Kutsuhexi 1:8 - Kakaɨyari Niukieya

⁸ Keneutiterɨwani yuheyemekɨ tsepa kepauka 'inɨari niukiyari maye'uxa, tukarikɨ tɨkarikɨ kɨmana kene'a'iyaritɨaka, naime kenaye'atɨa pe'akweriwayurietɨ kemɨre'uxa, mɨpaɨ tsepa kepemɨti'uximaya yapɨtiyɨni.

Kutsuhexi 1:8 ပူးပေါင်းရင်းမြစ်များ

Nɨawari 119:15

'A'aitsika nepuku'eriwa, meta 'ahuye'utɨa xeikɨa nepɨne'ɨwiya.

Nɨawari 19:14

'Ekɨ kenenaki'erieka, neniuki meta kenemɨtiku'eriwa, Yawé, ne'ai meta pemɨnetsiwikweitsitɨwame.

Kurutsetari 3:16

Kɨritsitu niukieya xehetsie keheyekani waɨkawa, naimekɨ xetemaiwawekaku: Mɨkɨkɨ xeketeneyɨ'ɨkitɨaka meta xekeneyutuikani, Kakaɨyari kwikarieyakɨ, nɨawari Kakaɨyari hepaɨtsita manuyɨnekɨ, kwikari 'Iyaritsie timieme hepaɨtsita manuyɨnekɨ xeteyɨkɨhɨawetɨ, xekeneutikwikani, yu'iyaritsie xe'inɨawatɨ Kakaɨyari, pamɨpariyutsi xe'ipitɨatɨ.

Temaiwawemete 3:1

Temaikɨ, pepɨkaratɨtɨmaiyani kenemɨmati'ɨxatsitɨa, matsi pɨta, yuheyemekɨ kena'eriwani ne'aitsika.

Hutarieka 'inɨari 29:9

»Hikɨta, yaxeketenekakɨni 'ikɨ tɨratu kemaine xeyukweriwayurietɨ, 'uxa'atɨniwarie 'aixɨa xemɨ'itɨariekakɨ tsepa kexemɨteyurie.

Wani 14:21

Kemɨ'ane tita nemɨti'aita mumate, meta yamɨtikamie, mɨkɨ kanihɨkɨtɨni kemɨ'ane mɨnetsinaki'erie. Kemɨ'ane mɨnetsinaki'erie, ne'ukiyarita kaninaki'eriekamɨkɨ. Neta nepinaki'erieka, nematsiɨkɨme nepaneyeitɨani hetsiena».

Rukaxi 11:28

Ketsutsi mɨpaɨ kaniutayɨni: —Matsitsɨ pɨta, 'aixɨa meke'itɨarieka mɨkɨ Kakaɨyari niukieya memɨ'enie meta yamemɨtekahu.

Mateu 7:24

»'Ayumieme, kemɨ'ane mi'enie 'ikɨ neniuki kenemutayɨ, meta yamɨtikatɨa mɨkɨ tewi mɨtimaiwepaɨ kani'aneni, mɨkɨ kaniyutakitɨani tetetsie.

Nɨawari 119:11

Ne'iyaritsie 'aniuki nepu'uta kapa 'ahetsiemieme 'axanetiuyurienikɨ.

Nɨawari 119:97

Yemekɨ ne waɨkawa 'a'ɨkitsika nepɨnaki'erie. Tukarikɨ mɨkɨ xeikɨa nepuku'eriwa.

Mateu 7:21

»Mɨkɨ mɨpaɨ memɨnetekɨhɨawe: “Ti'aitame, Ti'aitame 'aku”, yunaitɨ mɨkɨ mepɨkaheutahaxɨani hakewa mɨre'aita taheima makawe. Matsi xeikɨa kemɨ'ane yamemɨtekahu kemɨtinake ne'ukiyari taheima makawe.

Wani 13:17

Xɨka 'ipaɨ xetemaika, xekaniyutemamawiekakuni xɨka yaxetekahuni.

Kutsuhexi 1:7

Xeikɨa nepɨmatsiwawirie waɨkawa kene'awaɨriyani kenetseɨyeni 'inɨari niukiyari naime pemaye'atɨanikɨ Muitsexi mɨmatsi'uta'utɨiri. Mɨkɨ pepɨka'iku'e'eiriwani ni'etsiwatɨma, mɨpaɨ xeikɨa pepɨyɨweni tsepa hakewa pemetɨa.

Hutarieka 'inɨari 30:14

Hawaikɨ matsi. Niuki 'aitsika 'ahurawa xepexeiya, yuteta meta yu'iyaritsie xepeixeiya, mɨpaɨ xemɨtekahunikɨ.

Hutarieka 'inɨari 5:29

Heiwatɨ wa'iyari yemekɨ yuwaɨririyani memɨnetsi'ayemakaxenikɨ meta memeye'atɨakakɨ naime ne'aitsika, mɨpaɨ mɨkɨ meta waniwema yuheyemekɨ 'aixɨa 'iyari memu'uwanikɨ.

Nɨawari 119:99

Matsi waɨkawa nepɨtimaiwe nete'ɨkitɨwamete nepɨwara'iwa, 'a'aitsika xeikɨa nemuku'eriwakɨ.

