Kutsuhexi 14:6 - Kakaɨyari Niukieya

⁶ Kura nuiwarimamata Kutsuhexi hetsɨa mekaniu'axɨani Kirikari mɨrakutewatsie. 'Ikɨ Keni tewiyari Karewi Kepune nu'aya Kutsuhexi mɨpaɨ katiniutahɨawe: «'Ekɨ kenaye'eri Yawé Muitsexi kemɨrahɨawekai, Kakaɨyari tewiyari, 'ahetsiemieme meta kemainekai nehetsiemieme Karetsi-Waxineya paitɨ.

Kutsuhexi 14:6 ပူးပေါင်းရင်းမြစ်များ

'Inɨatsie 14:30

kwie pɨkayetuiriyarieni nemɨxexatɨa. Mana xeikɨa mekaneutahaxɨakuni Karewi Kepune nu'aya meta Kutsuhexi Nuni nu'aya.

'Inɨatsie 14:24

Neti'uximayatsiriwame Karewi, yɨkɨ'anekame 'iyari kanexeiyani, 'aixɨa katinikamieni, nekanixatɨamɨkɨ kwie ke'anekame mexei meta nuiwarimama wahetsiemieme kanayeimɨkɨ.

'Inɨatsie 13:6

Karewi, Kepune nu'aya, Kura nuiwarimama,

Kutsuhexi 14:14

Mana mɨtiyehane Hewuruni kwieyari Keni tewiyari Karewi kwieya kanayani Kepune nu'aya, Karewi Yawé manu'enikɨ, 'Ixaheri Kakaɨyarieya.

'Inɨatsie 14:6

Mana mekaniti'ukaitɨni Kutsuhexi Nuni nu'aya meta Karewi Kepune nu'aya yukamixa mekaneukatsanaxɨani hiwerika 'ɨnɨariyari mewewietɨ. Mɨkɨ memekɨkɨnixɨakai kepauka kwie memekuxeitsie,

Kutsuhexi 15:17

Hikɨ 'Utunieri titewatɨ Kenatsi nu'aya Karewi matsuya Kiriati-Tsepexi kana'iwa 'ana 'Akatsa kaniutiwitɨni.

'Inɨatsie 32:12

Mekanixeiyakuni xeikɨa Karewi Kepune nu'aya Keni tewiyari, mɨkɨri Kutsuhexi Nuni nu'aya, mɨkɨ xeikɨa yu'iyarikɨ mekaneni'eniekaitɨni, hipatɨri hawaikɨ mekapixeiya”.

'Inɨatsie 13:26

Karetsi mekaniu'axɨani makumawetsie Parani Muitsexi manukatei, 'Aruni meta yunaitɨ 'ixaheritsixi, mekateniwarutaxatɨani kemɨre'anekai meta 'ikwaxite mekateniwaruxeitsitɨani mana mɨrexuawekai.

Nɨawari 90:1

Ti'aitame, 'ekɨ tatsi'awiwietame pepɨhɨkɨ tsepa tanuiwari memanuyekɨka.

2 Timuteu 3:17

Mɨkɨ 'utɨarikakɨ Kakaɨyari tewiyari paye'ani pɨha'aritsieka 'aixɨa mɨtiyurienenikɨ naimekɨ tsepa kemɨtitita.

1 Timuteu 6:11

'Ekɨtsɨ, Kakaɨyari tewiyari pekanihɨkɨtɨni, kene'ata'una mɨkɨkɨ, mɨpaɨ pɨta ketine'amexɨitɨaka, heitseriemekɨ yapemɨtikamienikɨ, Kakaɨyari pemayexeiyanikɨ, yuri pemɨti'eriekakɨ, pemɨti'akanaki'eriekakɨ, pemɨtiuka'eniwanikɨ meta pemɨkahayu'eriyanikɨ.

2 Te'aitamete 8:11

Hikɨ 'Eritseu kwi Katsaheri xeiyatɨ katiniukeni, hikɨ Katsaheri kaniuyutitewiya. 'Ana tewi Kakaɨyari hetsɨa mieme kaniutatsuani.

2 Te'aitamete 8:7

Merikɨtsɨ 'Eritseu Ramatsiku kaneyani. Weni-'Arari Tsiriya kwieyaritsie ti'aitame, katinikuyekaitɨni, kepauka tewi Kakaɨyari hetsɨa mieme mutamari kename nuakai,

2 Te'aitamete 4:42

Xewitɨ Wahari-Tsaritsa heyeyaka kaninuani paa ha'ɨtɨ, tewi Kakaɨyari hetsɨa mieme tikutuirienetɨ 'ikwaxi mexɨakame timieme: xeitewiyari tsewara payari meta tɨriku takariyari hehekwame. 'Eritseu yuparewiwame mɨpaɨ katiniutahɨawe: —Ketiniwarumikwa teɨteri.

