Keremiyaxi 7:9 - Kakaɨyari Niukieya

⁹ Xepɨtenawaya, xepɨteyumemiwa, hipame wa'ɨitama xepuwakumaɨwa, 'itarikakɨ xepɨteyɨhɨritɨa, Wahari 'ɨkwa xepɨtairietɨwe, hipame kakaɨyarixi xepuwaruweiya hatsuaku xemɨkawaretima,

Keremiyaxi 7:9 ပူးပေါင်းရင်းမြစ်များ

Keremiyaxi 7:6

xɨka teewatanaka xekananaimaka meta nutui metatsiere wiura, xɨka xekawakwika teɨteri 'atsimemɨkateyurie 'ikɨ kwieyaritsie, hipame xɨka kakaɨyarixi xekakawarayexeiyani, kɨmana xeme 'axaxemuyuyurieni,

Memeyekɨ 20:3

»Hipame tawarita kakaɨyarixi pepɨkawarayexeiyani ne xeikɨa.

Keremiyaxi 11:17

Yawé Naimekɨmɨtɨrɨkaɨye, mɨmatsi'uka'e, 'uximatɨarika panayetua 'ahetsiemieme, 'axamemɨte'uyurikɨ 'ixaheritsixi meta Kura nuiwarimama. Mɨpaɨ kanaineni Yawé: «Waɨkawa mepɨnetsi'u'uximatɨa Wahari 'ɨkwa memutitairiwakaikɨ».

Keremiyaxi 11:13

'Ekɨ, Kura, yuwaɨkawame kakaɨyarixi pepɨwarexeiya kiekarite hepaɨ. Pepitiwewi waɨkawame puretini kaye hepaɨ pɨtiyuxexeiya Kerutsaremetsie, 'ɨkwa taiyame Wahari hetsiemieme, tewinɨarika 'ahetsiemieme pepɨtiyurienekai”.

Matsiɨkɨtɨ kemɨratɨa 22:15

Peru Kiekari warie tsɨikɨri mekaniu'uwakuni, mɨkɨ memɨteyukewaiya, mɨkawa'ɨya mɨkawakɨna memɨwakumaɨwa, memɨteyumemiwa, tetexi memɨwarayexeiya, meta naitɨ mɨtiwanake, meta memɨte'itawa.

1 Te'aitamete 18:21

'Eriyaxi mɨkɨ teɨteri wahɨxie kaninuani, mɨpaɨ katiniwarutahɨawe: —¿Kepaukari 'aixɨa xepɨtiyuani xeime hɨkɨame xepanukuweiya? Xɨka Yawé yurikɨ Kakaɨyari hɨkɨtɨni, kaneuyeweka mɨkɨ xemayexeiyani, xɨkata Wahari yuri kakaɨyari hɨkɨtɨni mɨkɨ xekeneuweiyani. 'Ana teɨteri nixeiniuki 'atsimepɨka'utiyua.

Matsiɨkɨtɨ kemɨratɨa 21:8

Peru memamatɨ memukunuaxɨa, yuri memɨkate'erie, memɨyutsewixima, memɨteyumemiwa, memɨwakumaɨwa memɨkawa'ɨitama meta memɨkawakɨnama, memɨteyukewaiya, tetexi memɨwarayexeiya, meta yunaitɨ memɨte'itawa, mɨkɨ yunaime wahetsie pɨtinakeni harakuna 'atsupɨrekɨ mɨta'atsie memeukaxɨriyanikɨ, hakewa hutarieka memekwinitsie».

Xumatari 2:2

Tame mɨpaɨ tepɨtemate, Kakaɨyari yuri haitɨ mɨwaranutaxɨrɨwakɨ mɨkɨ mɨya memɨteyurie.

Marakiyaxi 3:5

«Hikɨ ne nekaninuamɨkɨ nexetaxanetake. Ne nemunierixɨ nepaneyeitɨani memɨteyukewaiya wahetsiemieme, memɨwakumaɨwa kayu'ɨitama kayukɨnama, meta memɨte'itawa, teyu'uximayatsiriwamete memɨwakwamana, wiuraxi meta nutuite memɨwananaima, meta 'ateewa kiekatari heitserie memexeiyani memɨkawapitɨa, ne 'etsiwatɨma mekanetsi'ayemakatɨ —Yawé Naimekɨmɨtɨrɨkaɨye mɨpaɨ kanaineni—.

