Kunatsi 2:6 - Kakaɨyari Niukieya

⁶ nepukurupirɨmekai hɨri muyu'utɨkatsie hata paitɨ. Neheyemekɨ neheyame nepɨne'eriekai, nemanuani nepɨkaheyɨwekai. Yawé nekakaɨyari, peru 'ekɨ netukari peputawikweitsitɨa.

Kunatsi 2:6 ပူးပေါင်းရင်းမြစ်များ

Nɨawari 30:3

Yawé, 'ekɨ teukiyapa pepɨnetsihatiha, tawarita pepɨnetsi'anutanieritɨa mɨkite watsata.

Nɨawari 16:10

'Ekɨ pepɨkanetsiku'eirieni mɨkite wateukiyapa, 'ekɨ pepɨkanetsipitɨani nemɨtapɨnekɨ 'aparewiwame yanemɨtikamie.

Kitsariyaxi 38:17

Mɨpaɨ nepɨtimate, 'aixɨa mɨti'anenikɨ 'uximatɨarikatsata nepuyetɨa. Penetsinaki'erietɨ pepɨkanetsi'upitɨa mɨki teukiyata nemɨkayunekɨ, 'axakenemɨtiuyuri pepuwarixiwiyaxɨ.

'Awakuki 3:10

hɨrite mematsixeiyatɨ mekaniutimamani. Waɨkawa wiyeri 'ekamatɨ kaniukaxɨrieni, meta hamewari 'amatiyewatsie mieme kaniuyutihaxɨatɨwani, hamewariyari 'anenetɨ muyuawitsie paitɨ kaneutimemeni.

'Awakuki 3:6

Kepauka muwakeka, kwie kaniutimamaweni, kepauka mɨtaneniere, nuiwarite mekaniutiyɨyɨakani. Meripaitɨ mieme hɨrite kanikapenikeni meta yemurite meripaitɨ miemete kanati'unikeni, matsi Kakaɨyari huyeteya yuheyemekɨ 'atsipɨkayɨwe.

Kitsariyaxi 40:12

¿Kemɨ'ane haramara pu'inɨatawe yumama meuwewerikɨ, meta kemɨ'ane yu'itɨwametekɨ muyuawi naime pu'inɨatawe? ¿Kemɨ'ane kwie tumuanariyari kiriwata pu'inɨataxɨ? ¿Kemɨ'ane hɨri panuyewi ti'inɨnɨatametsie?

Nɨawari 143:7

Yawé, yapauka keneneuta'eiya, 'ari netukari pɨtixɨxime. Pepɨkanetsiwarixiwiyani, xɨka mɨpaɨ pe'aneni, mɨwatixawata memeukakɨka wahepaɨ nekaniyɨmɨkɨ.

Nɨawari 104:8

Hɨritsie mekanitiyune, mayeweweritsie kaniu'axɨani, hakewa 'ekɨ pemɨwaretanɨ'a.

Nɨawari 104:6

haramarakɨ pepitikemaritɨa, meta haa hɨritsie puyuhayewaxɨ.

Nɨawari 65:6

'Ekɨ, 'atɨrɨkariyakɨ, hɨri peputiwewi, kepemɨtitɨrɨkaɨye pepɨtiuyuri.

Nɨawari 55:23

'Ekɨ matsi Kakaɨyari, memɨkametsi'ayexeiya pepɨwaratixɨrieni teukiyapa pepɨwareukaxɨrieni, teɨteri xuriya memɨtayeuri memɨte'itawa, mɨkɨ yutukari hixɨapa tɨma mepɨka'utinexɨani. Ne matsi, 'ahetsie nepɨtiwiya.

Nɨawari 30:9

¿Tita pera'iwa xɨka ne ne'umɨni, ne xɨka ne'ukateukieni? ¿Kamɨtsɨ tumuanari metitanɨawa, yatɨni 'aniuki yuri maine tikuxataneni?

Kuwi 33:28

Kakaɨyari pɨnetsi'utawikweitsitɨa mɨki teukiyapa nepɨkaheukawe, nepayeyuri, hekɨariyatsie 'akuxi nepuyeika”.

Kuwi 33:24

xɨka 'itinenimayata meta Kakaɨyari xɨka mɨpaɨ tiutawawirieni: “Keneutawikweitsitɨa mɨki teukiyata mɨkaheukahɨiwanikɨ, 'ari hetsiena mieme nemɨtiyutuani nekanexeiyani”,

Hutarieka 'inɨari 32:22

Nehaxɨa tai hepaɨ kaniutani, naime mɨtititaiya mɨki teukiyapa. Kwie pɨtaxɨtɨani meta naime mana mɨti'etsie, meta hɨri nanari naime pɨtitaiya.

Mateu 16:18

Netsɨ mɨpaɨ nekamatinahɨaweni 'ekɨ Pekuru pekanihɨkɨtɨni, 'ikɨ tetetsie nepɨwatsutɨani memɨyutixexeɨriwani nehetsɨa miemete, meta mɨkɨ mepɨka'a'iwarieni tsepa memukwi'iwaxɨ.

Nɨawari 18:5

Kaunarikɨ kaneniutahɨani nemɨkateukienikɨ, mɨki winiyariyaritsie nekaniunexeiya.

Nɨawari 116:3

Mɨki yuwiniyarikɨ pɨnetsihɨakai, 'uximatɨarika pɨnetsi'umi tɨma, 'anari waɨkawa nepɨtiuka'eniexɨa.

Kitsariyaxi 38:10

«Ne mɨpaɨ neputainekai: “'Ari kauka mɨki teukiyata nenikayune, kaukari tukari nekahexeiyatɨ nenayani”.

'Etsekieri 26:20

Kemɨ'ane meukatewatsie memeukayuyuipike, mɨkɨ wahamatɨa nepɨmatsiheukanɨ'ani, kwieta 'ameukatewatsie kiekame nepɨmatsihayeitɨani, 'iya yuheyemekɨ mu'uni kwieyaritsie, kemɨ'ane meukatewatsie memeukakɨka wahamatɨa. Tawariri mana kiepa pɨkahayani meta pɨka'anukuwewiyani 'ena memu'uwa wakwieyaritsie.

'Etsekieri 31:14

'Ikɨ kani'ayumiemetɨni tawarita xewitɨ 'iteɨri hatetsita 'utiwetɨ kwinimieme mɨkatiwerenikɨ, para xewitɨ tawarita 'iteɨri 'aixɨa tihatuiyarietɨ, yukɨtsimeyarikɨ hai mɨkakuyuitɨwanikɨ. Yunaitɨ mekanikwikuni, yunaitɨ kwieta meukatewatsie mekanikayunikuni, meukatewatsie memɨkayuyuipike wahamatɨa.

Nɨawari 69:2

Nepɨkayunirɨme putsu meukatewata, titatsie nerakeni pumawe. 'Amutiyewatsie hixɨapa nepuyewie, haa muhane pɨnetsi'uhautsitɨaxime.