Kutsuhexi 10:13 - Kakaɨyari Niukieya

¹³ Tau kaniwakeni 'utukakaku meta metseri yaxeikɨa, kepaukake 'ixaheritsixi memɨtehayu'iwaxɨ. 'Ikɨ mɨpaɨ pɨre'uxa Katsexi xapayaritsie. Mɨpaɨ katiniuyɨni, tau kaniwakeni 'utukakaku pɨka'ukuyua xeitukari kaniuyurieni.

Kutsuhexi 10:13 ပူးပေါင်းရင်းမြစ်များ

'Awakuki 3:11

Tau meta metseri matɨa muyuawitsie kanewa'uweni, 'a'ɨrɨte kwinie mayɨwawe xawatɨriyayakɨ, 'apitsika 'amɨtewi xawatɨriyayakɨ.

Kitsariyaxi 38:8

Yanepɨtiyurieni 'Akatsi 'inɨarieyatsie tau 'etɨriyaya tamamata 'inɨariyari pɨkayani yu'utɨma”». Hikɨ mɨpaɨ katiniɨyɨni tamamata 'inɨariyari kanikayani tau 'etɨrieya.

Kutsuhexi 10:14

Nihawaikɨ meripaitɨ nitawari mɨpaɨ pɨkatiyɨwe, 'ana tukaritsie Yawé tewi 'aitsikaya panu'eni. Mɨpaɨ pɨtimatsiɨkɨ 'ana Yawé puyumienekai 'ixaheritsixi waparewietɨ.

'Itsɨkate 16:28

Hikɨ Tsanitsuni Yawé kaniutahɨawe karima: «Kenenaye'eri Kakaɨyari, waɨkawa nepɨmatsiwawirie, tawarita 'aixɨa keneneyurieka, xeimieme xeikɨa, tawarita xeimieme xeikɨa keneneupitɨa nemɨtiwakuhɨwirienikɨ piritsiteutsixi nehɨxite memayetɨkixɨkɨ».

Rukaxi 18:7

¿Kakaɨyari matsi heitserie katiwapitɨani mɨkɨ mɨwaranayexei tukarikɨ tɨkarikɨ memihiwie? ¿'Areutere kawaparewimɨtɨ?

Kuheri 3:15

Tau meta metseri kaniyɨrixɨakuni, xurawetsixi mepɨkahekɨariwieniri.

Kuheri 2:10

'Ikɨ kuyaxi wahɨxie kwie naitɨ puyuane meta muyuawi pukuyuane, tau meta metseri pɨyɨrixɨani, meta xurawetsixi mepɨtehayewa mehekɨariwietɨ.

Nɨawari 148:3

Tau meta metsa, meke'inɨawani, xurawetsixi xemutimerɨkare, xekenenɨawani.

Nɨawari 19:4

naitsarie kwiepa kaniwaku'eiyani, waniuki kwie manu'axe kaniye'axeni. Kakaɨyari muyuawitsie tau kiiya kaniukawewieni.

'Etsitexi 8:13

Mɨkɨ xapa 'ɨkiyaya naitsarie kwie mukumanetsie kaniyuhayewaxɨamɨkɨ, yunaitɨ mekete'utamarieni kiekari mukumanetsie. Huriyutsixi memuyuha'aritɨakakɨ mɨkɨ tukariyaritsie memɨwaraye'unie memɨwatakwinikɨ.

2 Tsamuheri 1:18

«Tuupi kwikariyari» katiniterɨwa. Meta katiniuta'aita mɨkɨ kwikari Kura kiekatari memɨta'ɨkitɨarienikɨ. Mɨpaɨ katine'uka Katsexi xapayatsie:

Kitsariyaxi 24:23

Metseri kaniyɨrimɨkɨ tau kaniyutitewiyamɨkɨ, 'ana Tsiyuni hɨriyaritsie, Kerutsareme hetsie, Yawé Naimekɨmɨtɨrɨkaɨye katinita'aitamɨkɨ, mana miemete 'ukirawetsixi mepixeiyani mariweme.

'Itsɨkate 5:2

«Kepauka te'aitamete 'ixaheritsixi memɨte'aita, kepauka teɨteri yɨkɨmana memɨyuwaɨriya, Yawé 'aixɨa ke'itɨarieka.

