Kunatsi 1:5 - Kakaɨyari Niukieya

⁵ Hikɨ nawiya nɨ'awamete, waɨkawa memamatɨ yuxexuitɨ mekaniwahiwiekaitɨni yukakaɨyarixi memɨwaparewienikɨ, meta haramaratsie meteneukaxɨrɨwakaitɨni nawiya tita mɨratɨkɨkai. Matsi Kunatsi yu'iyarikɨ pekutsukai 'ikate mɨtiuyepinetsie paitɨ heukayaka.

Kunatsi 1:5 ပူးပေါင်းရင်းမြစ်များ

1 Te'aitamete 18:26

Wahari niukametemama xeime tuuru mekananayehana memɨ'atɨiriyarie mekanitixitexɨani, hikɨ yukakaɨyari mekanahɨawekaitɨni ximeri memutayua tuka kanayani mɨyame'utiyuanekaku. Mawari taiyame memutawewi warita mehatsunatɨkɨkatɨ, mɨpaɨ meniutiyuanekaitɨni: —Wahari 'aku, ketaneuta'eiya. Peru nitixaɨtɨ pɨkatiu'enierie, nitixaɨtɨ pɨkatiwaruta'ei.

Keremiyaxi 2:28

Kura, ¿hakewari tamɨ kakaɨyarixi pemɨ'atiwewiri? Yuwaɨkawame kakaɨyarixi pepɨwarexeiya kiekarite hepaɨ. Mɨpaɨ ketiniwarutahɨawi meke'anuku'uni. Xɨka 'aku memetsitawikweitsitɨakuni kepauka 'uximatɨarika pemexeiyanitsie.

Kitsariyaxi 45:20

»Xekeneuyukuxeɨri xemeyuta'unaxɨa nuiwarite watsata, xekeneuyukuxeɨri, xekenakɨni. 'Atsimemɨkatemate mekanihɨkɨtɨni kemɨ'ane kɨye kakaɨyarixiyari memɨwarɨ'ɨ, meta kakaɨyarixi wahɨxie memuyunenewixime memɨkateyuwikweitsitɨwa.

1 Tsamuheri 24:3

Hikɨ muwa huyeta, muxatsi wakuraru makumane mekaneye'axɨani, mana 'ahurawa kaniterɨtatɨkaitɨni, muwa kaneutahani takwitake. Peru Rawiri 'upaitɨ kaneyu'awietakaitɨni terɨta, yukuyaxima wahamatɨa,

'Itsɨkate 16:19

Yutunutsie 'itimu'utsitɨakaku kaneukuni, 'anari xeime tewi kaniuta'inieni 'atahuta kɨpaya mɨtsarietɨka maxixɨanikɨ. Mɨpaɨ katina'iwarieni. Tɨrɨkariyaya kaneyani.

Nɨ'ariekate 27:38

Te'utihuxakari 'ikwaikɨ, kanuwa tekana'exanariya tɨriku haramaratsie teheukaxɨrieka.

Mateu 26:45

Tawarita kaninuani teyɨ'ɨkitɨwamete mematitekaitsie, nuaka mɨpaɨ katiniwarutahɨawe: «¿Xetekutsu 'akuxi, xete'uxipie? Neuxei, kanaye'aximeniri, Yuri Tewi kenemɨtihɨkɨ, nemɨyetuiyani 'axateyuruwamete wahetsɨa.

Mateu 26:43

Tawarita kepauka munua, kaniwarutaxeiyata mekutsume, memɨkayɨwawekaikɨ memayeneniereni kutsikɨ.

Mateu 25:5

Hikɨ neneɨkeme mɨkanuawekaikɨ, yunaitɨ mekanekakutsikutɨkɨne hikɨ mekaneukutsu.

Kunatsi 1:16

Mɨpaɨ mete'uneniereka Nawiya nɨ'awamete waɨkawa meniutimamani Yawé hepaɨtsita, mana mawari mekaniwewirieni meta yametenitahɨawe kename me'eyexeiyanikekai.

Kunatsi 1:14

Hikɨ 'ayumieme Yawé mekaniutahɨawe Kunatsi Kakaɨyarieya, karima mɨpaɨ me'utiyuatɨ: «Neuxei Yawé, 'ekɨ yapepɨtiyurieni kemɨmatinake. Pepɨkatatsipitɨaka tame temɨkwinikɨ 'ikɨ 'axamɨtiuyurikɨ xeikɨa meta tahetsie pepɨkarahɨpani 'ikɨ tewi xɨka tematsiyetuirieni xɨka hetsiena pemɨrahɨpa kahɨkɨtɨni».

Kunatsi 1:6

Hikɨ nawiya mɨhɨritɨarie muwa heukayaka mɨpaɨ katinitahɨawe: ―¿Titayari 'ekɨ petikutsu? Kenanukukexi. 'Akakaɨyari keneutahɨawi. Heiwatɨ mɨkɨ tatsi'utawikweitsitɨani temɨkakwinikɨ.

'Utseyaxi 7:14

Yu'iyarikɨ mepɨkanetsihahɨawe, yu'utatsie xeikɨa mekaheitɨ meputitsuana. Yu'iku mekuwaunike meta yuwinu 'axa'anekɨa mekanekɨkani nehepaɨtsita meheuniutɨ menakɨkani.

Kuwi 2:4

Kauyumarie mɨpaɨ kaniutayɨni: ―Xɨka matsi 'akuxi xewitɨ katiukwinitɨarieni hakewa meikukukuinetsie tixaɨtɨ pɨkareuyehɨwa. Peru matsi yutukari mɨtawikweitsitɨanikɨ, tewi tita mɨrexeiya naime katiniyetuamɨkɨ.

Nɨawari 107:25

Kepauka Kakaɨyari mutaniu, 'eka tɨrɨkaɨyetɨ kaniukuyani, 'ana 'apapatɨ kaniwakɨkakaitɨni hamewari,

Nɨawari 148:8

tee meta merɨkariya, 'ɨwi meta haiwitɨri, 'eka mɨtɨrɨkaɨye meye'atɨwa 'aitsikaya,

Ti'ɨkitame 3:6

kepauka mɨtikuwauneni, kepaukata mɨkatikuwauneni, kepauka mutiuti'uta, kepaukata mɨrexɨrieni,