Kurutsetari 3:16 - Kakaɨyari Niukieya

¹⁶ Kɨritsitu niukieya xehetsie keheyekani waɨkawa, naimekɨ xetemaiwawekaku: Mɨkɨkɨ xeketeneyɨ'ɨkitɨaka meta xekeneyutuikani, Kakaɨyari kwikarieyakɨ, nɨawari Kakaɨyari hepaɨtsita manuyɨnekɨ, kwikari 'Iyaritsie timieme hepaɨtsita manuyɨnekɨ xeteyɨkɨhɨawetɨ, xekeneutikwikani, yu'iyaritsie xe'inɨawatɨ Kakaɨyari, pamɨpariyutsi xe'ipitɨatɨ.

Kurutsetari 3:16 ပူးပေါင်းရင်းမြစ်များ

Nɨawari 119:11

Ne'iyaritsie 'aniuki nepu'uta kapa 'ahetsiemieme 'axanetiuyurienikɨ.

'Epetsutari 5:19

Yuxexuitɨ xekeneyutuikani, nɨawari hepaɨtsita meta Kakaɨyari kwikarieyakɨ, kwikari 'Iyaritsie timieme hepaɨtsita manuyɨne xekeneutikwika, xe'inɨawatɨ Ti'aitame yu'iyaritsie.

Wani 15:7

Xɨka nehetsie xetewiyatɨ xeyuhayewa, xɨkari tita nemɨtikuxata xehetsie tiwiyatɨ yuhayewa, tita mɨtixenake xeketeneuta'iwau, mɨpaɨ katiniyɨmɨkɨ xehetsiemieme.

Xumatari 10:17

Tita mɨtiu'eni mi'axixɨkɨ, 'ayumieme tewi yuri pɨtiuta'eri, mɨpaɨ katini'enani, tita mɨtikuxaxatsiwa Kɨritsitu hepaɨtsita mi'axixɨkɨ.

1 Wani 2:24

Xeme tita xemɨte'u'eni tsutɨa paitɨ, xehetsie tiwiyatɨ keyuhayewani, xɨka xehetsie tiwiyatɨ 'uyuhayewa tita tsutɨa paitɨ xemɨte'u'eni, xemerita nu'ayatsie meta 'ukiyarieyatsie xetewiyatɨ xekaniyuhayewakuni.

Keremiyaxi 15:16

Kepauka 'aniuki nemukaxexeiyakai, ne nepitikwa'akai, mɨkɨ pɨnetemawierikatɨkai meta ne'iyari pɨtemawierikayatɨkai, kepemɨtitewakɨ nehetsie nematsihexeiyakɨ, Yawé, Kakaɨyari Naimekɨmɨtɨrɨkaɨye.

'Epetsutari 1:17

mɨpaɨ netinenenewietɨ, Tati'aitɨwame Ketsutsi Kɨritsitu Kakaɨyarieya, ta'ukiyari witsimɨ'ane, mɨpaɨ ketixepitɨaka yu'iyaritsie xemɨtemaiwawenikɨ, naitɨ mɨtimatsiɨkɨnikɨ xehetsiemieme xe'imaikaku.

Kuwi 23:12

'Aitsikateya tetana mayeneika nepɨka'uku'e'eiriwa, netaɨta paitɨ yemekɨ nepiti'utaxɨ niukiteya tetana mayenexɨa.

Tsatiyaku 3:17

Matsi taheima miemekɨ mɨtimaiwenikɨ mɨ'ayumieme naimekɨ kani'itiyaka, meta 'aixɨa pɨtixeiyarie, pɨtiyukanaki'erie, pɨtiyu'aitɨarinɨa, yuheyemekɨ pɨtiyukanenimaya, 'aixɨa pɨtiyuriene, 'uximayatsika kemɨreuyewetse, huta 'iyariyari pɨkahexeiya, meta yakɨ xeikɨa pɨkayɨane.

2 Wani 1:2

tita yuri mɨraine tahetsie mɨyekakɨ meta, mɨtatsiteɨtakɨ yuheyemekɨ:

2 Timuteu 3:15

Mɨpaɨ pepɨtimate nunutsiyari paitɨ pemɨtimaikaikɨ kemaine 'utɨarika xapayari mɨpatsie, mɨkɨ pɨyɨwe petimaiweme mɨmatsi'ayeitɨanikɨ pemɨtawikweitsitɨarienikɨ yuri peti'erietɨ, mɨpaɨ kemɨtiyɨwe Kɨritsitu Ketsutsi hetsie tiwiyatɨ.

