Kutsuhexi 1:17 - Kakaɨyari Niukieya

¹⁷ Naimekɨ yatepɨtekakɨne, Muitsexi ketemɨteheu'eniekai. Tepiwawa xeikɨa Yawé 'ahamatɨa ke'uyeikani Muitsexi hamatɨa kemɨtiuyeikakai.

Kutsuhexi 1:17 ပူးပေါင်းရင်းမြစ်များ

Kutsuhexi 1:5

Kepaɨmexɨa tukari pemuyeikani xewitɨ pɨkayɨweni matsi'a'iwanikɨ. Mɨpaɨ kenemɨtiuyeikakai Muitsexi hamatɨa yaxeikɨata 'ahamatɨa nepɨtiuyeikani, nepɨkamatsinutuita nepɨkamatsiku'eirieni.

1 Te'aitamete 1:37

Ti'aitame Yawé 'ahamatɨa kemɨtiuyeikakai, mɨpaɨta Tsarumuni hamatɨa ketiuyeikani, ketimariwemekɨ pemɨti'aitakai Rawiri ti'aitame, matsi waɨkawa Tsarumuni mariwemekɨ ketiuta'aita.

Kutsuhexi 1:9

Mɨpaɨ nekamatini'aitɨaka: Kenetɨrɨkaɨyeni ketinayu'iwani. Pepɨkamaka kene'awaɨriyani. Yawé 'akakaɨyari pɨmatsiteɨtani tsepa hakewa pemetɨa».

Mateu 21:9

Teɨteri yumɨiretɨ memanuyetekai meta wa'utɨa memuhukai mekaniutihiwakaitɨni mɨpaɨ me'utiyuatɨ: —'Ari ketaneutawikweitsitɨa Rawiri Nu'aya. —'Aixɨa ke'itɨarieka kemɨ'ane 'umamie Ti'aitame hetsɨa miemetɨtɨ. —'Ari ketaneutawikweitsitɨa taheima pemakawe.

Nɨawari 20:9

Yawé, keneupitɨa ti'aitame mɨrayu'iwakɨ. Kepauka temetsitahɨawe ketaneku'eiyani.

Nɨawari 20:4

'A'iyarikɨ tita pemɨreuyehɨwa kemetiyetuirieni, kepemɨtiku'eriwa kepemɨtiyurimɨkɨ yaketiuyɨni.

Nɨawari 20:1

Yawé, kemetsi'uta'eiya kepauka pemɨ'a'uximatɨa, Kakuwu Kakaɨyarieya kemetsi'ɨwiyani.

1 Kemɨtiuyɨ 28:20

Meta mɨpaɨ Rawiri yuniwe Tsarumuni katiniutahɨawe: «Kenetɨrɨkaɨyeni meta ketinayu'iwani, hikɨri ketine'uximayaka. Pepɨkamaka meta pepɨkayuweranariyani, karikɨ Kakaɨyari Yawé, nekakaɨyari, 'ahamatɨa kaniuyeikamɨkɨ. Pɨkamatsiku'eirieni pɨkamatsinutuita kepaukake tuki pemɨnɨni.

1 Tsamuheri 20:13

Peru nepaapa xɨka matsimiemɨkɨni, neta pemɨ'ata'unakɨ xɨka nekamatiutaxatɨani, Yawé 'axakenetsi'uyurieni waɨkawa, 'ekɨta 'ahamatɨa ke'uyeikani nepaapa hamatɨa kemɨtiuyeikakai.

Kutsuhexi 1:16

Mɨkɨ mɨpaɨ Kutsuhexi mekateniuta'eiya: ―Tame yatepɨtekakɨne naimekɨ kepemaine, tame tepɨyehu tsepa hakewa pemɨtatsihetanɨ'a.

Kutsuhexi 1:18

Kemɨ'ane 'aniuki mɨka'anu'enieni, kemɨ'ane yamɨkatikayani kepemɨtita'aita kanimieriemɨkɨ. Peru 'ekɨ kenetɨrɨkaɨyeni pepɨkamaka.

'Inɨatsie 27:18

Yawé Muitsexi mɨpaɨ katiniutahɨawe: —Kutsuhexi Nuni nu'aya xekenayeitɨa, mɨkɨ yu'iyarikɨ 'aixɨa katiniyɨkɨhɨaweni. Hetsiena keneutime'i,

'Inɨatsie 27:20

Pekatinihɨritɨamɨkɨ 'ekɨ kepemɨti'aitakai, mɨpaɨ yunaitɨ 'ixaheritsixi memei'eniekakɨ.

Hutarieka 'inɨari 34:9

Hikɨ Kutsuhexi Nuni nu'aya 'iyari timaiwemekɨ kaniutahɨne, Muitsexi meripaitɨ heimana mutimeikɨ. Hikɨta 'ixaheritsixi Kutsuhexi pɨta meheu'enietɨ mepakɨ meta Yawé Muitsexi kemɨtiuta'aitɨakai mɨpaɨ mepɨtekakɨ.

Kutsuhexi 4:14

Mɨkɨ tukaritsie Yawé Kutsuhexi mariweme kanayeitɨani 'ixaheritsixi wahɨxie. Teɨteri Kutsuhexi 'aixɨa mekatenixeiyakaitɨni kemɨreuterixɨ 'uyeikatɨ, Muitsexi kememɨtexeiyakai hepaɨ.

1 Tsamuheri 17:37

Kepauka maye meta hutse mɨnetsikuwiwiyakaitsie Yawé kemɨnetiutawikweitsitɨa, hikɨta yaxeikɨa 'ikɨ piritsiteu tewiyari hepaɨtsita kaneniparewimɨkɨ. Tsahuri mɨpaɨ katinitahɨawe: —Kenemietsɨ Yawé kematsihe'ɨwiyani.

2 Tsamuheri 14:17

»Metatsiere mɨpaɨ nepɨre'eri, niukieya xɨari 'aixɨa netiku'eriwame pɨnetsi'ayeitɨani, 'ekɨtsɨ ti'aitame niuki tuayame Kakaɨyari hetsɨa mieme hepaɨ pekani'aneni, pemɨtimaiwe tita 'aixɨa mɨti'ane meta 'axamɨti'ane hepaɨtsita. Yawé 'akakaɨyari 'aixɨa kematsiyurieka.»