Keremiyaxi 9:5 - Kakaɨyari Niukieya

⁵ Yunaitɨ mepɨteyu'itaiyatɨwe, yurikɨ mepɨkateyukuxaxatɨwa. Yuneni mepɨte'uta'ɨkitɨa mɨti'itawanikɨ, meta 'axamepɨteyurie kepaukake memɨti'uxe.

Keremiyaxi 9:5 ပူးပေါင်းရင်းမြစ်များ

'Awakuki 2:13

Yawé Naimekɨmɨtɨrɨkaɨye mɨpaɨ kanaineni, teɨteri tai hetsiemieme mekete'uximayaka meta nuiwarite yakɨ xeikɨa meketeyu'uxitɨaka.

Mikeyaxi 6:12

Xikutsixi kiekaritsie kiekatari 'axamepɨte'u'iyari, kiekatari mepɨte'itawa, yuteta yuneni mepexeiya ti'itawame.

Kitsariyaxi 57:10

Waɨkawa pekuyeikatɨ peputi'uxixɨ, peru mɨpaɨ pepɨka'utayɨ: “'Ena xeikɨa nepɨye'ani”. Pepuyɨwekaxɨa tɨrɨkariya waɨkawa pepukaxei, 'ayumieme pepɨka'u'amɨ.

Kuwi 15:5

'Axamɨti'ane petipitɨakaku 'ateni yakatinihekɨatani, yaxeikɨa pepɨtiuxaxata teyukwamanamete wahepaɨ.

1 Timuteu 4:2

mete'ɨkitatɨ yakɨ xeikɨa metekuxatatɨ, Kauyumarie 'inɨarieyakɨ mepɨtepɨatɨarieni yu'iyaritsie, 'ayumieme pɨkawarutate'ani wa'iyari.

'Epetsutari 4:25

'Ayumieme xeketeneuhayewa xete'itawatɨ, yuxexuitɨ yuri xeketeneyutahɨawi, tanaitɨ 'axeikɨa temɨtaxewinikɨ xeiwaiyaritsie temɨmiemekɨ.

Mikeyaxi 6:3

«Neteɨterima, ¿ne kenexe'uyuri? Yaxekeneteneutahɨawi kepauka nepɨxe'umuinaxɨ.

'Etsekieri 24:12

Tsepanetɨ xari mɨwayukukwitama, tsepa taikɨ 'aixɨa mɨwakɨyɨni pɨkayɨwe.

Keremiyaxi 9:8

Waneni 'ɨrɨ hepaɨ pɨ'anene pɨmɨya, wateni 'itarika xeikɨa pɨmate, 'aixɨa mepɨtekuxata yuhamikuma wahamatɨa, peru yutaɨta mewawiniyatɨwetɨ».

Keremiyaxi 9:3

«Waneni 'itarikakɨ pɨtikuxata xeikɨa 'ɨrɨ tupitsie waɨkawamekɨ mɨtiutamɨni hepaɨ, 'ikɨ kwieyaritsie 'itarika pɨrayu'iwa, tita yuri mɨraine pɨkatixaɨ, 'axa'anemetsie meyuka'uitɨwatɨ matsi kwinimieme mekateniyurieka ne mepɨkanetsimate —Yawé mɨpaɨ kanaineni—.

Kitsariyaxi 5:18

Xɨa'ui kemɨ'ane 'axamɨti'ane memɨte'uhaxime 'itarika kaunariyarikɨ, meta 'axakememɨteyurie memuhaxime kaxeta kaunariyarikɨ.

Temaiwawemete 4:16

'Axateyuruwamete mepɨka'ukakukutsu xɨka 'akuxi 'axakatiyuriweni, mepukakukutsu kepaukake xeime memɨka'una.

Nɨawari 140:3

Yuneni kuu nenieya hepaɨ xeikɨa mepimɨwa, kuu 'uayeya mɨmɨya mepexeiya yutenitsie.

Nɨawari 64:3

Yuneni mepɨmɨwa 'ixipara hepaɨ, meputiniuka niuki 'axa'anɨyɨnemekɨ 'ɨrɨkɨ memɨte'utamɨmɨni hepaɨ.

Nɨawari 50:19

'Axamɨti'anekɨ, 'aneni pepɨtatua, 'aneni puyuwaɨriya mɨtiu'irɨmanikɨ.

