Kunatsi 2:2 - Kakaɨyari Niukieya

² Mɨpaɨ kaniutayɨni: «Waɨkawa neyuhiwerietɨ Yawé neputahiwi, hikɨ mɨkɨta pɨnetsi'uta'ei. Kepauka 'aritɨtɨri nemɨmɨkikai parewiya nekaniuta'iwauni, 'ana 'ekɨ nehiwari pepu'eni.

Kunatsi 2:2 ပူးပေါင်းရင်းမြစ်များ

Nɨawari 120:1

Kepauka nemɨtiuka'eniwa Yawé nepahɨawe, mɨkɨta pɨnetsiku'eiya.

Nɨawari 34:6

Ne tixaɨtɨ nekatihɨkɨtɨtɨ Yawé nekaniutahɨawe, mɨkɨ kaneniu'enieni, kaneniɨxɨna naime kenemɨtiuka'eniwakai.

Nɨawari 86:13

Mɨmariwekɨ 'anaki'eriya nehetsiemieme, pepɨnetsi'utawikweitsitɨa mɨki teukiyata neheukaweximekaku.

Hepɨrayutsixi 5:7

Kɨritsitu mexi tewitɨtɨ 'a'uyeikakai karima kaniyutanenewieni hahiwatɨ 'utatsuatɨ, kanitawawirieni kemɨ'ane mɨyɨwekai mitawikweitsitɨanikɨ kapa 'umɨnikɨ, pu'enierie Kakaɨyari mariweme mayeitɨakɨ.

1 Tsamuheri 30:6

Hikɨ Rawiri kaneumakaitɨni, karikɨ kuyaximama me'itituaxixɨanike pɨ'eriekai mɨpaɨ memɨtekuxatakaikɨ, memɨte'uka'eniwakaikɨ yuniwema yunaime memɨwarutatɨmaikɨ. Matsi Rawiri kaniutɨrɨkariyarieni, Yawé yukakaɨyari hetsie yuri ti'erietɨ.

Mateu 12:40

Kunatsi ketsɨ 'amupatsie kemɨtiyekatei haika tukari haika tɨkari, mɨpaɨta yaxeikɨa Yuri Tewi kenemɨtitewa, kwieta nepɨyekani haika tukari haika tɨkari.

Nɨawari 116:3

Mɨki yuwiniyarikɨ pɨnetsihɨakai, 'uximatɨarika pɨnetsi'umi tɨma, 'anari waɨkawa nepɨtiuka'eniexɨa.

Nɨawari 22:24

Mɨkɨ mɨkatiuyukaxani'eriekɨ meta tixaɨtɨ mɨkarexeiya kemɨtiuka'eniwa mɨka'ixeiya xeikɨa, hɨxiena pɨkayuti'awiwieta, matsi kani'enieka, kepauka mɨkɨ maniuka.

Nɨawari 4:1

Keneneuta'eiya kenemerahɨawe, 'ekɨ nekakaɨyari nehetsie nunuwame pemɨhɨkɨkɨ. Kepauka nemɨ'uximatɨarie 'ekɨ pepɨnetsinɨtɨa, Nenenewieri keneu'eni kenemaine keneneutinenimayata.

Rukaxi 22:44

Hikɨ kwiyɨanetɨ hiwerikakɨ, matsi kwini mieme yutatuatɨ kaniyunenewiekaitɨni, kwaxiyaya xuriya tsuniriyari hepaɨ kani'anenekaitɨni kwiepa kaxɨrɨwetɨ.

Kitsariyaxi 14:9

Hutipaitɨ meukatewatsie, 'ahekɨ, teukiyapa putayɨyɨaka matsi'anunakeke, 'ahekɨ mɨyapemuyɨkɨ mɨkite mepanutaneniere, kemɨ'ane kwiepa memanuyetekai. Yapɨtiyurie yunaitɨ nuiwaritetsie te'aitamete yu'uwenitsie memanuku'unikɨ.

Nɨawari 65:2

'ekɨtsɨ nenewieri pekani'enieka. Yunaitɨ teɨteri 'ahetsɨa mepɨye'axe,

Nɨawari 61:2

Kwie manu'axe paitɨ ne nepɨmetsihahɨawe, ne'iyaritsɨ kanimɨximeni, 'ai heima kenenetuamie muwa nemekuwikwenikɨ.

Nɨawari 16:10

'Ekɨ pepɨkanetsiku'eirieni mɨkite wateukiyapa, 'ekɨ pepɨkanetsipitɨani nemɨtapɨnekɨ 'aparewiwame yanemɨtikamie.

Nɨ'ariekate 2:27

'Ekɨ pepɨkanetsiku'eirieni mɨkite wateukiyapa muyuhayewakɨ, 'ekɨ pepɨka'ipitɨani 'iyari mɨpatsie mɨkatiuka'eniwanikɨ.

1 Tsamuheri 1:16

'Ukaratsi 'axanemɨtiuka'iyari pepɨkanetsi 'erieka 'ekɨ. Mɨya nepɨreuterixɨ neyunenewietɨ kenemɨtiuka'eniwakɨ kenemɨtiyu'iyaritɨakɨ.

Hiwerika 3:55

Hikɨ meukatewatsie mɨki teukiyata nekameniutahɨawe, parewiya Yawé nekameniutawawirieni,

'Etsekieri 26:20

Kemɨ'ane meukatewatsie memeukayuyuipike, mɨkɨ wahamatɨa nepɨmatsiheukanɨ'ani, kwieta 'ameukatewatsie kiekame nepɨmatsihayeitɨani, 'iya yuheyemekɨ mu'uni kwieyaritsie, kemɨ'ane meukatewatsie memeukakɨka wahamatɨa. Tawariri mana kiepa pɨkahayani meta pɨka'anukuwewiyani 'ena memu'uwa wakwieyaritsie.

'Etsekieri 31:14

'Ikɨ kani'ayumiemetɨni tawarita xewitɨ 'iteɨri hatetsita 'utiwetɨ kwinimieme mɨkatiwerenikɨ, para xewitɨ tawarita 'iteɨri 'aixɨa tihatuiyarietɨ, yukɨtsimeyarikɨ hai mɨkakuyuitɨwanikɨ. Yunaitɨ mekanikwikuni, yunaitɨ kwieta meukatewatsie mekanikayunikuni, meukatewatsie memɨkayuyuipike wahamatɨa.

2 Kemɨtiuyɨ 33:12

Hikɨ mɨya tiuka'eniwatɨ, Yawé kaniutahɨawe, yu'ukiyarima wakakaɨyari, tixaɨtɨ karayuyeitɨatɨ yemekɨ kaniyuyetuani naimekɨ.

Rukaxi 11:10

Yunaitɨ memita'iwau, mepɨyetuiriyarɨwa yu'iwaurika, yunaitɨ memikuwautɨwe, mepitaxeiya yunaitɨ, 'itupari memɨkuyuitɨwa, mepɨteheuyepiyarɨwa.