Kunatsi 4:2 - Kakaɨyari Niukieya

² 'Ayumieme mɨpaɨ katiniuyunenewieni Yawé hahɨawetɨ: ―Neuxei Yawé. Ne 'ikɨ nepɨxatakai nekwiepa neheyeikatɨ 'akuxi. 'Ayumieme meripaitɨri nepuyuta'unakai 'Itsipaniya paitɨ, ne mɨpaɨ nemɨtimaikaikɨ Kakaɨyari 'aixɨa pemɨtiuka'iyari pemɨhɨkɨ pemɨtiyukanenimaya, pemɨkahayu'eriya meta waɨkawa pemɨtiyukanaki'erie, pemɨ'awaɨriya hipame pemɨtiwareuyehɨwirieni meta pemɨkawakwini.

Kunatsi 4:2 ပူးပေါင်းရင်းမြစ်များ

Nɨawari 86:15

'Ekɨ peru, Ti'aitame, Kakaɨyari pepɨtiuyukakwewimɨkɨ petiuyukanenimayatɨ, pepɨkahayu'eriya, waɨkawa peti'akanaki'erietɨ meta yuri pehaitɨ.

Nɨawari 145:8

Yawé 'aixɨa pɨtiuka'iyari pɨtiyukanenimaya, pɨkahayu'eriya matsi waɨkawa pɨtiyukanaki'erie.

Nɨawari 86:5

Ti'aitame, 'ekɨ 'aixɨa pekatiniuka'iyarini meta pekanetineuyehɨwiriemɨkɨ, pɨmariwe 'anaki'eriya kemɨ'ane memɨmetsihahɨawe wahetsɨa.

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

Keremiyaxi 18:8

peru xɨka mɨkɨ nuiwari tiuhayewa 'axatiyurienetɨ, neta nepɨtihayewa kenemɨti'uximatɨanikekai meta kenemɨtiunehɨawekai hepaɨtsitana.

Memeyekɨ 32:14

Hikɨ Yawé kaniuhaxɨapieni, katiniuhayewa yuteɨterima kemɨwayurienikekai.

Nɨawari 78:38

Hikɨ mɨkɨ puwarutinenimayataxɨ, wakwewietɨ, pɨtiwareuyehɨwiri 'axakememɨte'uyuri, pɨkawaruka'unaxɨ. Mɨixa pɨka'uyeha'a pɨyunɨtɨakai, pɨtinewakai kemɨtiyɨanekai pɨkaha'akai.

'Amuxi 7:3

Hikɨ Yawé kaniwarutinenimayata, mɨpaɨ kaniutayɨni: ―Matsi mɨpaɨ pɨkatiyɨni.

Kunatsi 3:10

Hikɨ Kakaɨyari waruxeiyaka kememɨyɨkai, tatsɨari, kememɨte'uhayewakai 'axameteyurietɨ, kaniwarutinenimayata, yapɨkatiuyuri pɨkawaruka'unaxɨ kemɨtiwarahɨawekai.

Kunatsi 1:3

Hikɨ Kunatsi kanayeyani peru yuta'unake pɨta 'Itsipaniya paitɨ, Yawé hɨxie mɨka'uyeikanikɨ tewapɨta muyeikanikɨ. Kupe mɨtiyetewatsie kaninuani, muwa nawiya kaniyemieximekaitɨni Taritsi reyetewakaku 'erietɨ. Tiuyutuaka mana kanikayerɨni mɨkɨ kiekaritsie memeukɨnekai wahamatɨa, puyu'unarɨmekai Yawé ti'aitɨakaku.

1 Te'aitamete 19:4

hikɨ kaneyani makumawetsie xeitukari kaniumiekaitɨni. Kepauka 'umietɨ 'ɨtsi hetɨa kaninuani, mɨkɨ 'etɨriyayatɨa kaniutayerɨni 'ari heumɨmɨtɨ, mana mɨpaɨ kaniutayɨni: «Yawé 'aku, 'ari nepu'uxeri. Netukari keneneunawairi, ne'ukiyarima ke'aixɨa memɨte'u'iyarikai mɨpaɨkuta nepɨkatiuka'iyari».

'Amuxi 7:6

Hikɨ Yawé kaniwarutinenimayata, mɨpaɨ kaniutayɨni: ―'Ikɨ mɨpaɨta pɨkatiyɨni.

Nɨawari 90:13

Yawé, ¿kepauka tahetsɨa pepɨnuani? Keniwanenimayaka mate'uximayatsiriwamete.

Rukaxi 10:29

Peru mɨkɨ heitseriemekɨ yatikamiekame yuhekɨatamɨtɨ mɨpaɨ Ketsutsi katiniutahɨawe: —¿Merikɨte, kepɨpaikɨ nehepaɨ tewi?

Keremiyaxi 20:7

Yawé, pepɨnetsi'ukwamanaxɨ 'aniuki witsi'anemekɨ, neta nepɨmatsi'anu'eni. 'Ekɨ matsi waɨkawa pepɨtɨrɨkaɨyekai, pepɨnetsi'a'iwaxɨ. Yunaitɨ teɨteri mepɨnetsinanaima, yamepɨnete'atse tukarikɨ.

Hutarieka 'inɨari 4:31

Karikɨ Yawé 'akakaɨyari mɨtiyukanenimaya kanihɨkɨtɨni, mɨkɨ pɨkamatsiku'eirieni meta pɨkamatsika'una, mɨkɨ pɨkahetɨmaiya tɨratu 'atutsima yatiwarahɨawetɨ mitawewi.

Nɨawari 103:8

Yawé 'aixɨa katiniuka'iyarini meta katiniyukanenimayaka, yapauka pɨka'uyeha'arɨwe meta waɨkawa naki'eriya pexeiya.

Keremiyaxi 26:13

Hikɨ 'ayumieme xeketeneuhayewa ke'axaxemɨte'u'uwa meta kexemɨteyurie, Yawé xekeneu'enieka yukakaɨyari, hikɨ Yawé katinihayewamɨkɨ ke'axamɨxeyurienikekaikɨ.

Keremiyaxi 42:10

“Xɨka 'ena xeyuhayewani 'ikɨ kwieyaritsie, ne kii hepaɨ nekanixekatsutɨamɨkɨ, hatsuaku nepɨkaxeka'una, ne nekanixeka'emɨkɨ, hatsuaku nepɨkaxehahuna, hikɨke nemɨ'iyarixiekɨ 'uximatɨarika nexe'upitɨaka.

Kunatsi 3:9

'Atsitepɨkatemate. Heiwatɨ Kakaɨyari tareuyehɨwirieni, heiwatɨ 'uhaxɨapieni, mɨpaɨ 'ana temɨkakwinikɨ».