Kunatsi 4:9 - Kakaɨyari Niukieya

⁹ Peru Kakaɨyari Kunatsi mɨpaɨ katiniutahɨawe: ―¿Xatsuni perexeiya pemɨha'akakɨ 'ikɨ naaná 'etɨpiwarikɨ? Kunatsi mɨpaɨ katinita'eiya: ―Ne huu xatsuni nepexeiya, ne haxɨakɨ nepɨmɨxime.

Kunatsi 4:9 ပူးပေါင်းရင်းမြစ်များ

Kuwi 18:4

'Ahaxɨakɨ 'a'iyari pekanitatsanarɨmeni, matsi kwie 'akumawetɨ pɨkayuhayewa 'akɨmana, meta 'ayepari pɨkakuyuaxɨani yuhuyeripa.

Kuwi 5:2

Memɨkayuwaɨriya memɨteyu'ɨkitɨakakɨ wahaxɨa kaniwakwika, memɨkayɨkɨhɨawe wa'ɨtetsarika kaniwakwika.

'Itsɨkate 16:16

Yaxeikɨa tikɨhɨawetɨ mɨixa tukari puyuri, yuniukikɨ kwinimieme katinihiweritɨakaitɨni kaneumɨmɨkɨkaitɨniri.

Matsiɨkɨtɨ kemɨratɨa 9:6

Mɨkɨ tukaritsie teɨteri mepeukwikuni matsi mepɨyutatexieni memɨkwinikɨ, mepɨyuwautɨweni memɨkwinikɨ, peru mɨɨya puyuta'una, wahetsie pumaweni.

2 Kurinitutari 7:10

Xɨka yuheiwerieka Kakaɨyari yatipitɨakaku, pɨtihayewa kemɨtiyurienekai, meta pɨtawikweitsitɨarieni. Tihayewame kemɨtiyurienekai, tawarita 'axapɨkatiyɨkɨhɨaweni mɨtiuhayewaxɨkɨ. Mexɨka yuheiwerieka kwiepa memɨtama wahepaɨ xeikɨa, pɨpitɨarieni mumɨnikɨ.

Mateu 26:38

Hikɨ mɨpaɨ katiniwarutahɨawe: «Ne'iyaritsie kwini mieme nekaninehiwerieka, mɨkɨkɨ nekanimɨximeni. 'Ena xekeneuyuhayewa meta xekenayeneniereni nehamatɨa».

Kuwi 36:18

Kene'a'ɨwiyani waɨkawa perexeiyatɨ pemayanikɨ petihiwe'erietɨ, tiyukwamaname pepɨkahe'ayeitɨwani.

Kunatsi 4:1

Merikɨtsɨ Kunatsi waɨkawa pɨka'inakixɨ kemɨtiuyɨ, kaniuyeha'ani.

Kunatsi 4:8

Meta tau 'anatineku Kakaɨyari 'eka xɨkame kaneyenɨ'ani tau manatineika hepa mieme. Metatsiere tau 'ixɨriwiyakaku Kunatsi mu'uyatsie kanimɨximekaitɨni. Hikɨ heumɨmɨtɨ mɨpaɨ kaniutayɨni: «Pɨnetsikunanake matsi nemumaweni nepɨka'uyeikanikeyu».

Kunatsi 4:10

Yawé mɨpaɨ katinitahɨawe: ―'Ekɨ pereinenimaya 'ikɨ 'etɨpiwari, peka'iparewiekaku, xeitɨkari 'utawereka hutariekatsie mutawa.

1 Te'aitamete 21:4

Hikɨ 'Akawi kaneyani yukie nutuixietɨ meta ha'atɨ Nawuhuti Ketsireri kiekame mɨpaɨ mɨtitahɨawixɨkɨ: «Nepɨkayɨwe nemɨmatiyetuirieni neti'aitɨwame, tita ne'ukiyarima memɨnete'uku'eiriri». 'Ayumieme mɨkɨkɨ yukiita kaniukahuni 'ixumeritsie heunieretɨ, meta katikwaimɨtɨ kanayani.