Kutsuhexi 17:1 - Kakaɨyari Niukieya

¹ Metatsiere Manatsexi kaniuxatɨarieni kwie yuxaɨta meixeiyanikɨ, Kutse mɨmatɨarieyatɨkaikɨ. Makixi, Manatsexi matɨarieya Karaharitsixi pɨwatutsitɨkai, kaniuxatɨarieni Karaha meta Watsani mukuyatɨkaikɨ.

Kutsuhexi 17:1 ပူးပေါင်းရင်းမြစ်များ

'Inɨatsie 26:29

Manatsexi niwemama, Makixi meta Karaha, Makixi nuiwarimama mekanihɨkɨtɨni, makiritsixi meta Karaha nuiwarimama.

Tsutɨarika 41:51

Yumatɨari Manatsexi katiniuterɨwa mɨpaɨ 'utayɨka: «Kakaɨyari pɨtiyuriene nemɨratɨmaiyakɨ naime 'uximatɨarikakɨ nekie hakewa nemetinuiwaxɨ».

Tsutɨarika 50:23

kaniwaruxeiya 'Epɨrahini niwemama meta yututsima. Metatsiere Makixi niwemama yuniwema kaniwarayeitɨani Manatsexi teukarimama.

Tsutɨarika 46:20

'Ekipitu Kutse yuniwema pɨwarayexei, 'Atsenati matɨa Putipera nu'aya mawari wewiwame pɨhɨkɨtɨkai 'Uni mieme: Manatsexi, meta 'Epɨrahini.

Tsutɨarika 48:18

mɨpaɨ rehɨawetɨ: —Nepaapa, tixaɨ mɨpaɨ neniwe 'amɨyumate, Manatsexi pɨhɨkɨ. 'Atserieta miemekɨ mana pɨta keneutime'i.

1 Kemɨtiuyɨ 2:23

Peru Ketsuxi meta 'Arami mekaninawairieni Yahixi kiekariteya meta Kenati kiekariteya, metatsiere kiekarite wa'aurie mamanetɨkatei. Naitɨ munawaiyarie kanayani haika tewiyari kiekarite. Mɨkɨ meyunaitɨ Makixi nuiwarimama mepɨhɨkɨtɨkai, Karaha paapaya.

'Itsɨkate 5:14

Hipatɨ 'Epɨrahini hetsie mekanayenexɨani meta 'Amareki nuiwarieyatsie, Wenikamini xiɨyarimama mepɨwanɨkai 'iya memɨxe'uweiyakai. Makixi memakanexɨa kuyaxi memanuyetei, Tsawuruni memayenexɨa, 'itsɨ ti'aitame memu'ɨ.

Hutarieka 'inɨari 21:17

Matsi pɨta mɨkɨ mexɨakame kehayeitɨwani heitserie kemɨrexeiya mexɨakametɨtɨ, hikɨ 'ikɨ mexɨakame pɨtipitɨani 'anatekame matsi tawari hepaɨna paɨmeme ketita hetsiena mɨtimieme. Mɨkɨ wamatsika kanihɨkɨtɨni matɨari meyexei, mɨkɨ heitserie kanexeiyani mexɨakame mɨhɨkɨtɨnikɨ meta tita hetsiena mɨtimieme pɨtipiinieya.

'Inɨatsie 32:33

Hikɨ Muitsexi kaniwayetuirieni Kahari meta Xuweni nuiwarimama, metatsiere Manatsexi Kutse nu'aya nuiwarimama hixɨapa memɨ'axe, ti'aitame Tsikuni kwieya 'amuxeutsixi tiwa'aitɨwame, ti'aitame 'Uhuki kwieya Watsani kiekariyaritsie ti'aitame. Niwayetuirieni kwie kemɨyeukai naime kiekari mana mukumanekai, tatsɨari kiekari naime mɨkɨ kwieyaritsie mɨmiemetɨkai.

'Inɨatsie 27:1

Makira, Nuha, Kukɨra, Mirika meta Tiritsa Manatsexi nuiwarimama hetsie menimiemetetɨkaitɨni Kutse nu'aya, 'ukari Tserupekari niwemama mekanihɨkɨtɨkaitɨni Hepexi nu'aya, Karaha nu'aya, Makixi nu'aya meta Manatsexi nu'aya. Hikɨ mɨkɨ meyu'auxɨwitɨ mekanekɨne

Tsutɨarika 48:17

Hikɨ Kutse pɨka'inakixɨ yupaapa xeiyatɨ, 'Epɨrahini mutayatsie meutimekaikɨ yutseriekɨ. Yupaapa mamaya 'uwiyaka, kanipata Manatsexi hetsie pɨta,

Kutsuhexi 17:2

Hipatɨta Manatsexi xiɨyarimama yaxeikɨa mekaniuxatɨarieni yukwie: 'Awihetsexi, Kere, 'Atsirieri, Tsikeni, Hepexi meta Tsemira. Mɨkɨ Manatsexi mekanixiɨyarimamatɨkaitɨni Kutse nu'aya.

Kutsuhexi 22:7

Hixɨapa me'atɨ Manatsexi nuiwarimama, Muitsexi kaniwayetuiriekaitɨniri Watsani kwieyari, hipameta mɨkɨ xiɨyari Kutsuhexi kaniwayetuirieni 'anataɨye Kurutani tau makayuyuipike hepatsie, mana matsi mekanikuyaxe yuwaɨkawatɨ 'ixaheritsixi. Matɨari 'anutaɨyetari, Kutsuhexi kaniwarenɨ'ani yukie, Xuweni xiɨyarimama meta Kahari xiɨyarimama wahamatɨa 'aixɨa kaniwaruyurieni Kakaɨyari wawirietɨ,

'Etsekieri 48:4

»Nepɨtahari kwieyari hetɨa, tau manatineika tsutɨtɨ meta tau makayuyuipike ye'atɨkaitɨ, Manatsexi kwieyari kanikumaka.

Tsutɨarika 41:52

Hutarieka mieme 'Epɨrahini pɨtiterɨwaxɨ mɨpaɨ 'utayɨka: «Kakaɨyari pɨnetsi'upitɨa nemɨxiɨkakɨ, 'ikɨ kwieyaritsie hakewa nemɨreka'eniwakai».

2 Tsamuheri 2:9

mana kanenukakeni ti'aitame mayanikɨ Karaha kiekariyari hetsie, meta Ketsuri, meta Ketsireri, 'Epɨrahini hetsiemieme, Wenikamini meta naitsarie 'Ixaheri kwieyari hetsie.

'Etsekieri 47:13

»Yawé naimekɨmɨyɨwe mɨpaɨ kanaineni: 'Ikɨ kanihɨkɨtɨni kwie hakewa meye'atɨkani, memɨyetuiriyarieni tamamata heimana huta nuiwari 'Ixaheri niwemama, peru kaneuyeweka Kutse hetsiemieme hutame kwie xemɨyetuanikɨ.