Kunatsi 4:5 - Kakaɨyari Niukieya

⁵ Hikɨ Kunatsi kiekaritsie kanayeyani, kiekari manuniere tau manatineika hepa kaniutayerɨni. Mana kaniuyutaxamarutɨani mɨkɨ 'etɨripa kaniutayerɨni niereke kemɨtiyɨnikekai kiekaritsie.

Kunatsi 4:5 ပူးပေါင်းရင်းမြစ်များ

1 Te'aitamete 19:13

Kepauka 'Eriyaxi mi'eni, kaneuyukunani yuhɨxie yumatakɨ, wayeyaka terɨ hɨxie kaniutakeni. Hikɨ niuki kaniu'enieni mɨpaɨ rehɨaweme: —¿Kepetiyuriene 'Eriyaxi 'ena paitɨ?

1 Te'aitamete 19:9

Mana 'ana tɨkarikɨ terɨta kanayekateitɨni. 'Arikeke, Yawé kanitahɨawe, mɨpaɨ katinita'iwawiya: —¿'Eriyaxi, kepetiyuriene 'ena?

Kitsariyaxi 57:17

Neteɨterima memɨteyukahiwe'eriekɨ nepuyeha'a, 'axamemɨteyuriekaikɨ, ne'uyeha'aka nepɨwaru'uximatɨa, nepuwaruku'eiri, peru matsi mɨkɨ mepenukuwei huye 'axamɨ'anene.

Kunatsi 1:5

Hikɨ nawiya nɨ'awamete, waɨkawa memamatɨ yuxexuitɨ mekaniwahiwiekaitɨni yukakaɨyarixi memɨwaparewienikɨ, meta haramaratsie meteneukaxɨrɨwakaitɨni nawiya tita mɨratɨkɨkai. Matsi Kunatsi yu'iyarikɨ pekutsukai 'ikate mɨtiuyepinetsie paitɨ heukayaka.

Keremiyaxi 20:9

Xɨka mɨpaɨ ne'utayɨni: «Tawari nepɨka'enuku'erieni, tawariri hetsiena mieme nepɨkatitaxata», hikɨ niukieya netaɨta tai hepaɨ 'anetɨ kanayeikani ne'umeyari 'ɨarime kanititaiyani. Nepɨtikuwaune nemɨtinewienikɨ, peru nepɨkayɨwe netinewienike.

Kunatsi 4:4

Yawé mɨpaɨ katinita'eiya: ―Xatsuni pepɨkahexeiya pemɨha'aka waɨkawa.

Kunatsi 4:6

'Aixɨa tiyɨkɨhɨawetɨ mayanikɨ Kunatsi, Yawé naaná kaniutinetɨani, mɨkɨ mexɨima kaniutawere Kunatsi mu'uya kananukanakaitɨni yu'etɨrikɨ. Kunatsi waɨkawa kaniyukatemawieni mɨkɨ 'etɨpiwarikɨ.