Kunatsi 1:9 - Kakaɨyari Niukieya

⁹ Mɨkɨ mɨpaɨ katiniwaruta'eiya: ―Ne hepɨrayu tewiyari nepɨhɨkɨ, Yawé nekanayexeiyani, Kakaɨyari muyuawitsie makawe, kemɨ'ane haramara meta kwie mutawewi.

Kunatsi 1:9 ပူးပေါင်းရင်းမြစ်များ

Nehemiyaxi 9:6

»'Ekɨ xeikɨa Yawé pepɨhɨkɨ. 'Ekɨ muyuawi peputawewi, naime muyuawi kemɨyewa xurawetsixi warexeiyakame. 'Ekɨ tukari pepɨwapitɨa tita pemɨtiutawewi: kwie meta haramara yunaime mana memɨtexuawe. 'Ayumieme xurawetsixi muyuawitsie miemete 'ahɨxie mepukahɨxima'uwe.

Nɨawari 136:26

Kakaɨyari muyuawitsie makawe pamɨpariyutsi xekenepitɨaka. Mɨkɨ hatsuaku pɨkatatsihayewa tatsinaki'erietɨ.

Nehemiyaxi 1:4

Mɨpaɨ netiu'enaka, ne'utatsuatɨ nekanayani, mɨixa tukari neninehiweriekaitɨni, nekaniunehakieni, meta neyunenewietɨ Kakaɨyari muyuawitsie makawe newawirietɨ.

'Etsitɨraxi 1:2

«'Ipaɨ paine Tsiru, Peritsiya kwieyaritsie ti'aitame: »Yawé, Kakaɨyari taheima makawe, hikɨ 'ena kwiepa yunaime te'aitamete mɨnetsiyetuiri, kaneniuhɨritɨani nemitawewienikɨ tuki Kerutsareme kiekariyaritsie, Kura kwieyaritsie.

2 Te'aitamete 17:28

Hikɨ xewitɨ mawari wewiwame Tsamariyatsie mɨyehaniekai kaneyani Weteri mɨrakutewa kaniutayerɨni hikɨ mana kanitsutɨani tiwa'ɨkitɨatɨ kehapaɨ Yawé mɨrayexeiyani.

2 Te'aitamete 17:25

Kepauka memu'axɨatsie matɨari, Yawé mepɨkahayexeiyakai, 'ayumieme Yawé mayetsi kaniwareyenɨ'ani mekaniwarutikwani hipame mɨkɨ kiekaritsie.

Tsutɨarika 14:13

Perutsɨ xewitɨ 'uyuta'unaka, 'Apɨrami hepɨrayu tewiyari katinekuxatɨani kemɨtiuyɨ, Mamɨre 'amuxeu tewiyari xiuya makuma mukateikɨ. Mamɨre pɨ'iwayatɨkai 'Etsikuri meta 'Anexi, mɨkɨ 'Apɨrami matɨa mekaniyu'eniekaitɨni.

Matsiɨkɨtɨ kemɨratɨa 16:11

meta mete'ukakukuinetɨ haiyakɨ Kakaɨyari muyuawitsie makawe hepaɨtsitana 'axameputiyuanekai, mepɨkatehayewakai 'axameteyurietɨ.

Matsiɨkɨtɨ kemɨratɨa 15:4

Kamɨtsɨ Ti'aitame, mekamenayemakaxekakuni. Kamɨtsɨ 'aixɨa petikuxaxatsiwame mekamenayeitɨakakuni. 'Ekɨ xeikɨa pekanipatsieka. Yunaitɨ nuiwarite mekani'axɨakuni, nenewieri memetsipitɨanike 'a'uximayatsika heitseriemekɨ mɨhekɨakɨ».

Matsiɨkɨtɨ kemɨratɨa 11:13

'Ana kwitɨwa kwie karima kaniutayuani. Kiekari tamamatatsie mieme xewitɨ kaneuku'une. 'Atahuta miriyari meyupaɨmetɨ teɨteri mekaniukwini, peru memuyuhayewaxɨ waɨkawamekɨ memamatɨ, Kakaɨyari taheima makawe hepaɨtsita 'aixɨa mekatenikuxatakaitɨni.

