Keremiyaxi 8:9 - Kakaɨyari Niukieya

⁹ Memɨtemaiwawe mepɨtewiyarikatsitɨarieni, mepɨtiwiyarieni mepɨteka'eniexɨani. Xɨka me'iku'eirieni Yawé niukieya, ¿ketitakɨ metemaiwawetɨ metehakɨne?

Keremiyaxi 8:9 ပူးပေါင်းရင်းမြစ်များ

Keremiyaxi 6:15

¿Kamɨtsɨ mete'uyutitetewiyaxɨ kemɨtixani'eriwakɨ yamete'uyurieka? Hawaikɨ, tixaɨtɨkɨ mepɨkateyutitetewiyawawe, mepɨka'imate paitɨ tita mɨtitewiyarika. 'Ayumieme, tsepari kemɨ'ane memɨwarutakwi, kepauka 'uximatɨarika wahetsie nemɨkawiwieni, nepɨwaka'una», Yawé kanaineni.

Kuwi 5:12

Mete'akumaitɨ kememɨteyuriku mɨkɨ yamɨtiyɨnikɨ pɨkatikupitɨwa, wa'uximayatsika tixaɨtɨ pɨkatitixuawitɨani.

Keremiyaxi 6:19

Neuxei, kwiepa xemɨtama naitsarie xekeneu'enana: 'Ikɨ teɨteri wahetsie 'uximatɨarika nepɨ'atɨani, ke'axamemɨteyɨkɨhɨawekaikɨ xeikɨa, neniuki memɨka'u'enikɨ, matsi ne'ɨkitɨarika mepehɨa.

Kitsariyaxi 19:11

Tsuhani kiekatari memanuyetei 'atsimemɨkatemate mepɨhɨkɨ, 'ɨxatsitamete waɨkawa memɨtemaiwawe Parahuni mepɨ'ɨxatsitɨa tixaɨtɨ 'atsimekatemaitɨ. ¿Titayari mɨpaɨ xete'ikɨhɨawe: «Ne xewitɨ memɨtemaiwawe nekanihɨkɨtɨni, te'aitamete meripaitɨ miemete memɨnete'uta'ɨkitɨa»?

Nɨawari 19:7

Yawé tɨratuya 'aixɨa kani'aneni: hekwame tukari katiniyupitɨwani. Yawé 'aitsikaya hetsie yuri mɨti'erie 'aixɨa kaniyurieka: 'atsimɨkatimate timaiweme kanayeitɨwani.

Hutarieka 'inɨari 4:6

Xekenaye'atɨaka meta yaxeketeneu'uwani, mɨpaɨ 'ana xepɨtematsiɨkɨre kename xete'uyemate xetemaiwawe hipame nuiwarite wahɨxie. Mɨkɨ mepitamarieni naime 'ikɨ 'inɨari niukiyari, hikɨ 'ana mɨpaɨ mepɨtiyuani: “Yurikɨ, 'ikɨ teɨteri mepɨte'akumate meta mepɨtemaiwawe, 'ikɨ nuiwari memɨmariwe mepɨhɨkɨ”.

2 Timuteu 3:15

Mɨpaɨ pepɨtimate nunutsiyari paitɨ pemɨtimaikaikɨ kemaine 'utɨarika xapayari mɨpatsie, mɨkɨ pɨyɨwe petimaiweme mɨmatsi'ayeitɨanikɨ pemɨtawikweitsitɨarienikɨ yuri peti'erietɨ, mɨpaɨ kemɨtiyɨwe Kɨritsitu Ketsutsi hetsie tiwiyatɨ.

'Etsekieri 7:26

Kwitɨwa yu'utɨma heu'utɨ kani'axɨakuni kwiniya, meta niuki 'axamanuyɨtɨka mukuxata. Kakaɨyari niukameya 'atsipɨkatiniereniri, mawari wewiwame pɨkati'ɨkitaniri, meta 'ukirawetsixi mepɨka'uye'ɨxatsini.

Keremiyaxi 49:7

Yawé mɨpaɨ kanaineni Naimekɨmɨtɨrɨkaɨye 'Erumi hetsiemieme: «Kaniumaweniri memɨtemaiwawe Temani kwieyaritsie. Memɨtemaiwawekairi mepɨkatekuxata mete'uyemaitɨ. ¿Kamɨtsɨ kemɨtimaiwe tiutsewiximarie?

