Keremiyaxi 9:4 - Kakaɨyari Niukieya

⁴ Xekeneyu'ɨwiyani tsepa mɨ'ahamiku, yu'iwama yuri xepɨkatewa'eririeka, tsepa mɨra'iwa mepɨteyu'itaiya, metatsiere hamiku pɨtiuyukananaima.

Keremiyaxi 9:4 ပူးပေါင်းရင်းမြစ်များ

Keremiyaxi 6:28

Yunaitɨ mɨkɨ te'ayuye'uniekate mepɨhɨkɨ, 'axaniukikɨ xeikɨa memuku'uwa, yunaitɨ mɨkɨ wurunitse mepɨhɨkɨ meta tepɨa, 'axa'anemekɨ memɨwewiya.

Mateu 10:21

»'Iwamarixi xewitɨ yu'iwa kaniyetuamɨkɨ mɨmierienikɨ, meta nuariekame yuniwe kaniyetuamɨkɨ. Tɨɨri mekaniyeha'akuni yupaapama wahepaɨtsita meta mekatenita'aitakuni memɨkwi'iwakɨ.

Mawari 19:16

»'Ateɨterima watsata 'axaniuki pepɨkawewieka, meta 'ahepaɨ tewi pe'itatɨ pepɨkahekɨatani. Ne Yawé nekanihɨkɨtɨni.

Keremiyaxi 12:6

'A'iwamatɨtɨ, 'axeikɨa nunuiwakate, mepɨmetsi'uku'eiri meta 'axameputiyuane 'ahepaɨtsita. Tsepa waɨkawa witsimemɨmetekɨhɨawe, yuri pepɨkatiwa'eririeka.

Temaiwawemete 25:18

Kemɨ'ane 'itsɨkame hɨxie mɨtikuxata ti'itawatɨ yuhepaɨ tewi hepaɨtsita, mɨkɨ 'ixipara meta titsuname meta 'ɨrɨ manuyemɨtsɨ hepaɨ kani'aneni.

Temaiwawemete 10:18

Kemɨ'ane 'uxiwe'erika mɨ'awieta mɨkɨ katini'itawani, kemɨ'ane mɨkayuwaɨriya muwapariewienikɨ teɨteri hipame wahetsiemieme kananiuweni.

Nɨawari 15:3

yuniukikɨ hipame mɨkawarekaxɨrɨwa, yu'aurie kiekame 'axamɨkatikuxaxatɨwa, yuhepaɨtewi 'axamɨkayurie,

Tsutɨarika 32:28

Hikɨ tewi mɨpaɨ katinitahɨawe: —Kakuwu pepɨkatitewakari, 'Ixaheri pɨta, Kakaɨyari pemutamikɨ meta teɨteri, pemɨrayu'iwakɨ.

1 Tetsarunikatari 4:6

Xepɨka'anuyehaitɨrɨweni, xepɨka'ikwamana yu'iwa kexemɨteyurie. Ti'aitame 'apɨrapika mɨkɨ naimekɨ, meripai ketemɨtexe'utahɨawixɨ, ketemɨtexekuhekɨatsitɨiya.

Rukaxi 21:16

'Atsita xe'ukiyarima, xe'iwama, xemarema, xehamikuma mekanixeyetuakuni, meta hipatɨ xeme xekanikwi'iwakuni.

Mateu 10:17

»Xekeneyukweriwayurieka teɨteri wahepaɨtsita, mɨkɨ mekanixeyetuakuni yu'itsɨkate wahetsɨa meta mepɨxetiwani yutukiteta.

'Etsekieri 22:9

Mana memu'uwa 'itarikakɨ 'axameteyurietɨ xuriya memɨtayeuriwa, meta tukite yeuta meuti'uta timieme mepɨtekwa'a, mana paitɨ waɨkawa 'axamemɨteyurie.

Temaiwawemete 6:19

kemɨtiunierixɨ ti'itawatɨ mɨtikuxata, meta kemɨ'ane yu'iwama mɨwakwamana memuyukwitɨwenikɨ.

Temaiwawemete 6:16

'Ataxewitɨ kanixuaweni teɨteri kememɨteyurie Yawé mi'uxiwe'erie, meta xeime matsi mixani'erie:

Nɨawari 101:5

Kemɨ'ane 'awie yu'iwa hepaɨtsita 'axamɨtayɨni, yuheyemekɨ ne kayuwatɨ nepipitɨani, kemɨ'ane mariweme mayuyeitɨwa meta timaiweme nepɨkayɨwe nemɨtinewiriekakɨ.

Kitsariyaxi 59:13

Temɨkaheu'enana tepɨhɨkɨ, Yawé tepɨka'anu'eni. Takakaɨyari tepuwarixiwiyaxɨ. Teɨteri tepuwananaima meta tepɨwakwamana, 'itarikakɨ tepɨtekuxata ta'iyaritsie mayeneikakɨ.

Keremiyaxi 9:8

Waneni 'ɨrɨ hepaɨ pɨ'anene pɨmɨya, wateni 'itarika xeikɨa pɨmate, 'aixɨa mepɨtekuxata yuhamikuma wahamatɨa, peru yutaɨta mewawiniyatɨwetɨ».

Marakiyaxi 2:10

¿Tamɨ tanaitɨ tame xeime ta'ukiyari xeikɨa tekatehexeiya? ¿Yuxewitɨ xeikɨa Kakaɨyari katatiutawewi? ¿Ketitayaritsɨkamɨ tɨratu meripai kiekatari memiwewi kapatsiekame tete'ayeitɨwa kepauka teyu'iwamatɨ temɨteyu'itaiya?

Temaiwawemete 4:16

'Axateyuruwamete mepɨka'ukakukutsu xɨka 'akuxi 'axakatiyuriweni, mepukakukutsu kepaukake xeime memɨka'una.

Temaiwawemete 4:17

'Axamɨti'ane kaniwa'ikwaitɨni, meta nanaimarika kaniwawinutɨni.

Kitsariyaxi 9:16

Kemɨ'ane 'ikɨ kiekari memuwitɨxime mepeiyehɨa, kemɨ'ane memuwitɨkiexime mepɨ'iyɨrie.