Keremiyaxi 7:6 - Kakaɨyari Niukieya

⁶ xɨka teewatanaka xekananaimaka meta nutui metatsiere wiura, xɨka xekawakwika teɨteri 'atsimemɨkateyurie 'ikɨ kwieyaritsie, hipame xɨka kakaɨyarixi xekakawarayexeiyani, kɨmana xeme 'axaxemuyuyurieni,

Keremiyaxi 7:6 ပူးပေါင်းရင်းမြစ်များ

Keremiyaxi 13:10

'Ikɨ teɨteri 'axamemɨte'u'iyari, memɨkayuwaɨriya yamemɨtekakɨnekɨ kenemɨti'aita, yu'iyari mukaheu'ena memuweiya meta hipame kakaɨyarixi memɨwarayexeiya, 'ikɨ hɨiyame tixaɨtɨ mɨkatiyunaki'erie hepaɨ mepɨyɨni.

Hutarieka 'inɨari 8:19

»'Uxa'atɨni warie xɨka Yawé yukakaɨyari xehatɨmaiya, xɨka hipame kakaɨyarixi xewarayexeiyatɨ xehakɨne meta wahɨxie xɨka xe'ukahɨxima'uweni, mɨpaɨ ne nekanaineni hikɨ xehetsiemieme yurikɨ xekanika'unariekuni.

Hutarieka 'inɨari 11:28

“'axaxepɨ'itɨarieka”, xɨka Yawé xekakaɨyari 'aitsikayatsie yaxekatekakɨne, xɨka huye xe'uku'eirieni hikɨ nemɨxe'uxeitsitɨa xemiweiyanikɨ, meta hipame kakaɨyarixi xemɨkawamate xewarayexeiyatɨ xe'akɨne.

Keremiyaxi 2:34

'Akamixa xuriyamakame pepanakatɨkɨ, teɨteri wahetsie mɨkarahɨiwa waxuriya meta nutuite, hatsuaku pemɨkawarutaxei metenawatɨweme. Naime 'ikɨkɨ

Tsatiyaku 1:27

Matsi xɨka rayexeiyani 'itiyatɨ meta hetsiena karahɨiwakaku Kakaɨyari mɨta'ukiyari kemɨtixeiya, mɨpaɨ pɨta kaniyɨanemɨkɨ: nutuite kaniwanenimayakamɨkɨ meta wiuraxi kememɨte'uximatɨarie kaniwaparewiekamɨkɨ, meta yukweriwayurietɨ tita kwiepa mɨtimieme hepaɨtsita.

Marakiyaxi 3:5

«Hikɨ ne nekaninuamɨkɨ nexetaxanetake. Ne nemunierixɨ nepaneyeitɨani memɨteyukewaiya wahetsiemieme, memɨwakumaɨwa kayu'ɨitama kayukɨnama, meta memɨte'itawa, teyu'uximayatsiriwamete memɨwakwamana, wiuraxi meta nutuite memɨwananaima, meta 'ateewa kiekatari heitserie memexeiyani memɨkawapitɨa, ne 'etsiwatɨma mekanetsi'ayemakatɨ —Yawé Naimekɨmɨtɨrɨkaɨye mɨpaɨ kanaineni—.

Keremiyaxi 19:4

Mɨkɨtsɨ mekaneniuku'eirieni. 'Ikɨ kwie 'axamekaniuyurieni mana 'ɨkwa mekaniutitaiya hipame kakaɨyarixi wahetsiemieme memɨkawamatekai meta watutsima meta te'aitamete Kura kwieyaritsie memɨkawaretima. Metatsiere 'atsimekateyuruwame waxuriya mekaniutayeurieni 'ikɨ kwieyaritsie.

Kitsariyaxi 59:7

Wa'ɨkate kaniyumexɨitɨaka 'axamɨtiyurienikɨ hepaɨtsita, mepuyumexɨitɨa 'atsimɨkatiuka'iyari xuririyaya memɨtayeurienikɨ. 'Axa'aneme xeikɨa 'iyari mekaniwewieka, yuhuyeta mekateniu'unani meta ti'u'unime mekatenikuhayeikawani.

Hutarieka 'inɨari 27:19

“'Axake'u'itɨarieni kemɨ'ane timaitɨtɨtɨ heitserie kememɨtehexeiya mɨwananaimaka 'ateewa kiekatari, nutuite meta wiuraxi”. Yunaitɨ teɨteri mɨpaɨ meke'utiyuani: “'Aixɨa pɨ'ane”.

