Keremiyaxi 8:2 - Kakaɨyari Niukieya

² Tau hɨxie tiheitɨ kanayeimɨkɨ meta metseri hɨxie, meta yunaime xurawetsixi muyuawitsie miemete wahɨxie, mɨkɨ muyuawitsie miemete memɨwanaki'eriekai, memɨwarayexeiyakai memuwaruweiyakai meta memɨwarahɨawekai. Wa'umete pɨkaku'ɨiyani meta pɨkakateukieni, kwitarai hepaɨ kwiepa puyuhayewa.

Keremiyaxi 8:2 ပူးပေါင်းရင်းမြစ်များ

2 Te'aitamete 23:5

Yaxeikɨata kaniwarutaweiya mawari wewiwamete kakaɨyarixi memɨwarayexeiyakai Kura kwieyaritsie te'aitamete memɨwaru'uitɨakai 'ɨkwa memutitaiyanikɨ kakaɨyarixi mawari mematitairiyarɨwakaitsie, Kura kiekariteyaritsie meta Kerutsareme kiekariyaritsie, mɨkɨ 'ɨkwa Wahari mekaniutitairiwakaitɨni, tau, metseri, meta yunaime xurawetsixi meta tsimanixi.

Nɨ'ariekate 7:42

Hikɨ Kakaɨyari pɨwaruku'eiri, pɨwayetua muyuawitsie memɨteheukatei memɨtewarayexeiyanikɨ. Mɨpaɨ kemɨraka'utɨarie Kakaɨyari niukametemama waxapayaritsie mɨpaɨ 'anuyɨtɨ: »“Teɨteri 'ixaheritsixi, mawari xepɨkanetsi'uwewiri meta 'imikieri, makumawetsie xe'uhutɨ huta tewiyari wiyari.

Keremiyaxi 9:22

Mɨkite mepeutihe hayekɨa kwitarai hepaɨ mɨraka'etsitɨretsie, mɨaxa hepaɨ 'ihɨayame 'utɨa mɨyehixime, xewitɨ mɨka'iti'ɨwe», Yawé mɨpaɨ kanaineni.

Hutarieka 'inɨari 4:19

Matsi kepauka teikɨ xeheneniereme mana xemɨtexeiya naitɨ tita hetsiena mɨtixuawe muyuawitsie miemete xemɨwaxeiya —tatsɨari tau, metseri meta xurawetsixi— xɨka xekuyuitɨariwani xemɨwarayexeiyanikɨ, mɨkɨ xepɨkawarayexeiyani. Mɨkɨ muyuawitsie memeukatei Yawé takakaɨyari kaniwaranayexeiya, nuiwarite kwiepa memɨtama wakakaɨyarixima memɨhɨkɨtɨnikɨ

Tsupuniyaxi 1:5

meta kemɨ'ane yukii heima memukatunuma'uwe, muyuawitsie miemete xurawetsixi mewarayexeiyatɨ, meta kemɨ'ane metitunuma'utɨ, kename Yawé me'ayexeiya memutiyuane, kwitɨwata kakaɨyari Muruki yaxeikɨa memɨtehahɨawe,

'Etsekieri 8:16

Hikɨ kanenewitɨni tuki taɨtapaitɨ yamuyeyewatsie. Tuki mɨranutakɨkatɨretsie 'imatɨrieka kii meukuwewiya 'aurie meta mawari taiyametsie, muwa mekanayetekaitɨni xeitewiyari heimana meyu'aɨxɨwitɨ, tau manatineika meheutanenieretɨ, tau mekanayexeiyakaitɨni, Yawé tukieya mewarixiwiyatɨ.

Keremiyaxi 36:30

'Ayumieme Yawé mɨpaɨ kanaineni, Kuhatsimi, Kura kwieyaritsie ti'aitame hetsiemieme: “Xewitɨri mɨkɨ nuiwarieya Rawiri 'uwenieyatsie pɨkahayerɨni, kaxarieya nehɨiyamɨkɨ, xɨripa nihuimɨkɨ meta tɨkarikɨ haɨtɨpa kaniukaikamɨkɨ.

Keremiyaxi 22:19

Puxu hepaɨ katineteukiemɨkɨ, Kananuyehaniemɨkɨ kanehɨiyamɨkɨ, Kerutsareme kitenieyaritetsie 'ateewa paitɨ».

