Kutsuhexi 11:23 - Kakaɨyari Niukieya

²³ Kutsuhexi mɨpaɨ katiniwara'iwa mɨkɨ kwieyarite naime, Yawé Muitsexi kemɨtiuta'aitɨa, Kutsuhexi kaniwayetuirieni mɨyetuiriyarie yuxexuime nuiwarite 'ixaheritsixi mekateniyetuiriyarieni. 'Anari mekaniuka'uxipieni meyukwitɨwetɨ hɨritsie.

Kutsuhexi 11:23 ပူးပေါင်းရင်းမြစ်များ

Nɨawari 46:9

Kuyaxa kaneutipariya naitsarie kwiepa. Tupi kaniutimura, pitsika 'amɨtɨtɨ kaniutimura, kaxetate kuyaxa mieme taipa kaneuxɨrieni.

Kutsuhexi 23:1

Muixa wiyari 'anuyeyaku Yawé 'ixaheritsixi kayuwatɨ kaniwarupitɨani kananeutsixi wahamatɨa, Kutsuhexi 'ukiratsitɨtɨri 'uxetɨ,

Kutsuhexi 22:4

Hikɨta Yawé Kakaɨyari peye'atɨa kemɨtixe'utahɨawixɨ kwie puwayetuiri xe'iwama, hikɨta xekenakunuaxɨa yukie meta yukwietsie Muitsexi mɨxeyetuiri Yawé ti'uximayatsiriwame Kurutani 'anutaɨye tau manatineika hepatsie.

Kutsuhexi 18:10

Kutsuhexi mana kaniwaruta'iwitsitɨani Yawé hɨxie, kaniwaruxatɨani kwie mɨkɨ 'ixaheritsixi, kememuyukupapaɨmekai nuiwarite.

Kutsuhexi 11:18

mɨixa wiyari mewakwitɨwetɨ.

Hutarieka 'inɨari 25:19

'Ayumieme kepauka Yawé xekakaɨyari mɨxeyetuirieni kwie meta kepauka mɨxeparewieni yunaime mana memɨtama nuiwarite xemɨwaka'unakɨ, 'ana yuheyemekɨ xekaniwarakuyeitɨakuni memɨkaha'eriwanikɨ 'Amareki nuiwarimama. Xepɨkatehatɨtɨmaiyani.

Hutarieka 'inɨari 1:38

Kutsuhexi Nuni nu'aya matsiparewiwame xeikɨa kaneutahamɨkɨ. Keneuparewi waɨkawa muyuwaɨriyanikɨ, mɨkɨ katiniyurimɨkɨ 'ixaheritsixi mɨkɨ kwieyaritsie mɨwaye'atɨani.

Memeyekɨ 34:11

Xɨka xeme yaxetekahuni kenemɨtixe'utahɨawixɨ, xɨka yaxetekakɨne. Nepɨwataweiya 'ahɨxie 'amuxeutsixi, kananeutsixi, hetitsixi, peretseutsixi, heweutsixi meta kewutseutsixi.

Nehemiyaxi 9:24

Waniwema mɨkɨ kwieyaritsie mepu'axɨa. Wahɨxie pepɨtiwaruta'aitɨa kananeutsixi mana memu'uwakai, te'aitamete pepɨwayetuiri meta teɨteri mana kiekatari, kemɨtiwanake wahetsie yamemɨteyurienikɨ.

'Etsekieri 45:8

Mɨkɨ kwie hetsiena mieme pɨhɨkɨtɨni 'Ixaheri kwieyaritsie, mɨpaɨri 'ana te'aitamete nemɨwa'uitɨani tawarita teɨteri 'axamepɨkawayurieni, matsi mepɨwahayewa nuiwarite yukwietsie memu'uwanikɨ.

Kutsuhexi 12:7

'Ena mepɨhekɨa te'aitamete 'ixaheritsixi memɨwara'iwaxɨ Kutsuhexi tiwa'aitɨakaku waxapayari. Wakwie kanikumanekaitɨni Kurutani tau manukayeika hepatsie, 'akaniyeukaitɨni Wahari-Kahari paitɨ kaniye'atɨkateitɨni, Riwanu mayeweritsie, meta Karaki hɨriyaritsie paitɨ, Tsehixi kwieyari maye'atɨka. Kutsuhexi kaniyetuani 'ikɨ te'aitamete wakwie 'Ixaheri nuiwarimama mɨtiwapiinitɨnikɨ.