Kurutsetari 1:9

Yatetehetimaika 'anapaitɨ hikɨke, tame 'ayumieme tepɨkatehayewa tetanenewietɨ xehetsiemieme, mɨpaɨ tete'iwawirietɨ Kakaɨyari, xemɨhɨpɨnenikɨ yaxetemaitɨ tita mɨtinake Kakaɨyari, naimekɨ xetemaiwawetɨ, 'Iyaritsie timieme xetemaitɨ naimekɨ,

Matsiɨkɨtɨ kemɨratɨa 5:9

Hikɨ kwikari hekwame mekaniutakwika mɨpaɨ me'utiyuatɨ: «'Aixɨa pepɨtiuka'iyari 'ahetsie mɨtinakenikɨ pemenuhurienikɨ xapa pemexɨnaxɨanikɨ tseyuyari, 'ekɨ pemumieriekɨ, 'axuriya mutayeurikɨ Kakaɨyaritsie mieme pepɨwarutinanai teɨteri pewaxɨnake, yunaime nuiwarite wahetsɨa miemete naime niukikɨ memutiniuka, naitsarie kwiepa kiekatari yunaime teɨteriyari wahetsɨa miemete.

1 Wani 2:27

Xemeri heitserie mɨkɨ kemɨtixe'upitɨa, mɨkɨ heitserie xemexeiya xehetsie tiwiyatɨ kaniyuhayewa, xeimeri xepɨkaheuyehɨwa mɨtixeti'ɨkitɨanikɨ. Mɨkɨ heitserie xemupitɨarie mɨkɨ hetsɨa mieme mɨtixe'ɨkitɨa hepaɨ naime hepaɨtsita, yuri maine, mɨkati'itawa, mɨtixe'uti'ɨkitɨa, mɨpaɨ hetsiena xetewiyatɨ xekeneyuhayewa.

Kurutsetari 4:6

Kexemɨtekuxata, 'aixɨa xete'u'iyaritɨ xeketenekuxatani 'aixɨa ha'anemekɨ, xeniuki kahamurimekɨ. 'Ana mɨpaɨ xepɨyɨwaweni kehepaɨ 'aixɨa mɨyɨni xemɨwata'eiyakɨ yuxexuime.

'Epetsutari 5:17

'Ayumieme 'atsimemɨkatemate wahepaɨ xepɨkayɨaka, matsi pɨta xekenemaika tita Ti'aitame mɨtinake.

Nɨawari 28:7

Yawé netɨrɨkariya kanihɨkɨtɨni meta nehetsie nunuwame, ne'iyari hetsiena katiniwiyani, mɨkɨ kaneniparewieka. Ne'iyari kaniutitsukwakani temawierikakɨ, ne'utakwitɨ pamɨpariyutsi nekanipitɨamɨkɨ.

Tsatiyaku 5:13

Xɨka xeme xewitɨ tiuka'eniwani, keyutanenewieni. Mexɨka xewitɨ yutemawieka, ke'utakwikani.

Nɨawari 71:23

Kepauka nɨawari 'ahetsiemieme nemɨtikwika neputahiwani neyutemawietɨ, 'ekɨtsɨ netukari pekaniutawikweitsitɨani.

Titu 3:6

Mɨkɨ 'Iyari kaniutatuani tahetsie waɨkawamekɨ temeixeiyanikɨ, tatsiwikweitsitɨwame Ketsutsi Kɨritsitu yatatiumiku.

1 Kurinitutari 14:26

¿Ne 'iwama kamɨtsɨ keri'aneni? Kepauka xemɨyukuxexeɨriwatsie, yuxexuitɨ matsi kwikari xekanexeiyani, yatɨni 'ɨkitɨarika, yatɨni xekaniha'aritsieka xemɨtehekɨatanikɨ tita xemɨte'uxeiyatsitɨarie, yatɨni hipame niukiyaritekɨ xemɨtiniunikɨ, yatɨni xemɨtehekɨatanikɨ tita mɨtikuxaxatsiwa hipame niukiyaritekɨ tikuxaxatsiwakaku.

Tsatiyaku 1:5

Mexɨka xeme xewitɨ mɨtimaiwenikɨ reiyehɨaka, Kakaɨyari ke'utawawirieni, mɨkɨ katinayetuiriemɨkɨ, matsi Kakaɨyari yunaime katiniwamikwani 'aixɨa 'anekamekɨ nixeime tɨma 'axakatixeiyatɨ.

