Kutsuhexi 1:1 - Kakaɨyari Niukieya

¹ 'Arike Muitsexi 'umɨku Yawé ti'uximayatsiriwame, Kakaɨyari Kutsuhexi mɨpaɨ katiniutahɨawe Nuni nu'aya, Muitsexi mɨparewiekai:

Kutsuhexi 1:1 ပူးပေါင်းရင်းမြစ်များ

Hutarieka 'inɨari 34:9

Hikɨ Kutsuhexi Nuni nu'aya 'iyari timaiwemekɨ kaniutahɨne, Muitsexi meripaitɨ heimana mutimeikɨ. Hikɨta 'ixaheritsixi Kutsuhexi pɨta meheu'enietɨ mepakɨ meta Yawé Muitsexi kemɨtiuta'aitɨakai mɨpaɨ mepɨtekakɨ.

Hutarieka 'inɨari 31:23

Meta Kutsuhexi Nuni nu'aya Yawé mɨpaɨ katinita'aitɨani: «Keneyɨtɨrɨkariyani meta pepɨkamaka, 'ekɨtsɨ pekaniyɨmɨkɨ pemɨwaranuwitɨni 'ixaheritsixi 'iya kwieyaritsie nemuwaruxatɨakai nemɨwayetuirienikekaitsie, neta 'ahamatɨa nekaniuyeikamɨkɨ».

Hutarieka 'inɨari 31:3

meta mɨpaɨ pɨra'aita kename Kutsuhexi yɨaneni manuyehaitɨani Kurutani xemukɨnetsie. Yawé xekakaɨyari pumieni 'anuyekaitɨ xehɨxie yunaime nuiwarite mɨwaka'unakɨ kemɨ'ane xehɨxie memu'uweni, xemeta wakwie xepiini pɨrayeikani.

Hutarieka 'inɨari 1:38

Kutsuhexi Nuni nu'aya matsiparewiwame xeikɨa kaneutahamɨkɨ. Keneuparewi waɨkawa muyuwaɨriyanikɨ, mɨkɨ katiniyurimɨkɨ 'ixaheritsixi mɨkɨ kwieyaritsie mɨwaye'atɨani.

Memeyekɨ 24:13

Muitsexi Kakaɨyari hɨrieyatsie kaneyani yuparewiwame Kutsuhexi hamatɨa,

Xumatari 1:1

Ne, Papuru, nekanixewaɨritɨaka Kɨritsitu Ketsutsi hetsiemieme nemɨti'uximayatame, nemuta'inierie nɨ'ariekame nemayanikɨ, nemupatsie Kakaɨyari niukieya 'aixɨa manuyɨne nemukuxatanikɨ.

Nɨ'ariekate 7:45

Mɨkɨ tuki meputanaki'eri tatewarima. Kutsuhexi matɨa mekani'atɨani kepauka memɨwareutaweiyaxɨa 'ena memɨtitekai hipame nuiwarite. 'Arikeketa 'aniuyeikakaitɨni Rawiri.

Hutarieka 'inɨari 34:5

Muitsexi Muhawi kwieyaritsie mana kaniumɨni, Yawé ti'uximatsiriwame, Yawé kemɨtitahɨawekai.

2 Te'aitamete 3:11

Peru Kutsapati mɨpaɨ katiniuta'iwauni: —¿Xewitɨ 'ena katiuyeika Yawé niukameyatɨtɨ, mɨkɨ Yawé mɨta'iwawiyakɨ tahetsiemieme kemɨtiyɨni? Xewitɨ 'Ixaheri kwieyaritsie ti'aitame parewiwameya mɨpaɨ kaniutayɨni: —'Ena hurawa kaniuyeikani, 'Eritseu titewatɨ, Tsapati nu'aya, 'Eriyaxi mɨparewiwameyatɨkai.

1 Te'aitamete 19:16

meta Kehú Nimitsi nu'aya, ti'aitame mayanikɨ 'Ixaheri kwieyaritsie, metatsiere 'Eritseu Tsapati nu'aya, 'Aweri-Mekura kiekame kenanayexeiya 'a'utɨa 'ahetsiemieme neniukame mayanikɨ.

Kutsuhexi 12:6

'Ixaheritsixi Muitsexi tiwa'aitɨakaku Yawé ti'uximayatsiriwame, mɨkɨ te'aitamete mekaniwara'iwa. 'Ana Muitsexi Yawé ti'uximayatsiriwame, mɨkɨ kwie kaniwaruti'inɨatsirieni Xuweni, Kahari waxiɨyarima meta Manatsexi xiɨyarimama hixɨata me'arɨkame.

