Keremiyaxi 8:16 - Kakaɨyari Niukieya

¹⁶ Rani kiekariyaritsie pa'eniɨriɨkɨ kawayutsixi wapuxerikayari, meta kepauka memetitsuana, naitɨ kwie puwatayuane. 'Ikɨ kwieyari meka'unake 'umekanahuni, meta naime tita mana mɨtixuawe, kiekari meta mana kiekatari».

Keremiyaxi 8:16 ပူးပေါင်းရင်းမြစ်များ

'Itsɨkate 18:29

Rani meteniterɨwa yututsi mema'eriwanikɨ kemɨtitewakai, 'Ixaheri nu'aya mɨhɨkɨtɨkai, tsepa meripaitɨ mɨkɨ kiekari Rahitsi mɨtitewakai.

'Itsɨkate 5:22

Muratsixi wakeya payuane, muwa mepanautsaxɨaxime, muwa mepanautsaxɨaxime kawayutsixi memɨtɨrɨkawi.

1 Kurinitutari 10:28

Peru xewitɨ xɨka mɨpaɨ tixe'utahɨawe: «'Ikɨ tete mawarieya kanihɨkɨtɨni», matsi xepɨka'ikwaka, xehe'eriwatɨ kemɨ'ane yamɨtixe'utahekɨatɨa, xehe'eriwatɨ kemɨtiyumate, kapa yuti'iyaritɨanikɨ.

1 Kurinitutari 10:26

«Kwie Ti'aitame tipiinieya katinihɨkɨtɨni, naitɨ kwiepa mɨtixuawe katinipiinieyatɨnita».

'Awakuki 3:10

hɨrite mematsixeiyatɨ mekaniutimamani. Waɨkawa wiyeri 'ekamatɨ kaniukaxɨrieni, meta hamewari 'amatiyewatsie mieme kaniuyutihaxɨatɨwani, hamewariyari 'anenetɨ muyuawitsie paitɨ kaneutimemeni.

Nahumi 3:2

Kaunari 'iwaɨyɨpame yuariyaya kana'eniɨriɨkɨni, meta kaxeta 'ɨkateya yuariyari, kawayutsixi watɨranari, kaxetate wayuariya,

Keremiyaxi 47:3

Mewa'enietɨ wakawayutsixi wanautsari wakaxetate wayuarika me'enietɨ meta kaxetate waketate me'enietɨ, wapaapama yuniwema 'ukitsi mepɨwata'e'eiriwa, mepɨkatɨrɨkawi marikakɨ.

Keremiyaxi 10:25

Hipame nuiwarite wahetsie pɨta 'ahaxɨa keneukanɨ'a, memɨkamatsimate wahetsie, meta 'iya memɨkamatsihahɨawe wahetsie. Karikɨ Kakuwu mekaniutakwani, naime mekanaxɨni, meta kiena makumawe mekanayeitɨani.

Keremiyaxi 6:23

Tupi mepu'ɨ meta pitsika, mepayu'eririya meta mepɨkateyukanenimaya. Wahiwari haramara hepaɨ pɨtiyu'eniɨriɨkɨ, meta kawayutsixi wahetsie meputei. Tsiyuni niweya witsipemɨti'ɨimari, 'ahetsɨa mepɨta'erie, meyuha'aritɨatɨ memɨyutakwinikɨ».

Keremiyaxi 4:24

Hɨrite nepuxei, puyɨyɨakatɨkatei, naitɨ yemurite pɨti'unikekai.

Nɨawari 24:1

Yawé kwie naitɨ pɨtipiinieya meta hetsiena naitɨ mɨtixuawe, kwie naitɨ kemɨnena, meta keyupaɨmetɨ mana memɨte'u'uwa,

'Itsɨkate 20:1

Yunaitɨ 'ixaheritsixi Rani meye'atɨkaitɨ 'atsita Weritsewa Karaha kwieyaritsie meye'atɨkaitɨ, meyutaxewireka Mitsipa mekaniuyukuxeɨrieni Yawé hɨxie.

Kuwi 39:20

¿'Ekɨ petihɨkɨ 'utsika hepaɨ pemɨtitsunatsitɨwa, ha'atɨ 'utapuxerɨkatɨ kemɨtiwamariuta?

Keremiyaxi 3:24

Kakaɨyarixi kepauka tewarayexeiyatɨ temakɨ pɨtiutixɨ piinite tatutsima 'etsiteyumatekaku memɨte'ukaxeiyakai: muxatsi meta wakaitsixi, tɨɨri 'ukitsi meta 'ukari.

Keremiyaxi 5:17

Tita pemɨti'etsa meta 'a'ikwai naime mepɨtekaxɨni, 'aniwema 'ukitsi meta 'ukari yunaime mepɨwakwini, 'amuxatsi meta 'awakaitsixi mepɨwakwini, 'akaxie meta piní mepɨkaxɨni. 'Akiekarite kuraruyari 'amatitetewa, wahetsie pemeuwaɨrekai, naitɨ pɨka'unarieni».

Keremiyaxi 30:5

«Yawé mɨpaɨ kanaineni: »“Memumariutsie wahiwari tepɨ'enie, kayuwatɨ pɨka'uma, matsi marika xeikɨa puxuawe.

Keremiyaxi 30:16

»”Yunaitɨ kemɨ'ane memɨxetikwani mekanitikwaiyakuni, yunaitɨ memɨxe'aye'unie 'ateewa mekananuhapaniekuni. Yunaitɨ kemɨ'ane memɨxetenawatsirieni mekateninawatsiyariekuni, yunaitɨ kemɨ'ane memɨtexenawairieni mekateninawaiyariekuni.

Keremiyaxi 50:42

'Umekanahuni tupi me'u'ɨtɨ meta pitsika 'amɨtɨtɨ, mɨkɨ 'axamekateniu'iyarini mepɨkate'uyukanenimaya. Kawayutsixi wahetsie me'utetɨ mekanahuni, wayuarika haramara kemutaine mɨpaɨ katini'eniɨriɨkɨni. Kiekari Wawiruniya witsimɨraye'ane, mematsika'unake, 'ahepa 'umekanahuni xuruku mehewetɨkaitɨ, muyuxewini hepaɨ meteyuxexeiyatɨ.

Keremiyaxi 51:29

Kwie kanitayuamɨkɨ meta kaniyutakatsimɨkɨ, Yawé katinaye'atɨwani kemɨtiyurienikekai Wawiruniya hetsie, hakumaweme kanayeitɨamɨkɨ nixewitɨ mana pɨkayutakiitɨani.

Keremiyaxi 4:7

Maye yuterɨta kanewayeyaniri, xewitɨ nuiwarite 'uname kanayeyaniri, yukie kanayeyaniri 'akwie 'akumaweme mɨhayewakɨ, 'akiekarite 'u'unitɨ kaniyuhayewamɨkɨ meta yemekɨ kiɨripa kanayeimɨkɨ.