Piriputari 3:5

Ne'utinuiwaka 'atahairieka tukaritsie nekaniu'inɨaritɨarieni huriyutsixi waxitekiyakɨ, 'ixaheri teɨteriyari wahetsie Wenikamini nuiwariyari hetsie nekaniyeyani, hepɨrayu tewiyari nekanihɨkɨtɨni hepɨrayutsixi wahetsie nemɨyetɨa, 'inɨari niukiyaritsie kenemɨtiwiyakai, paritseu nekanihɨkɨtɨkaitɨni.

Nɨ'ariekate 27:23

Tɨkarikɨ Kakaɨyari niukieya tuayame kaneyuhekɨata nehɨxie kemɨ'ane hetsie nemɨtiwiya meta nemɨti'uximayatsirie,

Nɨ'ariekate 14:15

—Xeme teɨteri 'aku ¿titayari mɨpaɨ xeteyurie? Tame xehepaɨ tekaniteɨteritɨni, xehepaɨ tekateniu'iyarini. Niuki 'aixɨa manuyɨne temɨxekuxaxatɨwa xemɨtehayewakɨ yakɨ xeikɨa xemɨteyurie, Kakaɨyari mayeyuritsie xemɨtewiyanikɨ. Mɨkɨ muyuawi, kwie meta haramara putiwewi, meta naime wahetsie memɨtexuawetɨka.

'Utseyaxi 3:5

Peru 'arike 'ixaheritsixi hekwamekɨ Yawé mepɨtiwauni yukakaɨyari, meta Rawiri ti'aitame mekani'eniekuni. 'Imatɨarieka tukaritsie Yawé hetsɨa mepɨ'axɨani memamatɨ mepɨtihɨxima'uni, waɨkawa 'aixɨa kemɨtiuka'iyari.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Kuwi 1:9

Kauyumarie mɨpaɨ Yawé katiniuta'eiya: ―Kuwi kameni'enieka, waɨkawa pemɨtiyetuirienikɨ xeikɨa.

Nehemiyaxi 2:4

Ti'aitame mɨpaɨ kanetiniuta'iwawiya: ―¿Kekuta netiyurieni 'ahetsiemieme? Ne nepitawawiri Kakaɨyari muyuawitsie makawe mɨnetsiparewienikɨ,

'Etsitɨraxi 5:11

Mɨkɨ mɨpaɨ mepɨtateheta'ei: «Kakaɨyari taheima mɨti'aita meta kwiepa tekateni'uximayatsiriwametetɨni, hikɨta hutarieka tuki tekaniwewietɨweni meripaitɨ mutawewiyakai mɨnɨriekai mɨixa kananuyemieni xewitɨ mariwetɨ 'Ixaheri kwieyaritsie ti'aitame kanita'aita.

Tsutɨarika 39:14

kiita te'uximayatamete kaniwarutahiwieni, mɨpaɨ katiniwarutahɨawe: «Neuxei, nekɨna 'ikɨ hepɨrayu tewiyari mɨtatsi'atɨiri, mɨtatsinanaimanikɨ xeikɨa punua. Nekiita 'atahaka nehamatɨa puhuimɨkɨkai, peru ne karima neputahiwaxɨ.

Memeyekɨ 1:15

Mana mekanititekaitɨni yuhutatɨ 'ukarawetsixi hepɨrayutsixi teɨteriyari teniweritsitɨwamete, Tsipura meta Puwa metetetewatɨ, ti'aitame 'Ekipitu kiekame mɨpaɨ katiniwaruta'aitɨani:

Memeyekɨ 2:13

'Uxa'arieka hutarieka kanikuyani, hipameta kaniwaruxeiya meyukwitɨweme yu'iwamatɨ hepɨrayutsixi, mimainekai kaniuta'iwawiya: —¿Titayari 'a'iwa petimiene?

Tsutɨarika 1:10

Muwaki «kwie» Kakaɨyari katiniterɨwa, haa muyukuxeɨri «haramara» katiniterɨwa. 'Ixeiyatɨ Kakaɨyari «'Aixɨa pɨ'ane», kaniutayɨni.

Tsutɨarika 24:7

Yawé Kakaɨyari muyuawi mutawewi nekie pɨnetseheyewitɨ ne'iwama wahetsɨa, mɨpaɨ netihɨritɨatɨ: «'Anuiwarima nepɨwayetuirieni 'ikɨ kwie», mɨkɨ yuniuki tuayame kananunɨ'amɨkɨ 'ahamatɨa mɨmatsi'anuwitɨnikɨ, 'ekɨ pemeyɨwekaxɨanikɨ 'uka pemawitɨni neniwe 'Itsahaki hetsiemieme.