Keremiyaxi 19:13

Naitɨ kiite Kerutsareme mieme meta naitɨ te'aitamete waparatsiyu Kura mieme, tatsɨari, naitɨ mɨkɨ kiite heima 'ɨkwa mutitaiyarie xurawetsixi wahetsiemieme, meta mana kaxie winuyari memutiyeuri hipame kakaɨyarixi wahetsiemieme, mɨkɨ naitɨ ka'itiyatɨ kanayeimɨkɨ Tupeti hepaɨ”».

Keremiyaxi 16:4

«Mekanikwikuni waɨkawame kwiniya 'axa'anenemekɨ. Xewitɨ pɨkayuhayewa mɨtatsuani wahetsiemieme meta mɨwakateukukɨ, kwiepa mekaniyuhayewakuni kwitarai hepaɨ. 'Ixipara meta haaka kaniwarakuxɨtɨamɨkɨ, wakaxari wirɨkɨxi meta yeutari wa'ikwai katinayeimɨkɨ».

Nɨawari 83:10

mɨkɨ 'Eniruxi mɨrakutwatsie memukwi kwiepa memuyuhayewaxɨ kwitarai hepaɨ.

2 Te'aitamete 21:3

Hekwamekɨ kanitiwewieni mawari matitaiyarɨwa kakaɨyarixi wahetsiemieme paapaya 'Etsekiyaxi miti'unakai, meta tawari hipame mawari matitaiyarɨwa kaniutiwewieni Wahari hetsiemieme meta 'uka 'Atserá kakaɨyariyari 'ɨkiyari xeime kaniutawewieni, 'Akawi kemɨtiuyuri hepaɨ 'Ixaheri kwieyaritsie ti'aitame. Yunaime xurawetsixi muyuawitsie miemete puwarayexeiyakai wahɨxie pukatunumakekakai.

Tsupuniyaxi 1:17

Ne nepɨwaranukuweiya teɨteri nekawa'uxipitɨatɨ, memɨkaheuneniereni hepaɨ me'anenetɨ mepu'uwani, Yawé hepaɨtsita 'axamemɨte'uyurikɨ. Waxuriya nitayeuriyamɨkɨ tumuanari hepaɨ, meta wakwinurite kwitarai hepaɨ pɨtiyuxexeiyani.

Ti'ɨkitame 6:3

Tewi xɨka warexeiyani xeitsienituyari yuniwema, meta mɨixa wiyari 'uyeikatɨ, tsepa kepaɨmexɨa muyeikani xɨka kayukatemawiwani 'aixɨa mɨti'anekɨ, meta xewitɨ ka'ikateuku, matsi 'aixɨa kani'aneni nunutsi mɨtinuiwa mukitɨ keyuri mɨkɨ.

2 Te'aitamete 21:5

Yawé tukieya manuwe huta takwayaritsie mawari matitaiyarɨwa kaniutiwewieni yunaime xurawetsixi wahetsiemieme.

2 Te'aitamete 17:16

Yawé yukakaɨyari 'aitsikaya naime mepuku'eiri, meta yuhutame kakaɨyarixi mekaniwarutiwewieni tepɨakɨ tsikeru hepaɨ meteyuxexeiyame, xeimeta 'uka 'Atserá kakaɨyariyari 'ɨkiyari. Mekaniukahɨxima'uni tau, metseri meta xurawetsixi wahɨxie meta Wahari mekanayexeiyakaitɨni,

Hutarieka 'inɨari 17:3

meta kenemɨtixe'aitɨa yamɨkatikamie kaniyɨaneni, hipame kakaɨyarixi mɨwarayexeiyakɨ, wahɨxie mukatunumakekakɨ yatɨni tau mayexeiyakɨ, metseri meta xurawetsixi muyuawitsie miemete.

Nɨawari 53:5

Mekaniwamariutani xeikɨa, kepauka mɨkaheuyewetse memɨmamakakɨ. Kemɨ'ane memɨmetsi'aye'uniekai wa'umete Kakaɨyari kaniutaxɨrieni, 'ekɨ pekaniwatewiyatsitɨamɨkɨ, Kakaɨyari mɨwarayexɨrikɨ xeikɨa.