Tsupuniyaxi 1:5

meta kemɨ'ane yukii heima memukatunuma'uwe, muyuawitsie miemete xurawetsixi mewarayexeiyatɨ, meta kemɨ'ane metitunuma'utɨ, kename Yawé me'ayexeiya memutiyuane, kwitɨwata kakaɨyari Muruki yaxeikɨa memɨtehahɨawe,

'Etsekieri 18:18

Paapayata mɨtiyukananaima matɨakɨ, yu'iwa mɨtiunawatsirikɨ, 'axamɨtiyurienekaikɨ yuteɨterima watsata, 'axamɨtiuyurikɨ kanimɨmɨkɨ.

Keremiyaxi 44:3

'axamemɨte'uyurikɨ mekatenanuyekɨne. Mɨkɨ mekaneniuyehaxɨatɨani hipame kakaɨyarixi memɨwarayexeiyakaikɨ meta 'ɨkwa memuwatairietɨwekaikɨ mekawamateme meta watutsima memɨkawaretima.

Keremiyaxi 32:29

Wawiruniyutsixi kepauka kiekaritsie memɨtahaxɨani, mepitaiya, kiite heima hakewa 'ɨkwa memetitaiyakai Wahari hetsiemieme menetsi yehaxɨatɨanike, meta hipame kakaɨyarixi wahetsiemieme kaxie winuyari mɨtiyeuriwakai mawariyari.

Keremiyaxi 13:10

'Ikɨ teɨteri 'axamemɨte'u'iyari, memɨkayuwaɨriya yamemɨtekakɨnekɨ kenemɨti'aita, yu'iyari mukaheu'ena memuweiya meta hipame kakaɨyarixi memɨwarayexeiya, 'ikɨ hɨiyame tixaɨtɨ mɨkatiyunaki'erie hepaɨ mepɨyɨni.

'Itsɨkate 5:8

Kepauka kakaɨyarixi hipame memɨwaranayexei, kuyaxa ninuani kiekari kitenie, huta tewiyari miriyari (40.000) 'ixaheritsixi nepɨwaruxei pitsika mepɨkahexeiyakai meta kɨmana memɨyukunarɨma tepɨa.

Hutarieka 'inɨari 32:17

Kakaɨyarixi 'axamemɨ'anene mepɨtewarutimawiri, Kakaɨyari memɨkahɨkɨ, kakaɨyarixi memɨkawamatekai, kakaɨyarixi 'arikeke memune, kakaɨyarixi wa'ukiyarima memɨkawarayexeiyakai.

Kitsariyaxi 1:13

Xepɨkanetsi'atɨiriwaniri mawari tixaɨtɨ mɨkatihɨkɨ, 'ɨkwa witsimu'ɨa nekanixani'erieka. Metsa manatiwenitsie, 'uxipiya tukari, mɨrayutixexeɨritɨretsie, nepɨkayɨweri nemɨtinewieka yakɨ xeikɨa kememɨnete'ayexeiya.

Kitsariyaxi 58:2

Tukarikɨ mekaneniwautɨweni, nehuye mepɨmaiku, wa'atɨtɨ nuiwari heitserie memu'u'uwa mepɨtehɨkɨ, wa'atɨtɨ ne'inɨari niukiyari mepɨkate'uku'eiri. Mepɨnetsiwawirie heitseriemekɨ yanemɨtiyurienikɨ wahetsiemieme, puwanake nehepa 'ahurawa memakɨne,

Keremiyaxi 1:16

Ne neteɨterima wahetsiemieme yanepɨtayɨni nemɨtiwaka'enitsitɨanikɨ, waɨkawa 'axamemɨte'uyurikɨ, memɨnetsi'uku'eirikɨ, hipame kakaɨyarixi pɨta 'ɨkwa memɨwatairietɨwekaikɨ, meta yumamatekɨ mete'utiwewieka memɨte'ayexeiyakaikɨ.

Keremiyaxi 5:7

«¿Titayari nemereuyehɨwirieka? 'Aniwema mepɨnetsi'uku'eiri, memɨkakakaɨyarixi wahetsɨa mepɨteyuhɨritɨa. Kepauka nemɨtiwakupiniriekai tita memɨteheuyehɨakai, mɨkɨ memɨkayɨ'ɨitama mepɨwarukumayɨa 'ukarawetsixi yuwaɨkawatɨ memɨwakumaɨwa wakiita mepuyukuxexeɨriwakai.

Keremiyaxi 18:15

Peru neuxei, neteɨterima mepɨnetsihatɨmai, hipame kakaɨyarixi tixaɨtɨ memɨkateyunaki'erie 'ɨkwa mepuwatairietɨwe. Yuhuyeta mepekaxɨri, huye meripaitɨ mieme 'utɨa, hipame huyetsie memu'uwanikɨ meta muka'uyeyɨkɨtsie.