Kurutsetari 1:28

Tame tekanihekɨatani Kɨritsitu, ketemɨtewaku'imaiya yunaime teɨteri, ketemɨtewa'ɨkitɨa yunaime teɨteri tetemaiwawetɨ naimekɨ, temɨwaraye'atɨanikɨ yunaime teɨteri me'aye'arɨkame Kɨritsitu hetsie metewiyame.

Nɨawari 32:7

'Ekɨ nehetsie nunuwame pepɨhɨkɨ, 'ekɨ netsi'ɨwiyame pepɨhɨkɨ kepauka nemɨyekweriwa'itɨariene, 'ana kwikari pekanenipitɨamɨkɨ kenemɨrayu'iwaxɨ hetsiemieme.

Nehemiyaxi 12:46

Mɨixa wiyari panuyemie kepauka Rawiri muyeikakaitsie meta 'Atsahapi, 'ana mepɨte'ukatsutɨa mewarexeiyatɨ kwikamete wa'ukiyarima, nɨawari memutikwika meta pamɨpariyutsi memipitɨa Kakaɨyari.

1 Te'aitamete 3:28

Yunaitɨ mekatenetimani 'ixaheritsixi teɨteriyari, kemɨtiwarunɨtsiri mɨkɨ 'ukari, mariweme menayeitɨakaitɨni, metemaitɨ Kakaɨyari mɨtimaiwenikɨ mipitɨakaikɨ heitserie hipame muwapitɨakakɨ.

Matsiɨkɨtɨ kemɨratɨa 15:3

meta Muitsexi nɨawarieya mekwikatɨ Kakaɨyari ti'uximayatsiriwame, meta Muxa nɨawarieya: «Pepɨmariwe meta 'a'uximayatsika pɨtiyuhɨxiyatsitɨwa, Ti'aitame, Kakaɨyari Naimekɨmɨtɨrɨkaɨye. Heitseriemekɨ meta 'ahuye kaniyuritɨni, nuiwarite Tiwa'aitɨwame.

1 Wani 2:14

Xeme xemɨwapaapama nepɨtixe'uta'utɨiri, xemeitimakɨ mɨkɨ tsutɨapai 'amuyeika. Temari nepɨtixe'uta'utɨiri, xemɨtɨrɨkawikɨ, Kakaɨyari niukieya xehetsie mɨtiwiyakɨ, meta 'axamɨtiyuriene xema'iwaxɨkɨ.

1 Timuteu 6:17

Mɨpaɨ ketiniwa'aitɨaka mɨkɨ memeuka'u hikɨ kwiepa, mepɨkateyukatawe'erieka, yuri mepɨkate'erieka yupinitsie, 'atsimɨkatimatsiɨkɨkɨ xɨka xuawekamɨkɨ, matsi yuri mekete'erieka Kakaɨyari hetsie pɨta, mɨkɨ naime pɨtatipitɨa yemekɨ matsi temɨtatemamawiekakɨ.

2 Tetsarunikatari 3:15

Xepɨkateku'eriwani hepaɨtsitana xemɨteku'eriwa hepaɨ kemɨ'ane mɨxe'aye'unie hepaɨtsita, matsi xekene'imaiyani xemi'imaiya hepaɨ yu'iwa pɨta.

1 Tetsarunikatari 4:18

'Ayumieme xekeneyunɨtɨaka yuxexuitɨ 'ikɨ niukikɨ.

1 Kurinitutari 14:15

¿Kamɨtsɨ kenetiyurieni? Ne'iyarikɨ nepɨnenenewieka, peru yanetinemaitɨta kenemutaine, mɨpaɨta nekatininenenewiekamɨkɨ. Ne'iyarikɨ nekanitakwikamɨkɨ, peru yanetinemaitɨtatsiere kenemutaine.

Mateu 26:30

Hikɨ nɨawari Kakaɨyari hetsɨa mieme me'utikwikaka, mekanekɨne yemuritsie Huriwu Mati'u.

Temaiwawemete 14:8

Mɨtimaiwe yapɨtimate kemɨtiyurieni ke'anemekɨ mumieni, matsi mɨkatimaiwe yukɨmana puyukwamana.

Nɨawari 138:1

Yawé, ne ne'iyarikɨ nepɨmetsinɨawani, meta nepɨkwikani nɨawari 'ahetsiemieme kakaɨyarixi wahɨxie.

Nɨawari 119:54

'A'aitsika nekwikari pɨhɨkɨ, 'ena yapaɨmexɨa nemanuyeikatsie.

Xumatari 15:14

Neri yuri nepɨti'erie ne'iwama xehepaɨtsita, kename yɨkɨmana xehɨpɨne 'aixɨa xeteyurietɨ, kename naime xetemate, kename xeyɨwawe xemɨyu'imaiyanikɨ.