2 Te'aitamete 4:16

Hikɨ 'Eritseu mɨpaɨ katinitaxatɨani: —Yurika 'epauka nunutsi pekanexeiyakamɨkɨ. 'Ukaratsi mɨpaɨ katinita'eiya: —Hawaikɨ, neti'aitɨwame, 'ekɨ tewi Kakaɨyari hetsɨa pemumieme. Hawaikɨ ne matsiparewiwame pepɨkaneti'itaiyaneni.

2 Te'aitamete 4:9

'Uka yukɨna mɨpaɨ katiniutahɨawe: «Neuxei, ne yanepɨtimate 'ikɨ tewi takie muta'axe, xɨari tewi Kakaɨyari hetsɨa mieme mɨpatsie pɨhɨkɨ.

1 Te'aitamete 13:14

hikɨ kaneyani tewi Kakaɨyari hetsɨa mieme 'utɨa. Kaneitaxeiya xiu hetɨa hetikaime, hikɨ mɨpaɨ katinita'iwawiya: —¿'Ekɨ petihɨkɨ tewi Kakaɨyari hetsɨa mieme, Kura kwieyaritsie pemeyetɨa? Mɨkɨ mɨpaɨ kaniutayɨni: —Huu, ne nepɨhɨkɨ.

1 Te'aitamete 13:1

Merikɨtsɨ xewitɨ tewi Kakaɨyari hetsɨa mieme Kura kwieyaritsie yeyaka peta'a Weteri paitɨ Yawé mɨpaɨ mɨrehɨawekaikɨ. Kepauka mana mawari taiyame Keruwuhani 'ɨkwa taiyakaku,

Kutsuhexi 10:43

Mɨyatiuyuriekake kanakunuani Kutsuhexi Kirikari 'aurie memakutekaitsie, yunaime yukuyaxima 'ixaheritsixi warawitɨtɨ.

Kutsuhexi 4:19

Mexɨakame metseritsie tamamata tukaritsie, 'ixaheritsixi mekananukɨne Kurutanitsie Kirikari rakutewakaku mekanikuyaxe, Keriku tau manatineikatsie 'aurie.

Hutarieka 'inɨari 34:10

'Anatɨtɨ mɨtiyehane 'Ixaheri kwieyaritsie xewitɨ tawarita 'a'uyeikatɨ pɨkahatɨa, Kakaɨyari niukameyatɨtɨ Muitsexi hepaɨ 'anetɨ, Yawé hamatɨana mɨtikuxatakai mehanuyutaxeiyatɨ.

Hutarieka 'inɨari 34:5

Muitsexi Muhawi kwieyaritsie mana kaniumɨni, Yawé ti'uximatsiriwame, Yawé kemɨtitahɨawekai.

Hutarieka 'inɨari 33:1

Muitsexi 'akuxi kamɨwetɨ, Kakaɨyari ti'uximayatsiriwame, 'ixaheritsixi 'aixɨa kaniwaruyurieni:

'Inɨatsie 13:30

Karewi kaiwatɨ katiniwaruyatsa 'ixaheritsixi Muitsexi hɨxie, mɨpaɨ kaniutayɨni: —Hikɨmɨtɨka tekanihuni mɨkɨ kwie tema'iwakɨ. Ne mɨpaɨ nepɨtiku'eriwa tepɨyɨwawe.

'Inɨatsie 26:65

Yawé mɨpaɨ mutayɨkaikɨ kename yunaitɨ mekwinikekai. Mekaniyuhayewaxeikɨa Karewi, Kepune nu'aya, meta Kutsuhexi Nuni nu'aya, tawarita xewitɨ pɨka'utawikwei.

Keremiyaxi 35:4

Yawé kiita nekaniwarewitɨni, Kanahani niwemama 'ukitsi memuwayutixexeɨriwatsie 'Irariyaxi nu'aya, Kakaɨyari hetsɨa ti'uximayatame. 'Ikɨ kii memanuyetei memuwayutixexeɨriwa wa'aurie kaniuwekaitɨni, tatsɨari Matsehiyaxi Tsaruni nu'aya kiiya heima, tuki kitenie tihɨweme, memuwayutixexeɨriwa waheima.

1 Kemɨtiuyɨ 23:14

Muitsexi, tewi Kakaɨyari menayexei, meta niwemama mekaniu'inɨatsieni Rewi nuiwarimama wahamatɨa.