Kurutsetari 4:6 - Kakaɨyari Niukieya

⁶ Kexemɨtekuxata, 'aixɨa xete'u'iyaritɨ xeketenekuxatani 'aixɨa ha'anemekɨ, xeniuki kahamurimekɨ. 'Ana mɨpaɨ xepɨyɨwaweni kehepaɨ 'aixɨa mɨyɨni xemɨwata'eiyakɨ yuxexuime.

Kurutsetari 4:6 ပူးပေါင်းရင်းမြစ်များ

'Epetsutari 4:29

Niuki 'axamanɨyɨne xɨka xeteta 'atineni, 'aixɨa pɨkayɨni, matsi pɨta xɨka 'aixɨa 'anemekɨ xe'utiniukani watseiriyatɨ kemɨ'ane meiyehɨwa, mɨpaɨ xekeneutiyuaneni pɨta, 'aixɨa xemɨwayurienikɨ 'enakaremete.

1 Pekuru 3:15

Matsi yu'iyaritsie xekenayemakaxeni Ti'aitame Kɨritsitu kemɨtiupatsie. Yuheyemekɨ xekeneha'aritsieka xemɨtiniunikɨ tita xemɨtekwewietsie mieme, yaxete'ikɨhɨawetɨ kemɨ'ane mɨxeta'iwawiya. Mɨpaɨ xetekuxatatɨ xepɨka'ayu'eririyani xeikɨa, matsi xekenayemakaxeni kemɨ'ane mɨxeta'iwawiya,

Ti'ɨkitame 10:12

Kepauka mɨtimaiwe mɨtiwakuxaxatɨwa, teɨteri 'aixɨa 'anemekɨ mekani'enieka, matsi kepaukata 'atsimɨkatimate mɨtikuxata, mɨkɨ xeikɨa kaniwaka'unani,

Marikuxi 9:50

»'Una 'aixɨa kani'aneni, peru xɨka 'una hamuritɨ 'ayani, ¿titakɨ ha'utsiwime xeteheyeitɨanikeyu 'una? 'Una xekenexeiyani yuhetsie 'aixɨa xeteyuxeiyatɨ».

Temaiwawemete 15:4

Niuki mɨtiyɨnɨtɨwa mɨkɨ ra'iyaritsie tukari tiyupitɨwame kanihɨkɨtɨni, matsi niuki 'axamanɨyɨne 'iyari pɨhiweritɨawe.

Temaiwawemete 15:7

Memɨtemaiwawe metekuxatakaku hipatɨta metemaitɨ mepakɨka, memɨkayuwaɨriya hipame memuwaparewienikɨ wa'iyari 'etsiwatɨma mɨpaɨ pɨkatiku'eriwa.

Kurutsetari 3:16

Kɨritsitu niukieya xehetsie keheyekani waɨkawa, naimekɨ xetemaiwawekaku: Mɨkɨkɨ xeketeneyɨ'ɨkitɨaka meta xekeneyutuikani, Kakaɨyari kwikarieyakɨ, nɨawari Kakaɨyari hepaɨtsita manuyɨnekɨ, kwikari 'Iyaritsie timieme hepaɨtsita manuyɨnekɨ xeteyɨkɨhɨawetɨ, xekeneutikwikani, yu'iyaritsie xe'inɨawatɨ Kakaɨyari, pamɨpariyutsi xe'ipitɨatɨ.

Mateu 5:13

»Xeme kwiepa memɨtama wa'una xekanihɨkɨtɨni. Xɨka 'una hamuritɨ 'ayani, ¿titakɨ ha'utsiwitɨ rayani? Pɨkatiyunaki'erieri, panuyewiwiyani xeikɨa, teɨteri hetsiena memu'uwanikɨ.

Temaiwawemete 10:21

Heitserie 'amuyeika niukieya hipame waɨkawa kaniwaparewieka, yakɨxeikɨa 'axamemɨteyurie meyutemamawietɨ kememɨteyurie yuwiniyaritsie mekanixɨrɨweni.

Nɨawari 119:46

Ne te'aitamete nepɨtiwataxatɨani 'a'aitsika hepaɨtsita, hawaikɨ nepɨkanetitewiya,

Nɨawari 105:2

Xekenekwikani, nɨawarieyakɨ xekeneyutemamawieka, naime mariweme kemɨtiuyuri mɨkɨ xeketenekuxatani.

Nɨawari 45:2

'Ekɨ tewi witsipemɨti'axexeiya pekanihɨkɨtɨni, witsipekatiniuxaxatani, Kakaɨyari 'aixɨa pɨmatsiyurie yuheyemekɨ.

Rukaxi 4:22

Yunaitɨ mekatenihekɨatakaitɨni me'i'enieka, mekanihɨxiyakaitɨni niuki witsimanuyɨne tetana mayeneikakaikɨ. Mɨpaɨ mekaniutiyuanekaitɨni: «¿'Ikɨ Kutse nu'aya katihɨkɨ?»

Nɨawari 119:13

Ne naime 'a'aitsika yanekatinikuxatani pemɨtatsi'uta'ɨkitɨa.

Nɨawari 66:16

Xeme xekenakɨni, Kakaɨyari xemɨmakaxe, xekeneu'enana, nepɨtixetaxatɨani mɨkɨ kemɨtiuyuri naime nehetsiemieme.

1 Kemɨtiuyɨ 16:24

Nuiwarite watsata xekenekuxatani witsikemɨ'ane, meta mariwemekɨ kemɨtiyuriene xekenekuxatani yunaime teɨteri watsata.

Hutarieka 'inɨari 11:19

Yuniwema xekeniwaruti'ɨkitɨa, yaxeketeniwakuxaxatɨwani yukie xemɨtitenitsie, kepauka huyeta xemuhunitsie, kepauka xemɨkahinitsie meta kepauka xemanuku'unitsie,

Mawari 2:13

Naime 'imikieritetsie xemiyetuirieni pɨti'unamatɨkani, hatsuaku xekakaɨyari tɨratuyatsie 'una heuyewetɨ pɨkahayeikani. Naime mɨkɨ 'imikierite pɨti'unamatɨkani.

'Etsekieri 43:24

Yawé hɨxie, meta mawari wewiwamete mekaniwati'unamakuni, mawari taiyariyari Yawé hetsiemieme mayanikɨ.