Rukaxi 2:51

Hikɨ wahamatɨa kaneyani, Natsareti mekaneta'axɨani, kememaitɨkatei yakatinikamiekaitɨni. Maamaya yu'iyaritsie ni'ɨwiyakaitɨni 'ikɨ naime.

1 Kemɨtiuyɨ 25:7

Mɨkɨ huta tsienituyari heimana nauka tewiyari heimana 'atahaika (288) mepɨyupaɨmekai yunaitɨ, mɨkɨ mepɨte'uti'ɨkitɨariekai Yawé hetsiemieme kwikamete memɨhɨkɨtɨnikɨ.

Kitsariyaxi 10:2

Tixaɨ memɨkatehexeiya wahetsie heitserie kememɨtehexeiya memukunama, meta kemɨtiheitserie memɨkawapitɨa neteɨterima memɨte'uka'eniwa. Wiuraxi wa'ikwai mepɨtewanawairie meta nutuite mepɨwanawatɨwe.

Matsiɨkɨtɨ kemɨratɨa 19:10

Hikɨ hetɨana nekaniutihɨximakeni nenewieri ne'ipitɨanike. Mɨkɨ matsi mɨpaɨ pɨnetiutahɨawixɨ: «Tixaɨ yumarima. 'Ahepaɨ ne nekatini'uximayatametɨni, 'a'iwama memɨyuhekɨata Ketsutsi hetsɨa memiemetetɨtɨ wahepaɨ nepɨti'uximayatame. Kakaɨyari xeikɨa nenewieri kenepitɨaka. Kemɨ'ane mɨyuhekɨata Ketsutsi hetsɨa miemetɨtɨ, mɨkɨ 'iyari kanexeiyani katinihekɨatani».

Kitsariyaxi 30:29

Xeme xeputikwikani patsiekamekɨ memuyukuxexeɨriwa tɨkariyaritsie hepaɨ, xe'iyarite puyutemamawieka, kepauka xewitɨ manutiyani pirikɨxa 'uhɨtsieximetɨ hepaɨ Yawé hɨrieyatsie, 'Ixaheri 'Aiya hetsie.

Kitsariyaxi 26:1

'Iya tukaritsie 'ikɨ kwikari pɨtakwikarieni Kura kwieyaritsie: «Kiekari tepexeiya tɨrɨkaɨyeme. Kuraru 'amatayewa hepaɨ, tahetsie nunuwame hepaɨ, Kakaɨyari yuwikweitsitɨarika pɨyetua.

Kitsariyaxi 5:1

Nepɨtakwika nehamiku nemɨnaki'erie hetsiemieme kaxie haraweriyari nɨawariyari hepaɨtsita. Nehamiku kwinimieme nemɨtinaki'erie kaxie haraweri xeime pexeiyakai 'ukakɨakaku 'aixɨa tiuxuaweriwekaku.

Kwikari 1:1

Tsarumuni kwikarieya xapayari.

Matsiɨkɨtɨ kemɨratɨa 14:3

Kwikari mɨhekwa mekanikwikakaitɨni 'uweni hɨxie meti'utɨ, yunaukatɨ memayeneniere wahɨxie, meta 'ukirawetsixi wahɨxie. Xewitɨ pɨkayɨwekai meitimanikɨ mɨkɨ kwikari, mɨkɨ xeitsienituyari heimana huta tewiyari heimana nauka miriyari memɨyupaɨmekai xeikɨa mepimaikai, keyupaɨmetɨ memutixɨnarie me'utinanaiyaka kwiepa memɨtama watsata.

Temaiwawemete 18:1

Kemɨ'ane yuxaɨtame xeikɨa mayu'eriwa yuhetsiemieme xeikɨa pɨtikuwaune, naime 'ɨxatsi 'aixɨa mɨ'ane hepaɨtsita puyeha'arɨwe.

'Epetsutari 5:26

Yuhetsiemieme mɨwapatakɨ mɨpaɨ katiniuyurieni, wa'itietɨ hakɨ niukikɨ.

1 Tetsarunikatari 1:8

Xehetsɨa putiraurɨka Ti'aitame niukieya, Kakaɨyari hetsie yuri kexemɨte'erie xeme, Matseruniyatsie 'Akaiyatsie xeikɨa pɨkatikuxaxatsiwa, matsi naitsarie katinikuxaxatsiwani, 'ayumieme tixaɨri pɨkareuyewetse tame temɨtiniunikɨ.