Keremiyaxi 19:4

Mɨkɨtsɨ mekaneniuku'eirieni. 'Ikɨ kwie 'axamekaniuyurieni mana 'ɨkwa mekaniutitaiya hipame kakaɨyarixi wahetsiemieme memɨkawamatekai meta watutsima meta te'aitamete Kura kwieyaritsie memɨkawaretima. Metatsiere 'atsimekateyuruwame waxuriya mekaniutayeurieni 'ikɨ kwieyaritsie.

Keremiyaxi 44:8

Xeme xekanenihaxɨatɨaka kexemɨteyuriekɨ, hipame kakaɨyarixi 'ɨkwa xewatairietɨwetɨ 'Ekipitu kwieyaritsie, hakewa xemekɨ muwa xemetitenikɨ. Kexemɨteyuriekɨ xemɨka'unarienikɨ xeikɨa kani'ayumiemetɨni, meta 'axaxemɨ'itɨarienikɨ meta xemuyuriyariekakɨ naitsarie nuiwarite kwiepa memɨtama watsata.

Keremiyaxi 44:9

¿Kamɨtsɨ xetehatɨmai naime ke'axamemɨte'uyuri xetutsima, meta Kuratsie te'aitamete ke'axamemɨte'uyuri meta wa'ɨitama, meta xeme ke'axaxemɨte'uyuri meta xe'ɨitama Kura kwieyaritsie meta Kerutsareme kayeyari'utɨma?

Keremiyaxi 48:35

Teɨteri nekaniwarakumaweriyamɨkɨ Muhawi kiekatari mawari memɨwawewirie kakaɨyarixi memɨte'atimawiyarɨwatsie meta yukakaɨyarixi 'ɨkwa memɨwatairie —Yawé mɨpaɨ kanaineni—.

'Etsekieri 5:11

»'Ayumieme ne Yawé naimekɨmɨyɨwe, mɨpaɨ nekanaineni: Xeme netuki ka'itiyakame xepayeitɨa 'axamemɨ'anene kakaɨyarixi wahekɨ, kemɨkareuyewetse xeyɨatɨ, ne nekanixeheuyehɨamɨkɨ nekaxehaunenimayatɨ.

'Etsekieri 23:39

'Ana tukaritsie yuniwema mewarutimawaka, yukakaɨyarixi 'axamemu'ɨatɨka mewayetuirieka, netukita mekaneutahaxɨani kapatsiekame mekanayeitɨani. Netukita mekateniuyurieni.

'Utseyaxi 2:13

Nepɨtikwinitɨani mɨkɨ tukaritsie hipame kakaɨyarixi mɨtiwarutimawiriwakaikɨ, kepauka witsitiyukukemaritɨwatɨ nakɨtsatekɨ meta kukakɨ ne kanetsiha'eriwatɨ, yutuxexerima wa'utɨma xeikɨa peyeikakai —Yawé mɨpaɨ kanaineni—.

'Utseyaxi 6:9

Mawari wewiwamete mepɨyuxeɨrie Tsikeni huyeri'utɨa 'awie metanenieretɨ, tenawayamete wahepaɨ mekaniwakwika mana memuyekɨka metewawawirietɨ.

'Amuxi 4:5

Paa mukuxanariyarie xekenetitaiyani pamɨpariyutsi mawariyari mɨhɨkɨtɨnikɨ meta hipame xeketeniwarutaxatɨa mawari memɨyetuanikɨ kememɨteyuwaɨriya. Yaxeketeneuyuri yunaitɨ 'ixaheritsixi yamemɨtehetimanikɨ, mɨkɨ xeme mɨxenakekɨ —Yawé naimekɨmɨyɨwe mɨpaɨ kanaineni—.

Keremiyaxi 5:2

Tsepa mɨpaɨ memɨteyuhɨritɨa: “Yurikɨ Yawé mayeyurikɨ”, yakɨ xeikɨa mekateniyuhɨritɨaka».

'Etsekieri 20:30

»'Ayumieme, 'ixaheri teɨteriyari mɨpaɨ ketiniwaraye'eritɨa Yawé naimekɨmɨyɨwe mɨpaɨ kanaineni: “¿Xemeta yututsima wahepaɨ xeka'itiyatɨ xetehayuyeitɨani, meta kakaɨyarixi memɨxani'eriwa xewakumaɨwatɨ?