Kitsariyaxi 8:20

ne mɨpaɨ nekatinixehahɨaweni: «'Inɨari niukiyari meta kepemɨtiwatahekɨatɨanikɨ mɨ'ayumiemetsie xeketenewiyani». Kemɨ'ane mɨkɨtsie tiwiyatɨ mɨtihayewa, 'uxa'atɨni pɨkakahekɨariwiyarieni.

2 Te'aitamete 17:15

Mepɨka'itanaki'eri 'aitsikate meta Yawé kemɨtiwarayehɨtɨwakai, meta tɨratu kemɨtiuwewiekai wa'ukiyarima wahamatɨa mekaniku'eirieni. Kakaɨyarixi memɨwewiyatɨka tixaɨtɨ memɨkatehɨkɨ mewarayexeiyatɨ mepakɨ, yaxeikɨata mɨkɨ tixaɨtɨ mekatehɨmetɨtɨ mepakɨ, nuiwarite wa'aurie memɨtitekai wayeiyari mepanukuwei.

Kitsariyaxi 29:14

'Ayumieme, tawarita 'ikɨ teɨteri nekaniwahɨxiyatsitɨamɨkɨ mariwemekɨ netiyurienetɨ, temaiwawemete kememɨtemaiwawe mekaneiyehɨakuni kememɨteheutamaiwawekai metematetɨri mepɨka'akɨne».

Keremiyaxi 15:6

Yawé mɨpaɨ kanaineni: «'Ekɨ pepɨnetsi'uku'eiri, 'a'utɨa pepetɨa. Nemamá 'ahetsie nekanitatseramɨkɨ nekamenika'unamɨkɨ, nepu'uxeri nematsinenimayatɨ.

Keremiyaxi 19:7

'Ikɨ kwieyaritsie Kura kememɨteku'eriwakai meta Kerutsareme mɨpaɨ nepɨkatiwapitɨani, yanekatiniyurimɨkɨ 'ixiparakɨ memɨkwi'iwakɨ memɨwaraye'unie wahɨxie, tatsɨari kemɨ'ane memɨwarakumaweriyakekai wahetsɨa, wawaiyari nekanihayewamɨkɨ wirɨkɨxi wahetsiemieme meta yeutari, wa'ikwai mɨrayanikɨ.

'Amuxi 2:4

Yawé mɨpaɨ paine: «Kura ke'axamɨtiuyuri waɨkawa katiniuyurieni, 'ayumieme nepɨkareiyehɨwirieni: Mɨkɨ yu'itarikatsie metewitɨ mepeuyexɨri, kememɨte'uyuri watutsima, mepiku'eiri Yawé 'aitsikaya mepɨkaheye'atɨa kemɨtiu'aitaxɨ.

Tsakariyaxi 13:4

»'Iya tukaritsie Kakaɨyari niukametemama mepɨyutitetewiya kemɨtiyɨni kememɨtenieritɨarie hepaɨtsita. Hipameri mepɨkatewa'itaiya nawi kamixayari me'anakatɨkɨtɨ,

Kuwi 5:13

Memɨte'akumate Kakaɨyari yakatiniwakupitɨwani kememɨteku'eriwakaitsie memuyukaxɨrienikɨ, meta 'axamemɨte'u'iyari kememɨte'uxa hepaɨtsita katinanu'unani.

Kitsariyaxi 43:27

'Axiɨyari mexɨakame 'axakatiniuyurieni, 'aniukamete menetsi'aye'unietɨ mekanakɨne.

Keremiyaxi 2:8

Hatsuaku mawari wewiwamete mɨpaɨ mepɨka'utiyua: “¿Hakewari Yawé?” 'Inɨari niukiyari memakumate hatsuaku mepɨkanetsi hetima, teɨteri wahetsiemieme memanuyetekai menetsi'aye'unietɨ mepakɨ, neniukamete Wahari hetsiemieme pɨta mepɨte'utaxa meta kakaɨyarixi tixaɨtɨ memɨkateyunaki'erie pɨta mewaruweiyatɨ mepakɨ.