Kura 1:7 - Kakaɨyari Niukieya

⁷ Yaxeikɨata Tsuruma meta Kumuxa meta kiekarite 'auriena mamanetɨkatei, 'inɨari memakɨnekɨ memari'itɨarietɨwetɨ, mete'uka'eniexɨaka taipa yuheyemekɨ mɨtaiwetsie, 'amemu'uwakaikɨ mɨkɨ mewakumaɨwatɨ kemɨ'ane mɨkawa'ɨyatɨkai mɨkawakɨnatɨkai, me'ikumaɨwatɨ titakɨ memɨteyutsewiximakai.

Kura 1:7 ပူးပေါင်းရင်းမြစ်များ

Hutarieka 'inɨari 29:23

Mɨkɨ naitɨ pɨreuyeweni 'una pɨhɨkɨtɨni wakwie hatsiwitɨ 'u'ekatɨ, mana muyeikani pɨkayɨweni, mana mɨtiuka'eni pɨkayɨweni, mana mɨtitiwere pɨkayɨweni, meta tupiriya tɨma pɨkatineni. Kemɨtiɨyɨ kepauka Yawé mɨwaruka'unaxɨ Tsuruma kiekariyari meta Kumuxa, 'Arimaha meta Tsewuhini.

2 Pekuru 2:6

Mɨkɨ meta, 'uximatɨarika kaniwarupitɨani memɨka'unarienikɨ Tsurumatsie Kumuxatsie kiekatari, naxi kanayeitɨani wakiekarite, 'inɨari kaniwarayeitɨani, mɨkɨ 'arike 'amemu'uwanikekai Kakaɨyari meka'ayexeiyatɨ memɨwara'eriwanikɨ kememɨte'anayekɨ.

Tsutɨarika 18:20

Hikɨ 'ayumieme Yawé 'Apɨrahami mɨpaɨ katiniutahɨawe: —Nepɨka'inewieri hiwerika Tsuruma Kumuxa wahepaɨtsita mieme, waɨkawa 'axamepɨteyurie.

Rukaxi 17:29

Tukari 'aye'aku kepauka Ruti meyetɨa Tsurumatsie, 'ana muyuawitsie tai 'atsupɨreyari kaniukawiye, yunaime kaniwareuyehɨani.

Mateu 25:41

»Hikɨ mɨpaɨ pɨtiwatahɨaweta mɨkɨ 'utatana memɨti'uka: “Xekenehu nehetsɨa xepɨkayuhayewani, xeme haxɨa xehetsie pɨtiunakixɨ, tai yuheyeme mɨta'atsie xekenehu Kauyumarie hetsiemieme meta niuki tuayametemama wahetsiemieme mukuha'aritsietsie.

Keremiyaxi 50:40

Kepauka Tsuruma meta Kumuxa Kakaɨyari mika'unaxɨ hepaɨ raku'anetɨ payani, meta kiekarite 'auriena mamanetɨkatei, Mana nixewitɨ pɨkayutakiitɨani, nixewitɨ tewi mana pɨkatayerɨni —Yawé mɨpaɨ kanaineni—.

Tsutɨarika 13:13

Teɨteri Tsuruma kiekatari 'axamekateniu'iyarikaitɨni, Yawé hepaɨtsita waɨkawa 'axamɨti'ane mekateniyuriekaitɨni.

1 Kurinitutari 6:9

Mɨpaɨ xekatemate, mɨkɨ 'axamemɨteyurie wahetsie pɨkatinakeni memaye'axɨanikɨ Kakaɨyari tiwa'aitɨwame mayanikɨ. Xepɨkateyu'irɨwiyaniri. Xɨka 'ikumaɨwani kemɨ'ane mɨkayɨ'ɨya mɨkayɨkɨna, tetexi xɨka warayexeiyani, xɨka 'ikumaɨwani xeime 'ɨyaya, kɨnaya, xɨka 'ukitɨtɨ 'ukari wahepaɨ yɨaneni, 'ukitɨtɨ xɨka 'ikumaɨwani xeime 'uki,

Kitsariyaxi 1:9

Xɨka Yawé Naimekɨmɨtɨrɨkaɨye hipame kawaruhayewake me'ayeneniereme, hikɨ xɨari Tsuruma hepaɨ pɨraku'anenike, meta xɨari Kumuxa hepaɨ tepauyewenike.

'Amuxi 4:11

»Ne nepɨxe'uka'unaxɨ Tsuruma meta Kumuxa hepaɨ, tɨɨyari xeikɨa xepuyuhayewaxɨ tai mihayewaxɨ hepaɨ. Mɨyatɨtɨ, xeme xepɨkanetsi'aye'eri ―Yawé mɨpaɨ kanaineni―.

