Kutsuhexi 17:18 - Kakaɨyari Niukieya

¹⁸ matsi hɨritsie muhukuyatsie xehetsiemieme kanayeimɨkɨ. Xekenetawata mana xekenetiyaxi mɨkɨ kwieyari hakewa meuka'atɨka. Tsepanetɨ kananeutsixi kaxetate tepɨakɨ memɨwewiyatɨka memɨwarexeiya, xeme xekaniwarayeweiyakuni.

Kutsuhexi 17:18 ပူးပေါင်းရင်းမြစ်များ

Hepɨrayutsixi 13:6

'Ayumieme tekamamatɨ mɨpaɨ teputiyuane: «Ti'aitame kanihɨkɨtɨni kemɨ'ane mɨnetsiparewie, nepɨkamaka. ¿Kekuta netsi'uyuriwe tewi?»

Xumatari 8:31

¿Keri te'utiyuaneni xɨka mɨpaɨ 'aneni? Xɨka Kakaɨyari tatsinaki'erieka, ¿kepaikɨ pɨtatsi'uxiwe'erieka?

Xumatari 8:37

Mɨyatɨtɨ naime, kwini mieme tekatene'iwani 'ikɨ tinaime 'iya mɨtatsinaki'erie yatatipitɨakaku.

Kutsuhexi 15:9

Mana hɨritsie wakwie kaneutayunekaitɨni haixa Netuhaki matiniere, manata kiekari mukumanetsie 'Epuruni hɨriyaritsie Wará paitɨ kaniye'atɨkateitɨni Kiriati-Yeharini titewakametsie.

Kutsuhexi 20:7

Kutsuhexi kemɨtiu'aitakai mekatenaye'atɨani, 'ixaheritsixi kiekari mekaniutixata Tseretsi Karereya mɨrawiya Nepɨtahari kwieyaritsie muhɨriyatsie, Tsikeni 'Epɨrahini kwieyaritsie muhɨriyatsie, meta Kiriati-'Ariwa mɨpaɨ pɨtimatiwata Hewuruni Kura kwieyaritsie muhɨriyatsie.

Kutsuhexi 13:6

Netɨtɨ nepuwataweiya 'ixaheritsixi wahɨxie yunaime Tsiruni kiekatari meta keyupaɨmetɨ hɨritsie memu'uwa, Riwanu paitɨ meta Mitsireputi-Mahini paitɨ. »'Ekɨri Kutsuhexi, yayeyeume pekaniwayetuiriemɨkɨ 'ikɨ kwie 'ixaheritsixi mɨtiwapiinitɨnikɨ kenematiuta'aitɨa wahetsiemieme.

Kutsuhexi 17:17

Hikɨ Kutsuhexi 'Epɨrahini meta Manatsexi nuiwarimama waɨkawa kaniwarutuika, Kutse nuiwarimama: ―Xeme xekaniyumɨireni waɨkawa tɨrɨkariya xekanexeiyani. Mɨkɨ kwie xeikɨa xehexeiyatɨ xepɨka'akɨne,

1 Tsamuheri 1:1

Merikɨtsɨ 'Epɨrahini kwieyaritsie hɨritsie mana xewitɨ tewi pukatei, Tsupi nuiwarieya Xamatahini kiekame. 'Erikana pɨtitewakai Keruhani nu'ayatɨtɨ, mɨkɨta 'Erihú punu'ayatɨkai, mɨkɨta Tuhu punu'ayatɨkai, mɨkɨta Tsupi punu'ayatɨkai mɨkɨ 'Epɨrahini nuiwarieya hetsie pɨmiemetɨkai.

2 Tsamuheri 18:6

Hikɨ kuyaxi mekanekɨne 'ixaheritsixi mewaretakwinike, mekaniuyukaxeiya 'Epɨrahini kwieyaritsie makuxiuyatsie mekaniuyutakwini.

Tsutɨarika 49:24

Perutsɨ Kutse yutupi heitserie pakwe'e, mamateya pɨka'akatutuke. Pamɨpariyutsi Kakuwu kakaɨyarieya pemɨtɨrɨkaɨye, pemɨtatsi'ɨwiyame 'ixaheritsixi, tete mɨtse'i hepaɨ.

Hutarieka 'inɨari 33:17

Kutse pɨmariwe tuuru mexɨakame hepaɨ, pɨtɨrɨkaɨye tuuru yeutanaka hepaɨ. Yu'awatekɨ pɨwatakwini nuiwarite hipame, pɨwakuxeɨrieni kwie manunieretsie paitɨ. Mɨpaɨ mepɨtetɨrɨkawi Manatsexi kuyaximama, meta 'Epɨrahini kuyaximama memuyuwaɨkawa».