Keremiyaxi 14:16

Meta teɨteri memɨte'utaxatɨarie Kerutsareme kayeyari 'utɨma menixɨrietɨkɨnikuni haakakɨ meta 'ixiparakɨ, pumaweni kemɨ'ane mɨkɨ mɨwakateuku, wa'ɨitama, waniwema 'ukitsi, meta waniwema 'ukari, mɨpaɨ nepɨtiwarakapitɨani ke'axamemɨte'uyurikɨ”.

Keremiyaxi 16:11

Hikɨ mɨpaɨ pekatiniwata'eiyamɨkɨ: “Meripaitari xe'ukiyarima memɨnetsi'uku'eirikɨ, hipame pɨta kakaɨyarixi memuwaranukuweikɨ, metewa'uximayatsirietɨ memakɨkɨ meta mewarayexeiyatɨ 'ayumieme xepɨte'anuyehu. Ne mepɨnetsi'uku'eiri, 'inɨari niukiyari mepɨkahaye'atɨa —Yawé mɨpaɨ kanaineni—.

Keremiyaxi 31:40

Naitɨ mayeweri hakewa mɨkite memeukaxɨriwa meta naxi, naitɨ kwietsanari, Kiruni 'akiyaritsie paitɨ meta kawayutsixi wakitenieyaritsie, mutatsikuri tau manatineika hepatsie, mɨkɨ kanipatsiekamɨkɨ Yawé hetsiemieme. Hatsuakuri kiekari pɨkahahunarieni meta pɨkaka'unarieni».

'Etsekieri 6:5

Huu, kakaɨyarixi 'axamemu'ɨatɨka wahɨxie memɨkwinikɨ 'ixaheritsixi yanepɨtiyurieni, wa'umete nekanitaxɨrimɨkɨ mawari mematitaiyatsie 'aurie.

'Etsekieri 29:5

Makumawetsie nepɨmatsiku'eirieni, meta tsapari 'ahamatɨa mepuyuhayewa. Mana pepɨkaweni hayekɨa, pepɨka'anukukweiyani pepɨkakateukieni. Yeutari meta memɨte'awɨwawe wa'ikwai nepɨmatsihayeitɨani.

Nɨawari 83:11

'Urewi meta Tsewi kepemɨwaruyuri mɨpaɨta keniwaruyuri memanuyetei mana memɨtama, memanuyetei te'aitamete yaxeikɨa keniwaruyuri kepemɨwaruyuri hepaɨ Tsewa meta Tsarimuna,

Keremiyaxi 9:20

'Ukarawetsixi, xekeneu'eni Yawé niukieya, xenakate ke'i'enieni niuki tetana mieme. Yuniwema 'ukari xeketenewa'ɨkitɨaka kwikari hiwerikapa mieme, meta hipatɨta mekeyuti'ɨkitɨani 'ikɨ hiwerika kwikariyarikɨ:

Keremiyaxi 9:21

«Mɨɨya 'ituparite 'etsimayeyeutsie nenieremeta kaneutahani, taparatsiyuta kaneutahani, tɨɨri kaniwarutayuniya kaye'utɨma memu'uwakai, meta temari teɨteri memayukuxexeɨriwatsie memu'uwakai.

Keremiyaxi 16:6

'Ikɨ kwieyaritsie mekanikwikuni 'amemɨyumate meta 'etsimemɨyumate, xewitɨ pɨkayuhayewa wahetsiemieme mɨtatsuanikɨ, meta mɨwakateukukɨ, nixewitɨtɨma yuwaiyaritsie pɨkayuxiteni wahetsiemieme meta pɨkayukaxini.

Keremiyaxi 25:33

'Iya tukaritsie, Yawé muwakwini naitsarie kwie manuye'atɨkatsie paitɨ menitixuawerikuni. Nixewitɨ wahetsiemieme pɨkatatsuani meta pɨkawakateuku, herie kwiepa mekaniyuhayewakuni kwitarai hepaɨ.

'Etsekieri 39:5

Yeuta paitɨ pekanikawemɨkɨ, ne mɨpaɨ nemainekɨ. Tai nekananunɨ'amɨkɨ Makuki hetsie meta yu'iyarikɨ haramara tetsita memukutei wahetsie. Hikɨ 'ana mɨpaɨ mepɨtehetimani kename ne, Yawé nehɨkɨ. Yawé naimekɨmɨyɨwe mɨpaɨ kanaineni.