Kutsuhexi 10:11 - Kakaɨyari Niukieya

¹¹ Kepauka 'amuxeutsixi memuyuta'unaxɨ 'ixaheritsixi mewakwitɨwekaku, Weti-Kuruni meta 'Atseka wahixɨapa meyukwitɨwetɨ, Yawé muyuawitsie tee 'anenekame kaneyenɨ'ani yuwaɨkawa teɨteri kaniwarukwini, 'ixaheritsixi tsiyupaɨmeme mekaniwarukwini 'ixiparakɨ.

Kutsuhexi 10:11 ပူးပေါင်းရင်းမြစ်များ

Kitsariyaxi 28:2

Neuxei, Ti'aitame xeime kanexeiyani tɨrɨkaɨyeme meta mariweme: Mɨkɨ kwiepa katinahɨamɨkɨ rananaimatɨ, tee mukaxɨrieni hepaɨ, 'eka mɨtiyuka'una hepaɨ, wiyeri mɨhaikɨrima hepaɨ, haa muwayeneni hepaɨ.

'Itsɨkate 5:20

Muyuawitsie xurawetsixi mekaniuyutakwini, memanuyeteitsie paitɨ me'uyetetɨ Tsitsara mekaniutamieni.

Matsiɨkɨtɨ kemɨratɨa 16:21

Muyuawitsie tee 'anenetɨ kanakanexɨani teɨteri wahetsie kaniukaxɨrieni, huta tewiyari kiruyari rahetetɨ. Meta teɨteri Kakaɨyari hepaɨtsitana 'axamekaniutiyuanekaitɨni, mariwemekɨ mɨtiwakwinitɨakaikɨ.

Matsiɨkɨtɨ kemɨratɨa 11:19

Merikɨtsɨ Kakaɨyari tukieya kaneuyepiere muyuawitsie, kakuni tɨratuya mɨ'inɨariyari kanimatsiɨkɨkaitɨni tukita yekaitɨ, kaniwayemerɨkakaitɨni kaneyeyuanekaitɨni kaneyetɨrarɨkakaitɨni kwie kaniutayuani meta tee 'anenetɨ kaniukaxɨrieni.

'Etsekieri 13:11

Mɨpaɨ ketiniwarutahɨawi tewewiwamete, mɨkɨ wawewiya kanika'unimɨkɨ wiyeri 'ekamatɨ meta waɨkawa teematɨ 'ukanamieni.

Kitsariyaxi 30:30

Yawé katani'enitɨamɨkɨ yuniuki mɨmariwe, yutɨrɨkariya tahɨxie kanikatetɨamɨkɨ: haxɨaya mutarɨrɨrɨka meta taiya mɨtiyuxɨxɨtsitɨwa, haa tsata, 'eka tsata meta tee tsata.

Nɨawari 11:6

'Axamemɨte'u'iyari wahetsie tɨɨ wiyeriyari kananɨ'amɨkɨ meta tai kanikawiwimɨkɨ, 'eka kwinimieme tixɨkatɨ kaniku'ekamɨkɨ, mɨkɨ wa'iwarika kanayeimɨkɨ.

Tsutɨarika 19:24

Hikɨ Yawé tai wiyeriyari kaneyenɨ'ani meta 'atsupɨre taiyari kaniukawiwieni muyuawitsie mieme Tsuruma meta Kumuxa wahetsie.

Kuwi 38:22

»¿Pe'ixeiyake pereutahari 'ɨwi teeyari muyexeɨrietsie,

Hutarieka 'inɨari 20:4

karikɨ Yawé xekakaɨyari xehamatɨa kaniuyeikani, mɨkɨ xehetsiemieme puyutamieni, meta mɨkɨ pɨxeparewieni xeme xemɨtehayu'iwakɨ”.

2 Tsamuheri 18:8

Meyukwitɨwetɨ mɨkɨ kwieyaritsie mekaneuyutaweiyaxɨani naitsarie, 'ayumieme mɨkɨ makuxiuyatsie yeuta matsi yuwaɨkawatɨ mekaniukwini yukɨmana, keyuri 'ixiparakɨ memukwi'iwaxɨ.

Kuwi 38:23

nemi'uta kepauka nemuwa'uximatɨanitsie, kuyaxa miemetsie meta mɨtiyutakwitɨtsie?

Nɨawari 147:17

Tee pɨkaxɨrɨwa tetexi 'etsimɨpepe hepaɨ, xewitɨ pɨkayɨwe minewieni haɨtɨriyaya.

Kitsariyaxi 28:21

Kaniyuritɨni, Yawé kananukukemɨkɨ Peratsini hɨriyaritsie hepaɨ, Kemɨtiukuyua Kawahuni mayeweritsie hepaɨ, yu'uximayatsika 'aye'atɨanike xewitɨ mɨka'imaiwe, yu'aitɨarika maye'atɨanikɨ.