Kunatsi 1:4 - Kakaɨyari Niukieya

⁴ Hikɨ Yawé 'eka tɨrɨkaɨyeme kanenɨ'ani haramaratsie, meta wiyeri kanewayani waɨkawa tɨrɨkaɨyetɨ 'ekamatɨ, nawiya kanitatararɨmekaitɨni.

Kunatsi 1:4 ပူးပေါင်းရင်းမြစ်များ

'Amuxi 4:13

Ne nekanihɨkɨtɨni hɨri nemɨtiwewiwa, meta 'eka nemunenetɨwa, ne nekanihɨkɨtɨni tewi kemɨtiyurieni nemihekɨata, meta hekɨariya yɨriya nemunenetɨwa, meta kwie heima nemuyeika: Yawé Kakaɨyari Naimekɨmɨtɨrɨkaɨye nekatinitewaka.

Nɨawari 135:7

Kwie manu'axetsie paitɨ haiwitɨri panuku'enitsitɨwa, mimierikari peyenɨ'awa wiyeritsata metatsiere 'eka pewatiyepiwa muye'ɨnetsie.

Memeyekɨ 10:19

Hikɨ Yawé 'eka kaniupata, meta karima puku'ekaxɨ tau makayuyuipiketsie 'atineka pɨwareuta'enitsitɨa 'utsikari, Haramara Mɨxeta hetsie pɨwareutaxɨri. Hikɨ naitsarie 'Ekipitu kwieyaritsie mepukumawerixɨ 'utsikari.

'Inɨatsie 11:31

Yawé 'eka kaniuyuitɨani xɨ'aurixi haramaratsie miemete waratɨkɨme, mematiteitsie kaniwarukaxɨrieni. Memakuteitsie wa'aurie xɨ'aurixi mekanakunɨkaitɨni, xeitukari 'umietɨ ranuyenakeme me'atayeutɨ, xeimeturuyari metsuitɨ kwiepa.

Memeyekɨ 15:10

Peru 'ekɨ xeimieme pewaruhɨtsieku haramara pɨwareukakwai, mepukayunixɨa tepɨa mahete hepaɨ.

Memeyekɨ 14:21

Hikɨ Muitsexi yu'itsɨ kaneutatsera haramara heima, Yawé 'eka kaneyenɨ'ani mɨkɨ tɨkarikɨ tau manatineika mieme karima kaniu'ekakaitɨni 'anari haramara kananutayepiere, ya'atayeutɨ heutanetɨ kanayewani, kwie wakitɨ kanahekɨare. Haa haramara kananutayepiere,

Memeyekɨ 10:13

Muitsexi yu'itsɨ kaniutatsera 'Ekipitu kwieyaritsie naime, Yawé mɨpaɨ katiniuyurieni mɨkɨ tukaritsie kaniu'ekakaitɨni meta tɨkarikɨ, mɨkɨ 'eka tau manatineikatsie patineikakai. Hutarieka mukatarixɨtsie 'eka kaniwa'atɨani 'utsikari,

Nɨawari 135:6

Yawé naime yapɨtiyuriene kemɨtinake, taheima muyuawitsie meta 'ena kwiepa, haramaratsie meta naitsarie meukatetewatsie.

Keremiyaxi 51:16

Tɨranarieya heyuayu, wiyeri kanikuyuaneni muyuawitsie, kwie manu'atɨka paitɨ hai kanewa'iniwani, mimierɨka tsata wiyeri kaneyenɨ'awani, meta 'eka muye'ɨnetɨkatsie peiyepiwa.

Nɨawari 148:8

tee meta merɨkariya, 'ɨwi meta haiwitɨri, 'eka mɨtɨrɨkaɨye meye'atɨwa 'aitsikaya,