Kutsuhexi 10:11

Kepauka 'amuxeutsixi memuyuta'unaxɨ 'ixaheritsixi mewakwitɨwekaku, Weti-Kuruni meta 'Atseka wahixɨapa meyukwitɨwetɨ, Yawé muyuawitsie tee 'anenekame kaneyenɨ'ani yuwaɨkawa teɨteri kaniwarukwini, 'ixaheritsixi tsiyupaɨmeme mekaniwarukwini 'ixiparakɨ.

'Inɨatsie 31:2

«Mexi pekamɨwe, 'apaapama wahetsɨa pekaheyeiwe, mariyanitsixi pekaniwatakwimɨkɨ pekatiniwakuhɨwieriemɨkɨ 'ateɨterima wahetsiemieme».

Matsiɨkɨtɨ kemɨratɨa 21:23

Kiekari tau meta metseri mɨhekɨariwiekakɨ pɨkaheiyehɨwa, Kakaɨyari yuxawatɨrɨyakɨ pɨwahekɨariwiya, meta Muxa wahekɨariwiwame kanihɨkɨtɨni.

Matsiɨkɨtɨ kemɨratɨa 8:12

Hikɨ naurieka mieme niuki tuayame yukuxineta kaniutahɨtsieni. Tau hairieka miemetsie xewitɨ pɨkahekɨariwiekai, yaxeikɨata metseri, meta xurawetsixi, kaniukuyɨre, mɨpaɨ hairieka miemetsie xewitɨ tukarikɨ meta tɨkarikɨ pɨka'uhekɨakai.

Matsiɨkɨtɨ kemɨratɨa 6:12

Hikɨ kepauka Muxa nemuxei tseyu 'ataxewirieka mieme kanaxɨna, 'ana kwie karima kaniutayuanekaitɨni. Tau puyɨrixɨ 'ɨkari mɨyɨwi hepaɨ, metseri naitɨ xuriya hepaɨ 'anetɨ kanayani.

Matsiɨkɨtɨ kemɨratɨa 6:10

Karima mekaniutihiwakaitɨni mɨpaɨ me'utiyuatɨ: «¿Kutsiyari 'aku pemɨpatsie, yuri pemaine, kepaukake pepɨwatakwewieni, kepaukake 'uximatɨarika pepɨwapitɨani kwiepa memɨtama taxuriya memutayeurikɨ?»

Nɨ'ariekate 2:20

Tau kaniyɨrimɨkɨ, meta metseri xuriya hepaɨ 'anetɨ kanayeimɨkɨ mexi 'akuxi Ti'aitame kanuaweni, kepauka mariwemekɨ mɨtiyurienitsie.

Mateu 5:45

Mɨpaɨ xeyɨatɨ puyuritɨni yu'ukiyari taheima makawe niwemama xemɨhɨkɨkɨ. Mɨkɨ kanenatinenetɨwani yutau 'axamemɨteyurie wahetsie 'aixɨa memɨteyurie wahetsie. Wiyeri panakanɨ'awa mɨkɨ heitseriemekɨ yamemɨtekahu wahetsie mɨkɨ heitseriemekɨ yamemɨkatekahu wahetsie yaxeikɨa.

'Inɨatsie 21:14

'Ayumieme puyuterɨwanɨa Yawé kemɨtiyutami xapayaritsie: «Haramara Mɨxeta hepatsie, mayeweweritsie meta haa 'Axinuni.

Mateu 24:29

»'Ana kwitɨ 'uximatɨarika 'utɨmata, »“tau kaniyɨrimɨkɨ, meta metseri tawari pɨkahekɨariwieni, xurawetsixi mepɨkaxɨrieni muyuawitsie meta tɨrɨkariya memexeiya muyuawitsie miemete mepɨkuyuitɨarieni”.

Kuheri 2:31

Tau yɨwitɨ kanayeimɨkɨ metserita xuriyapaɨ 'anetɨ kanayeimɨkɨ mexi Yawé tukarieya kahaye'aweni, kepauka mariwemekɨ mɨtiyurienitsie.

2 Te'aitamete 20:10

'Etsekiyaxi mɨpaɨ katinitahɨawe: —Pɨkakwaniwe xɨka 'etɨri yeyani, peru pukwaniwe yu'utɨma muwakayani.

Kuwi 9:7

Tau kaniutate'ani, hikɨ 'ɨrɨya kanikɨtɨtɨtseni, xurawetsixi waxawatɨriya kaneukunarɨmani.