Tsutɨarika 19:5

Ruti mekanewaye'inieni, mɨpaɨ mekatenitahɨawe: —¿Hakewari 'ukitsi memu'axɨa 'akie metihenike? Keniwarayenɨ'a. Tame wahamatɨa tepɨkahini.

2 Pekuru 3:7

Mɨkɨ mɨpaɨ mutayɨkɨ, hikɨ mieme muyuawi meta kwie kani'ɨwiyarieka mɨtataiyarienikɨ, tukari 'aye'ayu kepauka teɨteri memɨkaheyexeiya Kakaɨyari memɨta'iwawiyarieni memɨtatɨmaiyarieni.

'Utseyaxi 11:8

»'Epɨrahini, nepɨkayɨwe nemetsiyetuani. 'Ixaheri, nepɨkayɨwe nemetsi'uku'eirieni. Ne nepɨkayɨwe nemetsiyetuani 'Arimaha kenemɨtiyetua hepaɨ. Ne nepɨkayɨwe nemetsi'uku'eirieni Tsewuhini hepaɨ. Netaɨta, ne'iyari pɨkarexeiya, metatsiere nekwinurite panukuyuane.

Kitsariyaxi 13:19

Wawiruniya, witsimɨtiyuxexeiya te'aitamete wahetsiemieme, karireutsixi memiheiwe'erie meta memuyuta'ɨrenikɨ mɨ'ayumieme, Tsuruma meta Kumuxa wahepaɨ katinanuyeyeimɨkɨ kepauka mɨkɨ Kakaɨyari mɨwaruka'unaxɨ.

Mateu 11:24

Peru mɨpaɨ nepɨxerahɨawe, Tsuruma kiekatari tukari 'aye'ayu kepauka 'itsɨkame mɨwatahɨawe 'etsiwa xeikɨa mekatenikwinitɨariekuni, xeme waɨkawa matsi xekatenikwinitɨariekuni».

Keremiyaxi 20:16

Yawé kiekarite kemɨtiuka'unaxɨ kawareunenimayatɨ mɨpaɨ ke'u'itɨarieni mɨkɨ tewi. Hiwarika ximeri ke'enieka meta tuka mɨrayukwine hiwariyari.

Hiwerika 4:6

Ke'axamemɨte'uyuri Tsurumatari matsi kwinimieme 'axamepɨte'uyuri Kerutsareme kiekatari, yapauka kaniuka'unarieni, nixewitɨ pɨka'iparewi.

Kitsariyaxi 33:14

'Axateyuruwamete Tsiyuni hetsie mekanimamaka, kwie mutayuane 'axateyuruwamete kaniwaranuku'axikeni: «¿Kemɨ'ane tame pɨyɨwe taipa mɨkiekametɨnikɨ mɨtiyɨxɨtsitɨwatsie? ¿Kemɨ'ane tame pɨyɨwe yuheyemekɨ mukuma nerɨkwari tsata mukiekametɨnikɨ?»

1 Te'aitamete 22:46

Kaniwarayeweiya mɨkɨ kwieyaritsie kakaɨyarixi mewarayexeiyatɨ yuhamatɨa memukahipitekai tuminikɨ, mɨkɨ mana mekaniyuhayewatɨwekaitɨni kepauka paapaya mɨti'aitakai 'Atsá.

Mateu 10:15

Yurikɨ mɨpaɨ nepɨxerahɨawe, tukari 'aye'ayu kepauka 'itsɨkame mɨwatahɨawe, Tsurumatari meta Kumuxatari 'etsiwa xeikɨa mekatenikwinitɨariekuni, peru mana kiekatari waɨkawa matsi mekatenikwinitɨariekuni.

2 Tetsarunikatari 1:7

kemɨtixepinirieni xemeta xe'uxipitɨatɨ xeme xemɨ'uximatɨarie, yatati'uxipitɨatɨ tameta, kepauka matsiɨkɨtɨ mayani Ti'aitame Ketsutsi taheima 'akamietɨ, yuniuki tuayamete memɨtɨrɨkawi wahamatɨa 'akamietɨ, taipaɨ merɨkaɨyetɨ.

2 Tetsarunikatari 1:8

Heitseriemekɨ kaniwaranutaxɨriemɨkɨ mɨkɨ memɨka'imate Kakaɨyari, mɨkɨ yamemɨkatekahu Tati'aitɨwame Ketsutsi niukieya 'aixɨa manuyɨne hetsie.

2 Pekuru 2:2

Yumɨiretɨ wahetsie mekateniwiyakuni wahepaɨ memɨyutatuanikɨ merukuyatɨwetɨ xeikɨa, mɨkɨ wakɨmana, tita yuri mɨraine huyeyari pɨtsewiximarieka 'axatikuxaxatsiwakaku hepaɨtsitana.