Kutsuhexi 13:3 - Kakaɨyari Niukieya

³ Tsikuxi 'akiyaritsie mɨye'atɨka 'Ekipitu kwieyari maka'atɨka, 'Ekuruni kwieyari maka'atɨkatsie paitɨ kaniye'atɨkani. Mɨkɨ mɨpaɨ katinimatiwani kananeutsixi wakwie, mɨkɨ kwieyaritsie yu'auxɨwitɨ te'aitamete mekanititeni piritsiteutsixi: Kahatsa kiekame, 'Atsiruri kiekame, 'Atsikaruni kiekame, Kahati kiekame meta 'Ekuruni kiekame. Yaxeikɨata 'aweutsixi wakwietsie xemɨye'axɨani kaneuyeweka.

Kutsuhexi 13:3 ပူးပေါင်းရင်းမြစ်များ

Keremiyaxi 2:18

Hikɨta, tixaɨtɨ pepɨkarekaxeiya 'Ekipitu xɨka peheyani haa Niru mieme pemanuharenikɨ. Tixaɨtɨ pepɨkarekaxeiya 'Atsiriya xɨka peheyani haa 'Eupɨrate mieme pemanuharenikɨ.

'Itsɨkate 3:3

Mekaniuyuhayewa yu'auxɨwitɨ piritsiteutsixi tewa'aitɨwamete, yunaitɨ Kananeutsixi, yunaitɨ tsiruniyutsixi meta heweutsixi Riwanu hɨriyaritsie memɨtitekai, Wahari-Heximuni hɨriyaritsie metsutɨtɨ, meye'atɨkaitɨ Rewu-Kamati.

Hutarieka 'inɨari 2:23

Meta yaxeikɨa 'aweutsixi kiekari 'etsimɨyeyeutsie Kahatsa 'aurie memeutitekai, meta katuritsixi Kɨreta memeyekɨ mekaniwarukwini, 'anari mana metitetɨ mekanakɨne wahuyeripa.

1 Tsamuheri 6:4

Hikɨ piritsiteutsixi tawarita mɨpaɨ mekateniwaruta'iwawiya: —¿Ketita tete'iyetuirieni? Mɨkɨ mɨpaɨ mekaniutiyuani: —'Auxɨwime xepɨtiwewieni hurukɨ haiya 'etsa hepaɨ 'aneneme, yu'auxɨwimeta naikatsi hurukɨ mewewiyatɨkaime, piritsiteutsixi te'aitamete kememɨyupaɨme kaniwa'inɨaritɨni, mɨkɨ kwiniya yunaime pɨxe'axiya.

Kutsuhexi 13:13

Peru 'ixaheritsixi Ketsuxi meta Mahaka kiekatari mepɨkawarayewei, hikɨ 'akuxi wakwietsie mekaniu'uwani.

Tsutɨarika 10:6

Kami tɨɨriyamamata mɨpaɨ mepɨtetewakai: Kutsi, Mitsirahini, Puti meta Kanani.

'Itsɨkate 16:5

Piritsiteutsixi wa'ukiyarima hetsɨana mekananukɨne mɨpaɨ mekatenitahɨawe: «Witsiketineutixatɨa, mɨmatitaxatɨanikɨ titayari kwinimieme titɨrɨkaɨye kehepaɨ tetehe'iwa, tepihɨanikeyu tepɨte'ita'aitɨanikeyu. Tame teyuxexuitɨ tematsiku'ɨitɨaxɨani xeimiriyari heimana xeitsienituyari pɨrata tuminiyari».

1 Tsamuheri 5:1

Hikɨ kepauka piritsiteutsixi Kakaɨyari tɨratuya memekwei, 'Ewenetsexi meniyekweni 'Atsiruri mɨrakutewatsie mekani'atɨani,

1 Te'aitamete 8:65

Hikɨ mɨpaɨ, Yawé hɨxie, Tsarumuni meta yunaitɨ 'ixaheritsixi 'ixɨarari mekateniuwewieni 'atahuta tukari, meta tawarita 'atahuta tukari 'akuxi mekaniuyurieni: naitɨri tamamata heimana nauka tukari 'ixɨarari patɨa. Mɨkɨ 'ixɨararitsie naitsarie teɨteri mepayeixɨa, Rewu-Kamati mɨrakutewatsie meye'atɨkaitɨ 'atsita 'Ekipitu hatuxameyaritsie meye'atɨkaitɨ, yemekɨ meyumɨiretɨ mepuyukuxeɨri.

Kitsariyaxi 23:3

Haa mɨmamariwawetsie Tsikuxi hatsiyari kananetɨarieni, Tiru kiekariyari waɨkawa mɨratuiya patɨa nuiwarite wahetsiemieme, Niru hatetsitayaritsie mutiuka'etsiwakai mɨkɨkɨ waɨkawa mepɨte'ana'iwakai.

Tsutɨarika 15:18

Mɨkɨ tukaritsie Yawé 'Apɨrami hetsɨa tɨratu kaniuwewieni. Mɨpaɨ katinitahɨawe: —'Ikɨ kwie nepɨwayetuirieni 'anuiwarima, haa 'Ekipitu mieme manuyeka, meta 'amɨpa manuyekatsie paitɨ 'Eupɨrate mɨtitewatsie.

1 Tsamuheri 5:8

Hikɨ yunaime piritsiteutsixi 'ukirawetsixi mekaniwarukuxeɨrieni mɨpaɨ mekateniwaruta'iwawiya: —¿Kete'iyurieni 'ikɨ 'ixaheritsixi wakakaɨyari kakunieya? Mɨpaɨ mekateniwaruta'eiya wa'ukitsiema: —Kahati kiekariyaritsie xekenetuayu. Hikɨ mɨpaɨ mepɨte'uyuri.

1 Tsamuheri 5:10

Hikɨ Kakaɨyari kakunieya mekanenɨ'ani 'Ekuruni paitɨ, yapauka kakuni mana heta'aku mɨkɨ kiekaritsie, mana kiekatari mekanitsutɨani mɨpaɨ mete'uhiwatɨ: «'Ixaheritsixi wakakaɨyari kakunieya kani'atɨarieni, mɨtatsikwinikɨ tame teyunaime».

1 Kemɨtiuyɨ 13:5

Hikɨ Rawiri yunaime kaniwarukuxeɨrieni 'ixaheritsixi, Tsikuxi 'Ekipitu kwieyari maka'atɨkatsie paitɨ meye'atɨkaime meta Rewu-Kamati paitɨ meye'atɨkaime, Kakaɨyari tɨratuya kakuniyari memɨkweiyukɨ Kiriati-Yeharini paitɨ mekatei.