Kutsuhexi 1:9 - Kakaɨyari Niukieya

⁹ Mɨpaɨ nekamatini'aitɨaka: Kenetɨrɨkaɨyeni ketinayu'iwani. Pepɨkamaka kene'awaɨriyani. Yawé 'akakaɨyari pɨmatsiteɨtani tsepa hakewa pemetɨa».

Kutsuhexi 1:9 ပူးပေါင်းရင်းမြစ်များ

Tsutɨarika 28:15

Ne 'ahamatɨa nepuyeikani. Nepɨmatsi'ɨwiyani tsepa hakewa pemeyeika, meta nepɨmatsi'akunuitɨani 'ikɨ kwieyaritsie. Nepɨkamatsiku'eirieni neraye'atɨameke kenemutayɨkai».

Hutarieka 'inɨari 20:1

»Kepauka xemayekɨne xemɨwaraye'unie xemɨwatakwinikɨ, meta kepauka xemɨwaxeiya kuyaxi memɨxe'aye'unie meyumɨireme keyuri xeme, waɨkawa kaxetate mewarahapaname meta kawayutsixi, xepɨkawamakaka, matsi Yawé xekakaɨyari 'Ekipitu mɨxe'ayewitɨ, pɨxeparewieni.

Nɨawari 46:7

Yawé, Naimekɨmɨtɨrɨkaɨye tahamatɨa kaniuyeikani, hetsiena temɨta'awieta Kakuwu Kakaɨyarieya kanihɨkɨtɨni.

Kitsariyaxi 43:1

Peru hikɨ Yawé mɨpaɨ kanaineni, Kakuwu, mɨmatsi'unetɨa, 'Ixaheri, mɨmatsi'uta'iwewaxɨ: «Pepɨkamaka, ne nekameniutawikweitsitɨani, ne nekamenahɨaweni kepemɨtitewakɨ, 'ekɨ nehetsɨa mieme pekanihɨkɨtɨni.

Kitsariyaxi 43:5

Pepɨkamaka, ne 'ahamatɨa nekaniuyeikani, tau manatineika hepa meme'uwa 'anuiwarima nekaniwa'atɨamɨkɨ, meta tau makayuyuipike hepa meme'uwa nepɨwa'atɨani nemɨxekuxeɨrienikɨ.

'Itsɨkate 6:14

Yawé matsi mɨpaɨ katinitahɨawe: ―Kenemie kepemɨtitɨrɨkaɨye, 'ixaheritsixi pekaniwatawikweitsitɨamɨkɨ mariyanitsixi kememɨwayurie. Ne nepɨhɨkɨ nemɨmatsihanunɨ'ani.

2 Tsamuheri 13:28

'Ikɨ 'Awitsaruni yuhetsɨa te'uximayatamete mɨpaɨ katiniwaruta'aitɨani: «'Aminuni xekenexeiyani xepɨkaheiyehɨpani. Kepaukari waɨkawa mɨtawekatsie ne yanekanitayɨmɨkɨ kepauka xemenukuweiya hikɨ xeme xekaneimiekuni. Xepɨkaheumamaka ne matsi nekanihɨkɨtɨni mɨpaɨ nemɨxeti'aitɨa. Xekeneyuwaɨriyani xekenetɨrɨkawini».

Nɨ'ariekate 4:19

Peru Pekuru meta Wani mɨpaɨ mekateniwaruta'eiya: —¿'Aixɨa ti'ane Kakaɨyari hɨxie xeme pɨta temɨxe'enieka mɨkɨ teka'enietɨ? Xekeneutimaixɨa kemɨ'ane heitserie mexeiya.

Hutarieka 'inɨari 31:28

Yunaime nehɨxie memanuyetei meta 'ukirawetsixi xekeniwarukuxeɨri, ne nemɨxetaxatɨanikɨ 'ikɨ niuki meta xemi'enienikɨ heitseriemekɨ. Taheima muyuawi muyema meta kwie memunenierixɨ mekanihɨkɨtɨkakuni xehetsiemieme,

Hutarieka 'inɨari 1:21

Xekeneuxeiya, Yawé xekakaɨyari kwie kanixeyetuirieniri. Xekenehu yukwie xekenayeitɨa Yawé kemɨtixehahɨawekai, xetutsima wakakaɨyari. Xepɨkamamaka meta xepɨka'utiweranareni”.

Kutsuhexi 1:10

Hikɨ Kutsuhexi mɨpaɨ katiniwaru'aitɨani 'ukirawetsixi teɨteri memɨhɨritɨarie:

Kutsuhexi 1:17

Naimekɨ yatepɨtekakɨne, Muitsexi ketemɨteheu'eniekai. Tepiwawa xeikɨa Yawé 'ahamatɨa ke'uyeikani Muitsexi hamatɨa kemɨtiuyeikakai.

Kutsuhexi 8:1

Yawé Kutsuhexi mɨpaɨ katinayehɨtɨani: «Pepɨkamaka kene'awaɨriyani. Yunaime keniwaranuwitɨki kuyaxi, 'Ahi xekeneutami'a. Ne nepɨxeparewieni ti'aitame xema'iwakɨ meta kuyaximama. Wakiekari xepiinite katinayeimɨkɨ meta naitɨ kwieyari memanu'uwa.

Kutsuhexi 10:8

'Ana Yawé Kutsuhexi mɨpaɨ katiniutahɨawe: «Pepɨkamaka wahɨxie, ne nekameniyetuiriemɨkɨ. Nixewitɨ mɨkɨ mepɨkamatsiha'iwa».

