Kura 1:9 - Kakaɨyari Niukieya

⁹ Mɨkɨ Miyeri niuki tuayamete tiwa'aitɨwame mɨhɨkɨ, kepauka Kauyumarie hamatɨa mɨkɨ niuki memɨxɨatɨakai Muitsexi kaxarieya hepaɨtsita, mɨkɨ pɨkayuwaɨriyakai 'axamɨtitahɨawekɨ Kauyumarie hetsie tiuhɨpatɨ, matsi mɨpaɨ kaniutayɨni: «Ti'aitame kematsi'utatieni».

Kura 1:9 ပူးပေါင်းရင်းမြစ်များ

Tsakariyaxi 3:2

Niuki tuayame Yawé hetsɨa mieme Kauyumarie mɨpaɨ katiniutahɨawe: «Yawé kemetsi'utatieni, Kerutsareme manayexei. Yawé kematsi'utatieni, Kauyumarie. 'Ikɨ tewi kɨye taxɨximetɨ taipa manayehanie hepaɨ kaniuyɨni».

2 Pekuru 2:11

Taheima miemete niuki tuayamete tsepa matsi kwini mieme memɨmamariwawe meyɨwawetɨ metɨrɨkawitɨ, peru mɨkɨ mepɨkawatsewixima kepauka yamemutiyua, mewaxanetatɨ mɨya memɨ'anene Ti'aitame hɨxie.

Matsiɨkɨtɨ kemɨratɨa 12:7

'Ana kuyaxa kaniutaweni muyuawitsie: Miyeri meta niuki tuayamete yunaitɨ mekanitsutɨani kuu 'amɨtimariwe memietɨwetɨ. Kuu 'amɨtimariwe kaniyumienekaitɨni, meta niuki tuayametemama hepaɨna,

Tanieri 12:1

»”Hikɨ Miyeri kaninuamɨkɨ, ti'aitame mɨmariwe 'ateɨterima wa'ɨwiyame. Yapaɨmexɨa tukari 'uximatɨarika kanitixuawerimɨkɨ, hatsuaku mɨkatiyɨwe hepaɨ nuiwarite memuyukama tsiepaitɨtɨ. 'Ateɨterima mekanitawikweitsitɨariekuni, xapatsie memaye'uxa kememɨtetetewa,

Hutarieka 'inɨari 34:6

Meta mana kaniukateukieni Muhawi kwieyaritsie, Weti-Pehuxi mayeweri 'anutaɨyetsie, peru hikɨ xewitɨ 'atsipɨkatimate hakewa mekateukie.

Tanieri 10:21

Peru neuxei, yanekametinitaxatɨamɨkɨ kemɨre'uxa yuri maine xapayaritsie. Kenemɨtinetamieni mɨkɨ wahamatɨa, Miyeri xeikɨa netsiparewiekaku nekaniyɨweni, mɨkɨ xeikɨa xeme mɨxe'ɨwiya kanihɨkɨtɨni.

Tanieri 10:13

Xeitewiyari heimana xewi tukari Peritsiya kwieyaritsie ti'ɨwiyame pɨkanetsi'utanaki'eri, peru 'ayumieme Miyeri pɨnetsi'uparewi kanekuyeixɨani, mɨkɨ xewitɨ te'ɨwiyamete watsata waɨkawa meuyewetse kanihɨkɨtɨni. Mana nepunehayewaxɨ, Peritsiyatsie te'aitamete wahamatɨa.

1 Pekuru 3:9

'Axaxete'upitɨarieme 'axaxepɨkawayurieni, 'axaxete'utahɨawarieme 'axaxepɨkatewakɨhɨaweni, matsitsɨ xekeneutawawiri Kakaɨyari 'aixɨa memɨ'itɨarienikɨ pɨta, 'ayumieme xeputa'inierie, xehetsie mɨtinakenikɨ 'aixɨa xemɨ'itɨarienikɨ.

1 Tetsarunikatari 4:16

Mɨkɨ Ti'aitame taheima pakaneni 'utaniutɨ ti'aitatɨ, niuki tuayamete tiwa'aitɨwame 'utaniukakaku, Kakaɨyari kuxinetaya hɨtsiriekaku, mɨkɨ memeukutsixɨa Kɨritsitu hetsie metewiyatɨ mekananuku'uikuni meri.

Marikuxi 15:29

Hikɨ mana memuyekɨkakai 'axamekatenikuhɨawekaitɨni, yumu'u me'utitsiketɨ, mɨpaɨ me'utiyuatɨ: —'E'e, 'ekɨ tuki pemɨka'unakekai, meta haika tukari 'anukayayu hekwame pemɨtawewienikekai.

Memeyekɨ 22:28

»'Axapepɨka'utaineni Kakaɨyari hepaɨtsita, meta 'axapepɨkarenutahɨaweni teɨteri wahetsiemieme manuyeka.

1 Kemɨtiuyɨ 12:17

Rawiri kanayeyani waranukunakeke mɨpaɨ katiniwarutahɨawe: ―Xɨka 'aixɨa 'anemekɨ xekɨyɨaka xenetsiparewienike nekanixetanaki'erimɨkɨ, peru xɨka xenetsi'aye'unietɨ xeyɨaka xenetsiyetuanike, ta'ukiyarima wakakaɨyari yakeretimani meta ketiwarukwinitɨani, netsɨ tiyumiekame nepɨkahɨkɨ.