'Inɨatsie 23:22

Kakaɨyari 'Ekipitu kaniwarayewitɨni tuuru kemɨtitɨrɨkaɨye hepaɨ.

Kutsuhexi 4:24

'Ikɨ mɨyapɨtiuyɨ yunaitɨ nuiwarite memɨtehetimanikɨ Yawé mɨmariwe, xeme xemitsutɨanikɨ xeheyemakatɨ yuheyemekɨ xemeyexeiyanikɨ».

'Inɨatsie 20:14

Karetsi 'ukaitɨ Muitsexi kaniwarenɨ'ani texaxatamete ti'aitame 'Erumi kiekame hetsɨa, mɨpaɨ tiwarahɨawetɨ: «Mɨpaɨ 'a'iwa 'Ixaheri kanaineni: “'Ekɨ pepɨtimate kehepaɨ temɨte'uka'eniwa.

'Inɨatsie 24:8

»Kakaɨyari 'Ekipitu kaniwarayewitɨni tuuru tsimaruni mɨtitɨrɨkaɨye hepaɨ. 'Ixaheri nuiwarite memeye'unie kaniwatikwa'ani, wa'umete kanititarani, yu'ɨrɨkɨ kaniwatimɨmɨni.

Kutsuhexi 5:1

Merikɨtsɨ, te'aitamete waɨkawa mekaniutimamani 'amuxeutsixi Kurutani 'anataɨye tau makayuyuipike hepatsie memɨtamakai, meta kananeutsixi haramara Meritexaniyu tetsita memɨtamakai, kepauka memɨtehetima kename Yawé Kurutani hekawatsiɨxaxɨ mana memukɨnekɨ 'ixaheritsixi. Mepɨkayuwaɨriyakai memɨwatakwinikɨ.

Nɨawari 74:15

'Ekɨ pepɨtiuyuri haixa pemanetɨaxɨa meta hatɨa, haa manuyehapane waɨkawa pepikawatsiɨxaxɨ.

Kutsuhexi 9:10

meta te'aitamete yuhutame kemɨwaruyuri 'amuxeutsixi Kurutani 'aurie memɨtamakai: 'ikɨ mepɨhɨkɨtɨkai Tsikuni ti'aitame Hetsiwuni kwieyaritsie mieme, 'Uhuki ti'aitame Watsani kwieyaritsie mieme 'Atsitaruti kiekame.

Kutsuhexi 24:12

Xeme xepɨkate'uyuri, yu'ixiparakɨ meta yutupikɨ xemɨwara'iwaxɨ yuhutame te'aitamete 'amuxeutsixi, nepɨta nekatiniuyurieni nakatarixi nekaniwarenɨ'ani xehetsiemieme memɨwarayeweiyakɨ memɨxe'aye'unie.