Kutsuhexi 17:16 - Kakaɨyari Niukieya

¹⁶ Kutse xiɨyarimamata mɨpaɨ mekaniutiyuani: ―Mɨkɨ kwie muhɨriya 'etsipɨyewa, manata kananeutsixi memɨtitei kaxetate tepɨakɨ memɨwewiyatɨka mepɨwarexeiya, Wetsahani kiekatari tsiere kiekari 'auriena mamanetɨka tatsɨari mayeweri Ketsireri.

Kutsuhexi 17:16 ပူးပေါင်းရင်းမြစ်များ

1 Te'aitamete 4:12

Wanaha 'Akiruri nu'aya pɨhɨritɨariekai Tanaki hetsie meta Mekirutsie, metatsiere naitsarie Wetsehani, (meta kiekari Tsaretani 'aurie, Ketsireri hetɨa, Wetsehani ye'atɨ 'atsita 'Aweri-Mekura paitɨ, 'akuxi matsi Kumehani paitɨ).

'Itsɨkate 4:3

'Ixaheritsixi Yawé mekaniutahiwieni me'utitsuatɨ Yawini tepɨa kaxetayari 'atanauka tsienituyari mɨwarexeiyakaikɨ, xeitewiyari wiyari waɨkawa 'ixaheritsixi mekaniwa'uximatɨakaitɨni.

'Itsɨkate 1:19

Kura xiɨyarimama wahamatɨa Yawé kaniuyeikakaitɨni. Mɨkɨ hɨriyaritetsie mekaniukuyaxixɨani mewara'iwaka, peru muweritsie kiekatari mepɨkawarukemakaxɨa, tepɨa kaxetayari memɨwareuxeiyakaikɨ.

'Itsɨkate 6:33

Yunaitɨ mariyanitsixi meta 'amarekitsixi meta hipatɨ teɨteri tau manatineika kiekatari, mekaniuyunɨni Kurutani hatuxameyaritsie mekanakɨne, Ketsireri mayeweritsie mekanitiyaxe.

Kutsuhexi 17:18

matsi hɨritsie muhukuyatsie xehetsiemieme kanayeimɨkɨ. Xekenetawata mana xekenetiyaxi mɨkɨ kwieyari hakewa meuka'atɨka. Tsepanetɨ kananeutsixi kaxetate tepɨakɨ memɨwewiyatɨka memɨwarexeiya, xeme xekaniwarayeweiyakuni.

2 Te'aitamete 9:37

Mɨpaɨ katiniɨyɨni, Ketsaweri 'umeteya heyakɨa kaniuyuhayewa tewaxi wakwitarai hepaɨ yeuta Ketsireri kwieyaritsie, xewitu pɨkayɨwekai mɨpaɨ mɨtayɨni: “'Ikɨ pɨhɨkɨ Ketsaweri”.

2 Te'aitamete 9:10

Ketsaweri hetsiemiemeta, tsɨikɨri mekanitakwaikuni Ketsireri maku'etsatsie meta xewitɨ mɨkɨ pɨka'ikateuku”». Hikɨ reuyepieka kitenie Kakaɨyari niukameya kaniyuta'una.

1 Te'aitamete 21:23

Ketsaweri hetsiemiemeta Yawé mɨpaɨ kanaineni: “Tsɨikɨri mekanitakwaikuni mana Ketsireri kuraruyari hetɨa”.

1 Te'aitamete 21:1

Merikɨtsɨ yapaɨmexɨa tukari 'anukayaku mɨpaɨ katiniuyɨni: Nawuhuti titewatɨ Ketsireri kiekame, yukaxie haraweriyari kanexeiyakaitɨni mɨkɨ kiekariyaritsie, ti'aitame 'Akawi paratsiyuya 'aurie, Tsamariya mɨti'aitametɨkai.

1 Te'aitamete 18:46

Hikɨ Yawé tɨrukariyaya kaninuani 'Eriyaxi hetsie, yuhɨiyamekɨ 'anayuhɨaka kaniutanautsa, Ketsireri paitɨ kaniuta'ani 'Akawi 'akuxi kata'awekaku.

'Itsɨkate 4:13

Tsitsara kaniwaruta'inieni 'atanauka tsienituyari tepɨa kaxetayari, meta yunaime yukuyaxima, Karutseti-Kuhimi 'aki manuyekatsie Kitsuni paitɨ.

Kutsuhexi 19:18

Mɨkɨ kwieyaritsie kiekari mukumanekai kanihɨkɨtɨkaitɨni: Ketsireri, Ketsuruti, Tsuneni,

Kutsuhexi 17:11

'Itsakaxi kwieya maka'atɨka meta 'Atsexi mɨkɨ wahixɨapa, Manatsexi xiɨyarimama kiekari mekanexeiyakaitɨni yu'aurie heixeiyakame 'etsiyeyeume: Wetsehani, 'Iwurehami, Ruxi, 'Eniruxi, Tanaki meta Mekiru. Xapatsie mɨka'uxa hairiekatsie kanihɨkɨtɨkaitɨni Naputi.

Kutsuhexi 17:15

Hikɨ Kutsuhexi mɨpaɨ katiniwarutahɨawe: ―Metsɨ xeniu xekaniyuwaɨkawani 'etsitiyewata 'Epɨrahini hɨriyari, xekenehu kɨyexi 'amupapameyatsie peretseutsixi meta xepahitsixi wakwieyaritsie, mana xewatatɨwetɨ xekenetiteni.

Kutsuhexi 17:17

Hikɨ Kutsuhexi 'Epɨrahini meta Manatsexi nuiwarimama waɨkawa kaniwarutuika, Kutse nuiwarimama: ―Xeme xekaniyumɨireni waɨkawa tɨrɨkariya xekanexeiyani. Mɨkɨ kwie xeikɨa xehexeiyatɨ xepɨka'akɨne,

1 Te'aitamete 18:45

Haiwitɨrikɨ muyuawitsie kaniukɨyɨre, hikɨ waɨkawa kaniuku'eka, kaniukawiye tɨrɨkaɨyetɨ. Peru 'Akawi kaneyani kaxetatsie Ketsireri 'erietɨ.

Keremiyaxi 49:2

Yawé mɨpaɨ kanaineni: «Tukari kanaye'amɨkɨ, kepauka ne kuyaxi nemɨwa'atɨani me'utihiwame memɨyutakwinikɨ Xawaha kiekariyaritsie 'amunitsixi wahetsɨa, kiekarieya 'unitɨ meta ka'akukiepayatɨ kanayeimɨkɨ, meta kiekariteya kanititaiyariemɨkɨ. Hikɨ 'Ixaheri mɨpaɨ mepɨtewanawairieni yukwie meripaitɨ memunawaiyariekai —Yawé mɨpaɨ kanaineni—.

Kutsuhexi 15:56

Ketsireri, Kurehani, Tsanuha,

1 Tsamuheri 29:1

Merikɨtsɨ piritsiteutsixi wa'ukiyarima yukuyaxima yunaime 'Apeki kiekariyaritsie mekaniwarukuxeɨrieni. Meta 'ixaheritsixi haixa mawietsie 'aurie Ketsireri mɨrakutewatsie mekaniyuhayewa.