Keremiyaxi 9:3 - Kakaɨyari Niukieya

³ «Waneni 'itarikakɨ pɨtikuxata xeikɨa 'ɨrɨ tupitsie waɨkawamekɨ mɨtiutamɨni hepaɨ, 'ikɨ kwieyaritsie 'itarika pɨrayu'iwa, tita yuri mɨraine pɨkatixaɨ, 'axa'anemetsie meyuka'uitɨwatɨ matsi kwinimieme mekateniyurieka ne mepɨkanetsimate —Yawé mɨpaɨ kanaineni—.

Keremiyaxi 9:3 ပူးပေါင်းရင်းမြစ်များ

Keremiyaxi 9:8

Waneni 'ɨrɨ hepaɨ pɨ'anene pɨmɨya, wateni 'itarika xeikɨa pɨmate, 'aixɨa mepɨtekuxata yuhamikuma wahamatɨa, peru yutaɨta mewawiniyatɨwetɨ».

Xumatari 3:13

«Waxɨrɨwame mɨki terɨya kanihɨkɨtɨni reutenitɨ, mepɨte'irɨma yunenikɨ». «Xaye 'uayeya wateta payeka».

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».

'Itsɨkate 2:10

Meta mɨkɨ 'ana mana memu'uwakai yunaitɨ mekaniukwini, hipatɨ pɨta mekaniuneni Yawé memɨkamaikai meta 'atsimemɨkatemaikai kemɨtiuyuriekai 'ixaheritsixi wahetsiemieme.

Keremiyaxi 31:34

Pɨkayɨweniri xewitɨ yuhepaɨ tewi mɨti'ɨkitɨakakɨ meta yu'iwa mɨpaɨ haitɨ: “Yawé kenemateni”, karikɨ yunaitɨ, 'etsimemuyumate paitɨ meta 'amemuyumate mekanenetimaikuni —Yawé mɨpaɨ kanaineni—. Ne ke'axamemɨte'uyurikɨ nekatiniwareuyehɨwiriemɨkɨ, hatsuakuri nepɨkahaye'erieni».

1 Tsamuheri 2:12

'Eri niwemama 'axamepɨte'u'iyarikai, Yawé mepɨka'eniekai.

Matsiɨkɨtɨ kemɨratɨa 12:11

Mɨkɨri mekane'iwa Muxa xuriyayakɨ, meta memɨtekuxatakaikɨ meyuhekɨatatɨ, yutukari memɨka'utikwerikɨ tsepa memukwi'iwaxɨ.

Kura 1:3

Nenaki'erima, kwini mieme nekaninemexɨitɨakaitɨni nemɨtixeti'utɨirienikɨ tanaitɨ 'axeikɨa ketemɨtetawikweitsitɨariexime hepaɨtsita, peru kaneuyeweka yanemɨtixeti'utɨirienikɨ hikɨ waɨriyarika nexepitɨatɨ xemɨyukwitɨwenikɨ tita yuri temɨte'erie hetsiemieme, tita Kakaɨyari teɨterimama xeimieme temɨteyetuiriyarie hetsiemieme.

2 Timuteu 3:13

Matsi teɨteri 'axamemɨteyuriku memɨteyukwamana, waɨkawa 'axame'anenetɨ mepakɨnirɨmeni mete'irɨmatɨ mete'irɨwiyarietɨ meta.

Piriputari 1:28

memɨxe'aye'unie xepɨkawarayemakaxeni kepauka mɨkɨ memɨxemariutani. Mɨpaɨ xeteyurietɨ 'inɨari xenakɨnikuni wahepaɨtsita, kememɨteheuyehɨiyani. Xemeta yuhetsiemieme 'inɨari xepakɨne Kakaɨyari kemɨtixe'utawikweitsitɨa.

Xumatari 1:28

Mɨpaɨ memɨkateku'eriwakaikɨ kename 'aixɨa 'ane Kakaɨyari ma'eriwanikɨ, 'ayumieme Kakaɨyari kaniwayetuani kemɨkatinake yamemɨteku'eriwanikɨ, kemɨkatinake memɨteyuriekakɨ.

Xumatari 1:16

Nepɨka'itewiya niuki 'aixɨa manuyɨne, tɨrɨkariya kanihɨkɨtɨni Kakaɨyari hetsɨa mieme, yunaitɨ yuri memɨte'erie memɨtawikweitsitɨarienikɨ kani'ayumiemetɨni, huriyutsixi meri, kɨriyekutsixi meta.

Wani 17:3

'Ikɨ tukari mɨkaxɨwe kanihɨkɨtɨni, memɨmatsimaikakɨ 'ekɨ pe'axewitɨ yuri pemɨkakaɨyari, memɨnetsimaikakɨ neta Ketsutsi Kɨritsitu pemɨnetsiheyenɨ'a.

Marikuxi 8:38

Hikɨ miemete hipame wa'ɨitama memɨwakumaɨwa 'axamemɨteyuruwa watsata 'uyeikatɨ, kemɨ'ane mɨnetsitewiya mitewiya neniuki, neta Yuri Tewi kenemɨtitewa nekanitewiyakamɨkɨ 'iya kepauka nemunuani ne'ukiyari hepaɨ nemariwetɨ, netupiritsixima memɨpatsie Kakaɨyaritsie mieme wahamatɨa.

Keremiyaxi 22:16

Kemɨ'ane tixaɨtɨ mɨkarexeiya puparewiekai meta kemɨ'ane mɨreuyehɨwa, 'ayumieme 'aixɨa 'iyari puyeikakai. ¿Mɨpaɨ kati'ane kemɨ'ane mɨnetsimate? —Yawé mɨpaɨ kanaineni—.

