Kurutsetari 1:16 - Kakaɨyari Niukieya

¹⁶ Hetsiena tiwiyatɨ, naitɨ katiniunetɨarieni, tita taheima mɨtimieme, tita kwiepa mɨtimieme, tita temɨtexeiya, tita temɨkatexeiya, meta mamariwawemete, mɨkɨ memɨtɨrɨkawi, te'aitamete, mɨkɨ heitserie memexeiya: mɨkɨ naitɨ katiniunetɨarieni 'iya 'inetɨaku, hetsiena mieme tiniunetɨarienita.

Kurutsetari 1:16 ပူးပေါင်းရင်းမြစ်များ

Xumatari 11:36

Naitɨ hetsɨana katinayeneikani, 'akatiniuweni mɨkɨ tikuyuitɨwakaku, meta hetsiena katinimiemetɨni. Mɨkɨ 'aixɨa ketikuxaxatsiwani yuheyemekɨ. Mɨpaɨ xeikɨa kani'aneni.

Wani 1:3

Naitɨ katiniuneni mɨkɨ 'inetɨaku, xɨka mɨkɨ ka'inetɨanike, pɨkanenikeyu nixewitɨ.

1 Kurinitutari 8:6

matsi tame ketemɨtemate, Kakaɨyari kaniyuxewini ta'ukiyaritɨtɨ. Naitɨ hetsiena katinayeneikani, tame hetsiena mieme tekani'ayumiemetetɨni. Ti'aitameta kaniyuxewini Ketsutsi Kɨritsitu hɨkɨtɨtɨ. Naitɨ katiniunetɨarieni mɨkɨ 'inetɨaku, tameta tekanayeneniereni mɨkɨ tatsi'unetɨaku.

Hepɨrayutsixi 2:10

Mɨkɨ naime katiniutsutɨani, 'inetɨaku katiniuneni naitɨ, 'aixɨa katiniuyurieni Kakaɨyari, warawitɨtɨ yumɨireme yuniwema witsime'anenetɨ memakɨnekɨ, meye'atɨakɨ kemɨ'ane mitsutɨa memɨtawikweitsitɨarienikɨ, yatipitɨatɨ mɨtikwinekɨ para maye'anikɨ.

1 Kemɨtiuyɨ 29:11

'Ekɨ Yawé katini'apinitɨni, kepemɨtimariwe meta kepemɨtitɨrɨkaɨye, witsikepemɨ'ane, kepemɨrayu'iwa meta kepemɨti'aitame. Naitɨ katini'apinitɨni ketipaɨmetɨ mɨtixuawe muyuawitsie meta kwiepa. Yaxeikɨata 'ekɨ xeikɨa pekatini'aitametɨni, 'ekɨ yunaime waheima pekatini'aitani.

Hepɨrayutsixi 1:2

Hikɨ tukari taparirɨmekaku pɨtatiutaxatɨa tame, kemɨ'ane nu'aya mɨhɨkɨ pɨta yatikuxatakaku. Mɨkɨ yuniwe kaniukayeni hetsiena mɨtinakenikɨ naitɨ, mɨkɨ hetsie Kakaɨyari tita 'amɨtikuma katiniunetɨani.

'Epetsutari 1:10

Mɨpaɨ katinaye'atɨanikekaitɨni kepauka tukari 'aixɨa mɨ'ane maye'anikekai, nitaxewiriyakekaitɨni naime Kɨritsitu hetsie tiwiyakame, naime taheima mieme kwiepa mieme.

Kitsariyaxi 44:24

«Yawé mɨpaɨ kanaineni, Metsiwikweitsitɨwame, kemɨ'ane 'amaamatsie mɨmetsikaye: »“Ne Yawé nekanihɨkɨtɨni, naime mɨtiutiwewi, ne nexaɨta muyuawi 'anekaniuyemani meta kwie 'anekanikumani. ¿Kemɨ'ane 'ana nehamatɨa puyeikakai?

Temaiwawemete 16:4

Yawé naime kemɨtiyuriene yatimaitɨ pɨtiyuriene, meta 'axatiyuruwame putawewi 'imatɨrieka tukaritsie mutika'eniexɨanikɨ.