Hutarieka 'inɨari 33:1

Muitsexi 'akuxi kamɨwetɨ, Kakaɨyari ti'uximayatsiriwame, 'ixaheritsixi 'aixɨa kaniwaruyurieni:

'Inɨatsie 13:16

Mɨpaɨ mekatenitetewakaitɨni memanuyetei Muitsexi mɨwarenɨ'a kwie memɨxeiyayukɨ. ('Utseyaxi mɨtitewakai Nuni nu'aya, Muitsexi kanipata Kutsuhexi pɨta katiniterɨwa).

'Inɨatsie 13:8

'Utseyaxi, Nuni nu'aya, 'Epɨrahini nuiwarimama memɨhɨkɨ,

'Inɨatsie 12:7

Peru 'ikɨ mɨpaɨ pɨka'ane Muitsexi neti'uximayatsiriwame hamatɨa, yunaitɨ nete'uximayatsiriwamete watsata mɨkɨ matsi yamɨtikamie kanihɨkɨtɨni.

'Inɨatsie 11:28

Kutsuhexi Nuni nu'aya, ti'uximayatame manayexeiyarie Muitsexi parewiwameyakɨ temaikɨyari paitɨ, mɨpaɨ kaniutayɨni: —Muitsexi, neti'aitɨwame, keniwaruta'imaiya.

Matsiɨkɨtɨ kemɨratɨa 1:18

meta nemayeniere nepɨhɨkɨ. Tsepa nemumɨkai, matsi hikɨ nepayeniere tsepa xeitsienituyari wiyari manuyekɨka, meta tiyepiwame nekana'ɨka memɨtakukuwe wahetsiemieme meta mɨkite wateukiyapa hetsiemieme.

Tsatiyaku 1:1

Ne, Tsatiyaku, Kakaɨyari ti'uximayatsiriwame meta Ti'aitame Ketsutsi Kɨritsitu hetsiemieme. Nuiwarite tamamata heimana huta xemeutayeixɨa naitsarie: Nekanixewaɨritɨaka.

Titu 1:1

Ne Papuru ti'uximayatame nekanihɨkɨtɨni Kakaɨyari hetsiemieme, Ketsutsi Kɨritsitu nɨ'arieya nekanihɨkɨtɨni, yuri neti'erietɨ yaxeikɨa yuri kememɨte'erie mɨkɨ Kakaɨyari mɨwaranayexei, mɨpaɨta netimaitɨ tita yuri mɨraine, kemɨreuyewetse yamɨtimaikakɨ Kakaɨyari xɨka 'ayexeiyani.

Rukaxi 16:10

»Kemɨ'ane yamɨtikamie 'etsitipaɨmeme tihɨritɨarietɨ, mɨkɨ yakatinikamiemɨkɨ xɨka waɨkawa hɨritɨarieka, kemɨ'ane heitseriemekɨ yamɨkatikamie 'etsitipaɨmeme tihɨritɨarietɨ, mɨkɨta yapɨkatikamieni xɨka waɨkawa tihɨritɨarieka.

Hutarieka 'inɨari 34:12

Xewitɨ tawarita mɨpaɨ pɨkatiyuriwe tɨrɨkariya kename hexeiya mariweme, meta waɨkawa 'inɨari memuwewieni hipatɨ mepɨkayɨwawe Muitsexi kemɨtiuyuri yunaime 'ixaheritsixi wahɨxie.

Kutsuhexi 1:2

«Nemɨti'aitɨakai Muitsexi kaniumɨni. 'Ayumieme 'ekɨ meta yunaitɨ 'ikɨ teɨteri mekaniyukuha'aritɨakuni memanukɨnekɨ haa Kurutanitsie, meta xemeutahaxɨanikɨ nemɨxeyetuirienitsie kwie xeme 'ixaheritsixi.

Kutsuhexi 1:15

kepaukake Yawé mɨwaka'uxipitɨani xeme kemɨtixe'uka'uxipitɨa, kepaukake mɨkɨ kwie memɨ'axe Yawé takakaɨyari mɨwayetuiri. 'Anake xeme xepakunuaxɨani yukwietsie mana xemɨtitenikɨ. Mɨkɨ kwie kanihɨkɨtɨni Muitsexi Yawé ti'uximayatsiriwame mɨxeyetuirie hatuxame Kurutani 'anutaɨye mukuma tau manatineika hepatsie.

Nehemiyaxi 8:17

Yunaitɨ teɨteri mehehapanieka memu'axɨa xamaru mekaniutiwewieni mɨkɨtɨa mekanayetetɨkateitɨni. Mɨpaɨ mepɨkateyuriwawekai 'ixaheritsixi kepauka Kutsuhexi Nuni nu'aya 'amuyeikakaitsietɨtɨ, 'ixɨarari mariweme mekaniuwewieni.