Keremiyaxi 9:5

Yunaitɨ mepɨteyu'itaiyatɨwe, yurikɨ mepɨkateyukuxaxatɨwa. Yuneni mepɨte'uta'ɨkitɨa mɨti'itawanikɨ, meta 'axamepɨteyurie kepaukake memɨti'uxe.

Keremiyaxi 7:26

Mɨyatɨtɨ yamepɨkatekakɨ mepɨkanetsi'anu'eni, matsi yu'iyari meputseiriyaxɨ yu'ukiyarima wareuyeta mete'u'iyaritɨ mepakɨ”.

1 Kurinitutari 15:34

Xekeneyuta'eriwani heitseriemekɨ kemɨreuyewetse, 'axaxepɨkateyurieka. Hipatɨ xeme 'atsixepɨkatehetimaiwawe Kakaɨyari hepaɨtsita. 'Ipaɨ nepaine nexetewiyatsitɨanike.

Mawari 19:11

»Pepɨkatinawayani. »Xepɨkateyu'itaiyani. »'Ahepaɨ tewi pepɨkati'irɨwiyani.

Kitsariyaxi 1:3

Tuuru kwietsaname yukutsiyari kanimateni meta puxu kanemarieka hakewa kutsiyarieya mɨreitimikwa, peru 'ixaheritsixi mɨpaɨ mepɨkatemate, neteɨterima mepɨkaheu'enana».

Kitsariyaxi 3:5

Yuxexuitɨ hipame wahamatɨa mepuyuti'uximatɨani: yuhepaɨ 'ukitsi mepuyu'uximatɨaka, yu'aurie kiekatari, temaikɨ, 'ukiratsi hamatɨa, tewi tixaɨtɨ mɨkatihɨkɨ, waɨkawa mɨtiyunaki'erie hamatɨa.

Kitsariyaxi 6:5

Hikɨ nekaniutahiwa: «Xɨa'ui ne, nehetsie pɨrahɨiwa. Tewi nepɨhɨkɨ neteta mɨkati'itiya pɨrayeneika meta teɨteri 'axame'utiyuaneme watsata nepuyeika, matsi Ti'aitame nepuxei, Yawé Naimekɨmɨtɨrɨkaɨye».

Keremiyaxi 5:4

Hikɨ mɨpaɨ nepɨtiu'eri: «Mɨpaɨ pɨ'ane hawerimɨ'ane, memɨka'u'iyarini wahepaɨ mepɨte'u'uwa, memɨka'imatekɨ Yawé huyeya meta yukakaɨyari 'aitsikateya.

Keremiyaxi 5:5

Memanuyetei wahetsɨa nepumie hikɨ nepɨtiwaretaxatɨani, mɨkɨ hɨrixɨa mepimate Yawé huyeya meta kemɨti'aita wakakaɨyari». Peru mɨkɨta yuyuku mepanumuraxɨ meta kaunari kɨmana memɨhɨatɨkatei xekananutekixɨani.

Tanieri 11:27

Yunaitɨ yuhutatɨ te'aitamete xeimexayaritsie me'utitetɨ, yunaitɨ kememɨteyunanaimani xeikɨa mekateniku'eriwakuni, meteyu'itaiyatɨwetɨ xeikɨa, peru mɨkɨ yakɨ xeikɨa katinayeimɨkɨ, 'akuxi 'imatɨrieka tukari mɨka'aye'awenikɨ.

Tsutɨarika 39:16

Hikɨ 'ukaratsi Kutse 'ixurikieya kaniuti'uta, yukɨna mɨtitaxatɨanikɨ nuayuke.

'Itsɨkate 14:17

Peru mɨkɨ kaniutitsuani 'atahuta tukari kemɨreuterixɨ 'ixɨarari, 'imatɨrieka tukari, Tsanitsuni yakatinitahɨawe, mɨkɨ waɨriyarika yamɨtikɨhɨawekaikɨ. Peru mɨkɨ muyɨ yukie kiekatari katiniwarutaxatɨani kehepaɨ manuyɨnekai.

Temaiwawemete 12:5

Teɨteri heitseriemekɨ yamemɨtekahu kememɨteku'eriwa pɨheitserie, matsi 'axatiyuruwame 'ɨxatsieyatsie 'itarika xeikɨa puxuawe.

Kitsariyaxi 9:18

'Axamɨti'ane tai hepaɨ panutitetere 'ɨtsi meta xuya mɨtixɨxɨtsitɨwa, meta kɨyexi 'amayetsuye mɨtaiyawe hikɨ panutiyeika teɨka hepaɨ, kɨtsi 'a'utewime hetsie.

Keremiyaxi 6:28

Yunaitɨ mɨkɨ te'ayuye'uniekate mepɨhɨkɨ, 'axaniukikɨ xeikɨa memuku'uwa, yunaitɨ mɨkɨ wurunitse mepɨhɨkɨ meta tepɨa, 'axa'anemekɨ memɨwewiya.

Keremiyaxi 12:6

'A'iwamatɨtɨ, 'axeikɨa nunuiwakate, mepɨmetsi'uku'eiri meta 'axameputiyuane 'ahepaɨtsita. Tsepa waɨkawa witsimemɨmetekɨhɨawe, yuri pepɨkatiwa'eririeka.

'Etsekieri 8:13

Mɨpaɨta kaniutayɨni: «Tawarita matsi waɨkawa 'axameteyuriekame pekaniwaxeiyamɨkɨ».

Nɨ'ariekate 24:9

Meta huriyutsixi mekaniniukimakaitɨni, mɨpaɨ me'utiyuatɨ kename naitɨ tiyuritɨkai.