Kurutsetari 1:17 - Kakaɨyari Niukieya

¹⁷ Mɨkɨ 'akaniuyeikakaitɨni tixaɨtɨ katinetɨariewekaku 'akuxi, naitɨ katiniyuxewini mɨkɨtsie tiwiyatɨ.

Kurutsetari 1:17 ပူးပေါင်းရင်းမြစ်များ

Hepɨrayutsixi 1:3

Mɨkɨ hetsie Kakaɨyari kemɨtixawatɨ kanimatsiɨkɨni meta kemɨtimariwe, Kakaɨyari kani'inɨarieyatɨni kaniyuritɨni. Naime meta pɨratɨkɨ yuniuki mɨtɨrɨkaɨyekɨ, mɨkɨ yɨkɨmana 'aixɨa 'iyurieka tita 'axatemɨte'uyuri hepaɨtsita mɨtatsi'itienikɨ, 'ana kemɨ'ane mɨmariwe tserieta kanayerɨni muyuawitsie.

1 Kurinitutari 8:6

matsi tame ketemɨtemate, Kakaɨyari kaniyuxewini ta'ukiyaritɨtɨ. Naitɨ hetsiena katinayeneikani, tame hetsiena mieme tekani'ayumiemetetɨni. Ti'aitameta kaniyuxewini Ketsutsi Kɨritsitu hɨkɨtɨtɨ. Naitɨ katiniunetɨarieni mɨkɨ 'inetɨaku, tameta tekanayeneniereni mɨkɨ tatsi'unetɨaku.

Nɨ'ariekate 17:28

“Mɨkɨtsie tetewiyatɨ tekanayeneniereni, tekanikuyuaneni meta tekaniu'uwani”. Mɨpaɨ kememutiyuane hepaɨ hipatɨ teyɨnɨnɨawamete xehetsɨa miemete: “Mɨkɨ tame nuiwarimama tepɨhɨkɨ, me'utiyuatɨ”.

Wani 17:5

Hikɨri ne'ukiyari, 'ahetsɨa witsine'aneme kenenayeitɨa, witsinemɨ'anekai hepaɨ kwie kaxuawekaku 'akuxi.

Wani 8:58

Ketsutsi mɨpaɨ katiniwarutahɨawe: —Yurikɨ mɨpaɨ nekanaineni, 'Apɨrahami katinuiwawekaku 'akuxi, 'anekaniuyeikani ne.

Matsiɨkɨtɨ kemɨratɨa 1:8

Ti'aitame Kakaɨyari mɨpaɨ kanaineni: «Ne Mexɨakame meta 'Imatɨreme nekanihɨkɨtɨni, kemɨ'ane mitsutɨa meta minɨni, kemɨ'ane 'amuyeika, kemɨ'ane mɨhɨkɨ meta 'umamie Naimekɨmɨtɨrɨkaɨye, nekanihɨkɨtɨni».

Kurutsetari 1:15

Tepɨkayɨwawe temixeiyakɨ Kakaɨyari, peru mɨkɨ kani'ɨkitsikayatɨni, kanimexɨakametɨni heitserie hexeiyatɨ tita mɨtiunetɨarie hepaɨtsita.

Kitsariyaxi 44:6

»Yawé mɨpaɨ kanaineni, Yawé Naimekɨmɨtɨrɨkaɨye, 'Ixaheri ti'aitameya meta 'iwikweitsitɨwame: “Ne mexɨakame nekanihɨkɨtɨni meta 'imatɨreme netɨhɨkɨ, tawarita xewitɨ kakaɨyaritɨtɨ kaniumaweni.

Nɨawari 75:3

Kepauka kwie mutayuane meta teɨterimama yunaitɨ, ne nekanihɨkɨtɨni 'aixɨa nemikuyuruwa».

Matsiɨkɨtɨ kemɨratɨa 1:17

Kepauka nemixei, hetɨana nekaniukaweni nemumɨni hepaɨ ne'anetɨ, mɨkɨ yutseriekɨ nehetsie kaneutimeni mɨpaɨ 'utaitɨ: «Pepɨkamaka. Ne mexɨakame meta 'imatɨreme nekanihɨkɨtɨni,

Hepɨrayutsixi 13:8

Ketsutsi Kɨritsitu meripaitɨ hikɨta yaxeikɨa kani'aneni, tsepanetɨ xeitsienitu wiyari manuyekɨka.

Matsiɨkɨtɨ kemɨratɨa 2:8

»Mɨpaɨ ketineu'utɨiri niuki tuayame 'Etsimirɨnatsie memɨyutixexeɨriwa wahetsiemieme: Mɨpaɨ kanaineni kemɨ'ane Mexɨakame meta 'Imatɨreme mɨhɨkɨ, meta kemɨ'ane mumɨkai manutanierixɨta:

Mikeyaxi 5:2

Matsi 'ekɨ, Wereni 'Epɨrata, kiekari 'etsipemɨyewa Kura nuiwarimama watsata, 'ahetsie pɨyeyani 'Ixaheritsie mɨtita'aita, tsutɨa paitɨ kiekatari puwanuiwari, watukari mɨka'inɨari.

1 Tsamuheri 2:8

Mɨkɨ tumuanaritsata haweri mɨ'ane kananukuketɨwani, tixaɨ mɨkarexeiya xatsipa kanayehana, 'aixɨa mɨtiyenikɨ te'aitamete watsata meta miyetuirienikɨ 'uweni mariweme witsi'anekame. »Yawé kwie tsutɨmeyari katinipiinieyatɨni. Mɨkɨ hetsie kwie kaniukamani.

Matsiɨkɨtɨ kemɨratɨa 1:11

Mɨpaɨ kaniutayɨni: «Tita pemɨtixeiya xapatsie ketinaka'utɨa, meta keneutanɨ'axɨa 'atahuta kiekariyari memɨyutixexeɨriwa wahetsɨa: 'Epetsutsie, 'Etsimirɨnatsie, Perɨkamutsie, Tiyatiratsie, Tsarɨtixitsie, Piratepiyatsie meta Rautitseyatsie».