Kurutsetari 1:15

Tepɨkayɨwawe temixeiyakɨ Kakaɨyari, peru mɨkɨ kani'ɨkitsikayatɨni, kanimexɨakametɨni heitserie hexeiyatɨ tita mɨtiunetɨarie hepaɨtsita.

Kurutsetari 2:10

Xemeta hetsiena xetewiyatɨ xekanaye'atɨarieni, yunaitɨ memɨte'aita heitserie memexeiya kaniwamu'utɨni.

Kitsariyaxi 43:21

neteɨterima nehetsiemieme nemuwarutawewi, memɨnetsinɨawanikɨ naitsarie.

Hutarieka 'inɨari 4:39

»Mɨpaɨ ketinetimati meta yurikɨ Yawé Kakaɨyari kenayeitɨwani taheima muyuawitsie meta 'ena kwiepa, meta kename tawarita xewitɨ ka'uyeika.

Piriputari 2:10

'Uxa'atɨni warie kepauka Ketsutsi mɨtahɨawarieni kemɨ'ane mɨhɨkɨ, mɨpaɨ kemɨtimariwa, 'ana yunaitɨ mekanikatunuma'uikuni nenewieri mekanipitɨakuni, taheima memɨtama, kwiepa memɨtama, meta kwie hetɨa memɨtama,

Kurutsetari 1:20

Mɨpaɨta katiniuyuwaɨriya, naime 'aixɨa mɨtiyurienikɨ Kɨritsitu yatiyurienekaku, para naitɨ 'aixɨa mɨtixeiyarienikɨ mɨkɨ kemɨtixeiya, kuruxitsie yuxuriya kemɨtiutayeuri, pipitɨa tita kwiepa mɨtimieme tita taheima mɨtimieme hamatɨana 'aixɨa memɨteyuxeiyanikɨ.

1 Pekuru 3:22

Mɨkɨ Kakaɨyari tserieta 'apuwe muyuawitsie paitɨ heyaka, niuki tuayamete, heitserie hexeiyamete meta tɨrɨkariya hexeiyamete yunaitɨ yamepɨtekahu kemaine.

Kurutsetari 2:15

'Ixuriki mɨye'i hepaɨ kaniwarewiwieni mɨkɨ memɨte'aita heitserie memexeiya, wahekɨatɨatɨ yunaime wahɨxie, kuruxitsie 'uyewietɨ, kaniwarehapani yu'utɨma, wara'iwaka.

'Epetsutari 6:12

Tameri teɨteri tewaraye'unietɨ tepɨkatakwitɨwe. Matsi te'aitamete, heitserie hexeiyamete, mɨkɨ memɨte'aita 'ena yɨwipa naitsarie kwiepa, 'iyarite memɨyukwitɨwe tita 'axamɨti'anetsie mieme muyuawitsie memuxuawe, mɨkɨ tewaraye'unietɨ pɨta tepɨtakwitɨwe.

Xumatari 8:38

Ne mɨpaɨ nepɨtinemate, tsepa temɨkwi, tsepa temayeneniere, tsepa niuki tuayamete, tsepa te'aitamete memɨyɨaka, tsepa tita hikɨ mɨtimieme, tsepa tita 'uxa'atɨni mɨtimieme, tsepa memɨtɨrɨkawi,

Nehemiyaxi 9:6

»'Ekɨ xeikɨa Yawé pepɨhɨkɨ. 'Ekɨ muyuawi peputawewi, naime muyuawi kemɨyewa xurawetsixi warexeiyakame. 'Ekɨ tukari pepɨwapitɨa tita pemɨtiutawewi: kwie meta haramara yunaime mana memɨtexuawe. 'Ayumieme xurawetsixi muyuawitsie miemete 'ahɨxie mepukahɨxima'uwe.

Wani 1:10

Kwiepa kaniuyeikakaitɨni, kwie kaniuneni mɨkɨ 'inetɨaku, matsi kwiepa memɨtama mepɨkaheitima.

Xumatari 9:5

Tapaapama mepɨwa'ukiyarima, watsatata kanimiemetɨni kemɨ'ane heitserie mupitɨarie Kɨritsitu hɨkɨtɨtɨ, kemɨtiunuiwaxɨ. Mɨkɨ naime ti'aitame Kakaɨyari kanihɨkɨtɨni. 'Aixɨa ketikuxaxatsiwani yuheyemekɨ. Mɨpaɨ xeikɨa pɨ'ane.