Kitsariyaxi 59:21

Yawé mɨpaɨ kanaineni: «'Ikɨ netɨratu kanihɨkɨtɨni xehamatɨa nemiwewie: Ne'iyari xehetsie mɨyeka, meta neniuki nemɨmatsi'upitɨa pemekaterɨwakɨ 'ape'uyuatɨ, hatsuaku pɨkamatsiku'eirieni, meta 'aniwema wahetsie meta 'anuiwarima wahetsie, hikɨtɨtɨ meta yuheyemekɨ ―Yawé mɨpaɨ kanaineni―.

Hutarieka 'inɨari 5:32

»Kamɨtsɨ yumarima, yaxeketeneu'uwani Yawé xekakaɨyari kemɨtixe'uta'aitɨa, xaɨtsie xepɨkaheukuyuyuipikeni yutserieta niyu'utata.

Hutarieka 'inɨari 31:11

kepauka xeme 'ixaheritsixi xemɨ'axɨani Yawé xekakaɨyari hɨxie hakewa mɨkɨ meyuhayewa, 'ana 'ikɨ 'aitsika xepakaterɨwa karima yunaime 'ixaheritsixi wahɨxie.

'Epetsutari 4:29

Niuki 'axamanɨyɨne xɨka xeteta 'atineni, 'aixɨa pɨkayɨni, matsi pɨta xɨka 'aixɨa 'anemekɨ xe'utiniukani watseiriyatɨ kemɨ'ane meiyehɨwa, mɨpaɨ xekeneutiyuaneni pɨta, 'aixɨa xemɨwayurienikɨ 'enakaremete.

Mateu 12:35

Tewi 'aixɨa mɨtiuka'iyari 'ikuxeɨrieme tita 'aixɨa mɨti'ane yuhetsie, tita 'aixɨa mɨti'ane katinikuxatamɨkɨ, peru tewi 'axamɨtiuka'iyari 'ikuxeɨrieme tita 'axamɨti'ane yuhetsie, tita 'axamɨti'ane katinikuxatamɨkɨ.

Nɨawari 40:10

Keheitserie mɨmetinake nepɨka'i'awieta ne'iyaritsie, matsi nepikuxatane ke'aixɨa pemɨtikamie meta kepemɨratawikwetsitɨani. Yumɨiretɨ meyuxeɨriekaku nepɨka'enukanama, 'anaki'eriya mɨmariwe meta tita yurikɨ mɨraine.

Mateu 28:20

xetewa'ɨkitɨatɨ yamemɨtekahunikɨ naime xeme kenemɨtixe'u'aitɨa. Yurikɨ mɨpaɨ xeketenemaika, netsietɨ tukarikɨ xehamatɨa nekaniuyeikamɨkɨ, kepaukake kwie meutipare. Mɨpaɨ xeikɨa kani'aneni.

Matsiɨkɨtɨ kemɨratɨa 22:14

»'Aixɨa mekani'itɨariekakuni kemɨ'ane yu'ixuriki memɨ'ekwa, heitserie mekanexeiyakakuni mɨkɨ 'iteɨri tukari mexeiya hepaɨtsita, meta memɨpitɨarienikɨ kiekari kitenie memeutahaxɨanikɨ.

Tsutɨarika 24:63

Merikɨtsɨ taikai kanikuyani yeuta. Hikɨ yapauka kameyutsixi kaniwaruxeiya me'aye'axɨaximeme mematiteitsie.

Hutarieka 'inɨari 31:24

Kepauka Muitsexi xeixapayari 'utɨatɨ 'ikɨ 'aitsikate naime munɨ.

Kutsuhexi 8:34

Hikɨ Kutsuhexi kanekaterɨwa naime 'inɨari niukiyari ke'aixɨa mɨtiyuyuruwa meta titakɨ 'axatemɨte'itɨarieni kemɨre'uxa 'inɨari niukiyari xapayaritsie.

Hutarieka 'inɨari 5:1

Muitsexi yunaime 'ixaheritsixi kaniwarukuxeɨrieni, mɨpaɨ katiniwarutahɨawe: «'Ixaheritsixi, xekeneu'eni 'inɨari niukiyari meta 'aitsikate waɨkawa hikɨ ne nemɨxetaxatɨani. Xekenetimati mɨkɨ meta mɨpaɨ xeketeneu'uwani.

Hutarieka 'inɨari 29:8

Naime wakwie tepɨwarunawairi tepɨwayetuiri Xuweni meta Kahari wanuiwarima meta hixɨata me'akame Manatsexi nuiwarimama, mɨkɨ wapiini mɨrayanikɨ.

2 Kemɨtiuyɨ 26:5

hikɨ, mexi Kakaɨyari niukameya Tsakariyaxi 'a'uyeikakai, mɨkɨ mɨtiti'ɨkitɨa Kakaɨyari mayemakaxenikɨ, 'ana kaniyuwaɨriyakaitɨni Kakaɨyari mayexeiyani. Kepauka 'Utsiyaxi Kakaɨyari mayexeiyakai, Kakaɨyari yakatiniuyurieni hetsiena 'aixɨa mɨtiyɨnikɨ.