Nɨawari 7:14

Xekeneuxeiya 'axamɨtiuka'iyari: 'Axamɨti'anekɨ kanitihukatamɨkɨ, 'itarika kanitiniwemɨkɨ.

Kuwi 11:3

¿Naitɨ mɨkɨ niuki mɨya mɨpaɨme teka'utiniukame tarayeitɨani? Peti'ata'ɨreni xewitɨ tawari kamatsitatieyu.

Tsutɨarika 19:11

Hikɨ mɨkɨ, 'itupari memeu'unakai temari 'ukirawetsixi mekaheunenieretɨ mekanayeitɨarieni, kitenie hakewa mehɨkɨtɨkai mepɨka'itaxeiri.

Nɨawari 52:3

'Aixɨa mɨti'ane pepɨkatinaki'erie, matsi 'axamɨti'ane waɨkawa pepɨnaki'erie, tita yuri mɨraine pepɨkanaki'erie, matsi 'itarika pepɨnaki'erie.

Keremiyaxi 7:28

Hikɨ mɨpaɨ pepɨtiwatahɨawe: “'Ikɨ nuiwari mepɨhɨkɨ Yawé yukakaɨyari niukieya memɨka'u'eni, muwataheitseritɨanikekai memɨka'itanaki'eri. Tita yuri mɨraine wahetsie pumawe meta wateta.

Keremiyaxi 12:6

'A'iwamatɨtɨ, 'axeikɨa nunuiwakate, mepɨmetsi'uku'eiri meta 'axameputiyuane 'ahepaɨtsita. Tsepa waɨkawa witsimemɨmetekɨhɨawe, yuri pepɨkatiwa'eririeka.

Keremiyaxi 12:13

Tɨriku mepuka'e hikɨ xuya mepuka'itsanaxɨ, yakɨ xeikɨa pɨratɨa wa'uxiya. Yawé waɨkawa mɨha'akɨ mepuyutitetewiya tita memɨte'uka'itsanaxɨkɨ».

Keremiyaxi 13:23

¿Kamɨtsɨ 'etiupe tewiyari yunawiyari mupata tiyɨwe, yatɨni tiyɨwe tɨwe meupitu muyutayeitɨani? Yaxeikɨata xeme 'aixɨa xemɨte'uyurieni xepɨkayɨwawe, xepɨ'iyamate 'axaxemɨteyuriekakɨ xeikɨa.

Keremiyaxi 51:58

Yawé mɨpaɨ kanaineni Naimekɨmɨtɨrɨkaɨye: «Wawiruniya kuraruyarite 'amatayeyeu naitɨ kanika'unariemɨkɨ, meta 'itupariteya mumamariwawe pɨtitaiyarieni. Teɨteri yakɨ xeikɨa meputi'uxixɨ, nuiwarite yakɨ xeikɨa mepɨte'uyu'uxitɨa kɨtsi xeikɨa matɨakɨ hikɨ».

Keremiyaxi 51:64

Hikɨta mɨpaɨ ketiniwaretahɨawi: “'Ipaɨ Wawiruniya katinikayunimɨkɨ, tawari pɨka'anukukeniri 'uximatɨarikatsata nemi'atɨirienitsie”». 'Ena kanikɨnɨtsirikeni Keremiyaxi niukieya.

Marakiyaxi 2:10

¿Tamɨ tanaitɨ tame xeime ta'ukiyari xeikɨa tekatehexeiya? ¿Yuxewitɨ xeikɨa Kakaɨyari katatiutawewi? ¿Ketitayaritsɨkamɨ tɨratu meripai kiekatari memiwewi kapatsiekame tete'ayeitɨwa kepauka teyu'iwamatɨ temɨteyu'itaiya?

'Itsɨkate 2:10

Meta mɨkɨ 'ana mana memu'uwakai yunaitɨ mekaniukwini, hipatɨ pɨta mekaniuneni Yawé memɨkamaikai meta 'atsimemɨkatemaikai kemɨtiuyuriekai 'ixaheritsixi wahetsiemieme.

Temaiwawemete 12:5

Teɨteri heitseriemekɨ yamemɨtekahu kememɨteku'eriwa pɨheitserie, matsi 'axatiyuruwame 'ɨxatsieyatsie 'itarika xeikɨa puxuawe.

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».