Kunatsi 2:7 - Kakaɨyari Niukieya

⁷ »Kepauka 'ari nemɨmɨximekai, Yawé nepaye'eri, hikɨ 'ekɨta nenenewieri pepu'eni, 'atuki mɨpatsieta paitɨ pepi'eni.

Kunatsi 2:7 ပူးပေါင်းရင်းမြစ်များ

Nɨawari 18:6

Ne'uximatɨarietɨ Yawé nekaniutahɨawe, nekakaɨyari nekaniutahiwieni, mɨkɨ yutukita paitɨ kaneniu'enieni, nehiwari nakatana paitɨ katiniunake.

2 Kemɨtiuyɨ 30:27

Hikɨ 'arike rewitsixi meta mawari wewiwamete 'ameti'uka Kakaɨyari mekaniutawawirieni teɨteri 'aixɨa mɨwayurienikɨ, hikɨ Yawé kaniwaru'enieni, wanenewieri muyuawitsie paitɨ kaniu'enieni, muyepatsietsie paitɨ Kakaɨyari muwayeka.

Nɨawari 143:5

Nepɨtiku'eriwa meripaitɨ kemɨtiɨyɨ: mariweme kepemɨtiuyuri nepuku'eriwa, mɨpaɨ nepɨtimate kepemɨtiuyuri 'amamakɨ.

Nɨawari 11:4

Yawé yutuki muyepatsieta kanayekani, muyuawitsie Yawé yu'uweni kanexeiyani, kayuwatɨ xeikɨa tewi kwikanitaxeiyani, kanixeiyani kemɨtiyuriene.

1 Tsamuheri 30:6

Hikɨ Rawiri kaneumakaitɨni, karikɨ kuyaximama me'itituaxixɨanike pɨ'eriekai mɨpaɨ memɨtekuxatakaikɨ, memɨte'uka'eniwakaikɨ yuniwema yunaime memɨwarutatɨmaikɨ. Matsi Rawiri kaniutɨrɨkariyarieni, Yawé yukakaɨyari hetsie yuri ti'erietɨ.

Nɨawari 27:13

Perutsɨ xeimekɨ yanepɨtimate: Yawé naki'eriyaya 'akuxi nepɨxeiyani 'ena kwiepa memu'uwa wahamatɨa.

Nɨawari 20:7

Mɨkɨ yukaxetate kuyaxa miemetsie mekaneuwawaɨreni, 'iyata yukawayutsixi 'amemɨpapa wahetsie mekaneuwawaɨreni, peru tameta takakaɨyari Yawé hetsie tekaneuwawaɨreni.

Nɨawari 65:4

'Aixɨa ke'itɨarieka 'iya kemɨ'ane 'ekɨ pemanayexei, 'iya kemɨ'ane 'ahetsɨa pemɨ'atɨa 'atakwa mukanikɨ. 'Akie timieme 'aixɨa mɨti'anekɨ tekehuxaka, kepemɨtatiumi 'atuki mɨpatsieta timiemekɨ.

Hepɨrayutsixi 12:3

Xekena'eriwani mɨkɨ kemɨtiukanewiekai 'axateyuruwamete kwinimieme meheye'uniekaku. Kapa xe'u'uxenikɨ xeme, yu'iyaritsie kapa xewaɨripiekakɨ.

'Awakuki 2:20

Peru, Yawé yutuki muyepatsieta kanayekani, naitsarie kwiepa mɨtiuyehane hɨxiena kayuwatɨ meke'umaka».

Mikeyaxi 1:2

Yunaitɨ teɨteri, xekeneu'enana, kwie keneu'ena meta yunaitɨ hetsiena xemɨte'u'uwa. Yutuki mɨpatsieta paitɨ Ti'aitame, Yawé naimekɨmɨyɨwe, kaninierekamɨkɨ xeme ke'axaxemɨteyurie.

Kunatsi 2:4

'Ana mɨpaɨ nepɨtiu'eri: “'Ahɨxie nemɨka'uyeikanikɨ nepayeweiyarie. ¿Keneyɨanetɨ nepunuani tawari nemixeiyanikɨ 'atuki mɨpatsie?”

Kitsariyaxi 50:10

¿Kemɨ'ane xeme Yawé payemakaxe meta kemɨ'ane xeme tiyu'uximayatsiriwame peu'enie? Tsepanetɨ yɨwikɨta mumie, 'etsiwa tɨma kahekɨariwiyarietɨ, Yawé hetsie yuri keti'erieka, meta Kakaɨyari hetsie ketiwiyani.

Nɨawari 43:5

¿Titayari yɨkɨ netinekɨhɨaweni? ¿Titayari netine'uximatɨaka? Matsi Kakaɨyari hetsie nepɨtiwiyani, meta nepinɨawani. Mɨkɨ pɨnetsiwikweitsitɨwame meta pɨnekakaɨyari.

Nɨawari 42:11

¿Titayari yɨkɨ netinekɨhɨaweni? ¿Titayari netine'uximatɨaka? Kakaɨyari hetsɨa timieme matsi nepɨtitakwewieka, meta nepinɨawani. Mɨkɨ netsiwikweitsitɨwame kanihɨkɨtɨni meta nekakaɨyari.

Nɨawari 42:5

¿Titayari yɨkɨ netinekɨhɨaweni? ¿Titayari netine'uximatɨaka? Kakaɨyari hetsɨa timieme matsi nepɨtitakwewieka meta nepinɨawani. Mɨkɨ pɨnetsiwikweitsitɨwame meta pɨnekakaɨyari.

Nɨawari 22:14

Haa hepaɨ netukari pɨtayeuriwe, ne 'umete naitɨ pɨxɨxɨni. Ne 'iyari xɨrɨka hepaɨ 'anetɨ patɨa, netaɨta witsɨanitɨ puhane.

Nɨawari 142:3

Kepauka nemɨkayɨwenitsie, 'ekɨ matsi huye pepɨnetsixeitsitɨa. Huye nemiweiya 'utɨma hipatɨ winiyari nehetsiemieme mepuwɨwɨtɨwa.

Kitsariyaxi 38:17

Mɨpaɨ nepɨtimate, 'aixɨa mɨti'anenikɨ 'uximatɨarikatsata nepuyetɨa. Penetsinaki'erietɨ pepɨkanetsi'upitɨa mɨki teukiyata nemɨkayunekɨ, 'axakenemɨtiuyuri pepuwarixiwiyaxɨ.