2 Kemɨtiuyɨ 15:7

Peru xeme, heitserie xekeneti'uka xekatehayewatɨ kuya tihɨweme hepaɨ, mɨpaɨ xete'uximayatɨ yu'iwarika xekatenipitɨariekuni».

Kitsariyaxi 41:10

'Ayumieme pepɨkamaka, netsɨ 'ahamatɨa nekaniuyeikani, pepɨka'a'uximatɨaka, ne nepɨ'akakaɨyari. Nepɨmatsitɨrɨkariyani meta nepɨmatsiparewieka, ne nepɨmatsituikani nemamakɨ 'aixɨa mɨtiyuriekɨ.

Tsutɨarika 39:2

Hikɨ matsi Kutse 'aixɨa katini'uximayakaitɨni Yawé 'iparewiekaku. Kepauka 'ekipitutanaka ti'aitɨwameya hetsɨa mayekatei,

Tsutɨarika 39:3

mɨkɨ mɨpaɨ pɨretima Yawé miparewiekaikɨ waɨkawa 'aixɨa mɨtiyurienenikɨ.

Hutarieka 'inɨari 31:23

Meta Kutsuhexi Nuni nu'aya Yawé mɨpaɨ katinita'aitɨani: «Keneyɨtɨrɨkariyani meta pepɨkamaka, 'ekɨtsɨ pekaniyɨmɨkɨ pemɨwaranuwitɨni 'ixaheritsixi 'iya kwieyaritsie nemuwaruxatɨakai nemɨwayetuirienikekaitsie, neta 'ahamatɨa nekaniuyeikamɨkɨ».

Kutsuhexi 1:18

Kemɨ'ane 'aniuki mɨka'anu'enieni, kemɨ'ane yamɨkatikayani kepemɨtita'aita kanimieriemɨkɨ. Peru 'ekɨ kenetɨrɨkaɨyeni pepɨkamaka.

Kutsuhexi 3:7

Hikɨ Yawé Kutsuhexi mɨpaɨ katiniutahɨawe: «Hikɨ mɨtiyehane mariweme nepɨmatsi'ayeitɨani 'ixaheritsixi wahɨxie. Mɨpaɨ memɨtehetimanikɨ kename 'ahamatɨa ne'uyeika Muitsexi hamatɨa kenemɨtiuyeikakai hepaɨ.

Kutsuhexi 6:27

Yawé Kutsuhexi hamatɨa kaniuyeikakaitɨni, hikɨ naitsarie kanikɨxaxatsiwakaitɨni mɨkɨ kwieyaritsie.

Kutsuhexi 10:25

Hikɨ Kutsuhexi mɨpaɨ kaniutayɨni: «Xepɨkamamaka yu'utɨa xepɨka'uyekɨkani, matsi pɨta xekenetɨrɨkawini xepɨkamamaka. Mɨpaɨ kaniwayuriemɨkɨ Yawé kemɨ'ane xemɨwatakwini».

1 Tsamuheri 10:7

Kepauka maye'ani 'ikɨ 'inɨari kenemerahɨawe, mɨpaɨ ketineyurieneni kemɨreuyewetse 'ahetsiemieme, Kakaɨyari kamaniparewiekamɨkɨ.

1 Kemɨtiuyɨ 28:20

Meta mɨpaɨ Rawiri yuniwe Tsarumuni katiniutahɨawe: «Kenetɨrɨkaɨyeni meta ketinayu'iwani, hikɨri ketine'uximayaka. Pepɨkamaka meta pepɨkayuweranariyani, karikɨ Kakaɨyari Yawé, nekakaɨyari, 'ahamatɨa kaniuyeikamɨkɨ. Pɨkamatsiku'eirieni pɨkamatsinutuita kepaukake tuki pemɨnɨni.

Kitsariyaxi 8:12

«Xeme 'ikɨ teɨteri 'iya memaye'unie memɨte'uterɨwa xemeta mɨpaɨ mɨkɨ xepɨkate'uterɨwani, tita mɨkɨ memɨtemakaxe xeme mɨkɨ xepɨkatemakaxeni, meta xemɨmariutsiekakɨ xepɨkayupitɨaka.

Tanieri 10:19

kepauka mɨpaɨ mɨnetikɨhɨawekai: “Kayuwatɨ pekehexeiyani, tewi Kakaɨyari waɨkawa mɨmatsinaki'erie. Keneutatɨrɨkaxɨa, pepɨkaheumaka”. »Mexi mɨkɨ netikuxaxatɨwakai, ne nekaniutatɨrɨkaxɨani hikɨ mɨpaɨ nekatinitahɨawe: “'Ari pepɨnetsi'utatɨrɨkariyaxɨ, neti'aitɨwame, kenetineutaxatɨa”.

'Akehuxi 2:4

Hikɨ —Yawé mɨpaɨ kanaineni— Kamɨtsɨ hikɨ Tsuruwaweri pepɨkamaka kene'awaɨriyani. Kutsuhexi Kutsaraki nu'aya pepɨkamaka kene'awaɨriyani. 'Ekɨ mawari wewiwamete tiwa'aitɨwame pekanihɨkɨtɨni. Xekeneyuwaɨriyani, teɨteri 'ena kiekatari. Xeketene'uximayaka, ne xehamatɨa nekaniuyeikani —mɨpaɨ kanaineni Yawé Naimekɨmɨtɨrɨkaɨye—.

'Akehuxi 2:5

Xetsata ne'iyari kaniuyeikamɨkɨ yuheyemekɨ, tɨratu kenemɨtiuwewi hepaɨ xehamatɨa kepauka 'Ekipitu xemayekɨ”. »Xepɨkamamaka,