Hutarieka 'inɨari 24:17

»Heitserie kemɨrexeiya 'ateewa kiekame meta nutui, meta wiura 'ɨkarieya yupiini xepɨkatehayeitɨwani.

Mateu 27:25

Yunaitɨ teɨteri mɨpaɨ mekatenitahɨawe: —Xuriyayakɨ tahetsie kerahɨiyani, meta tatɨɨriyama wahetsie.

Mateu 27:4

mɨpaɨ 'utaitɨ: —'Axanepɨtiuyuri nemiyetuakɨ tewi hetsiena mɨkarahɨiya, xuriyaya mɨtayeurienikɨ. Mɨkɨ mɨpaɨ mekatenitahɨawe: —Tame mɨkɨ tepɨkateha'iwawa, 'ekɨri katini'amaiyatɨni.

'Etsekieri 18:6

Hɨritsie kakaɨyarixi wa'ixɨarari mawewiyanetsie pɨka'uyeika, meta pɨkawarahɨawe kakaɨyarixi 'axamemɨ'anene, 'Ixaheri kwieyaritsie memɨtama. Yu'iwa 'ɨyaya 'axapɨkayuriene, meta 'ukaratsi pɨkakumaɨwa kepauka xuriya mi'axiya.

Hiwerika 4:13

Peru mɨpaɨ katiniɨyɨni. Kakaɨyari niukametemama 'axamete'uyurieku. Mawari wewiwamete 'axamete'uyurieku. Teɨteri 'axamekateyuriekame memɨwarukwikɨ kiekaritsie kaye'utɨma.

Keremiyaxi 26:23

hikɨ mɨkɨ 'Uriyaxi 'Ekipitu paitɨ mekaniyehana ti'aitame Kuhatsimi hɨxie mekani'atɨani, mɨkɨ katiniuta'aita mɨmierienikɨ 'ixiparakɨ meta mɨki teukiyata meukahɨiyanikɨ haweri 'anekɨa.

Keremiyaxi 26:15

Peru mɨpaɨ xeketenemaika xɨka xeme xenetsi'umieni, 'atsikatiuka'iyarime xuriyaya xepɨtayeurieni yuhetsie meta yunaime 'ena kiekatari wahetsie. Peru kaniyuritɨni Yawé kaneneyenɨ'ani 'ikɨ niuki nemɨxetaxatɨanikɨ hekɨakamekɨ».

Keremiyaxi 7:5

Xɨka yurikɨ 'aixɨa xete'u'uwatɨ xehakɨne meta 'aixɨa xeteyurietɨ, xɨka yurikɨ heitserie xe'u'uwatɨ xehakɨne xeyunaitɨ,

Keremiyaxi 2:30

»Yakɨ xeikɨa nepɨtiwakwinitɨa neteɨterima, kenemɨtiwaheitseritɨa mepɨka'eniku. Maye mɨkatiuyukamariya hepaɨ, xe'ixipara puwarutikwai Kakaɨyari niukametemama xehetsɨa miemete.

Nɨawari 106:38

Mekaniwarukwini 'atsimemɨkateyuriekame, yuniwema 'ukitsi meta 'ukari. Kepauka kakaɨyarixi Kanani miemete memɨwarutimawiri, mɨkɨ waxuriyakɨ mɨkɨ kwie 'axa'itɨarietɨ patɨa.

2 Te'aitamete 24:4

meta yumɨireme muwarukwikɨ teɨteri 'atsimekateyuriekame Kerutsareme kiekariyari xuriyakɨ mutahɨniyaxɨkɨ. 'Ayumieme Yawé pɨkatiwareuyehɨwiri.

2 Te'aitamete 21:6

Meta yuniwetɨme kaniutataiya mawari mayanikɨ, timaiweme kanayuyeitɨani meta tiyukewaiyatɨ, metatsiere kaniwarayexeiyakaitɨni teyukewaiyamete meta mɨkite memɨwakɨhɨawe. Waɨkawa 'axakatiniyurienekaitɨni Yawé kemɨkatinake, mɨpaɨ tihaxɨatɨatɨ.

Mawari 25:17

Yuxexuitɨ xepɨkayukwamanani matsi yukakaɨyari xekenayemakaxeni. Ne Yawé xekakaɨyari nekanihɨkɨtɨni.

Keremiyaxi 5:28

kwinimieme metewaiyatɨkaitɨ meta meyuti'ɨretɨ. Ke'axamemɨteyurie hawaikɨ pɨkaheu'axe: nutui hetsiemieme 'aixɨa mepɨkate'akayuruwa, 'aixɨa 'anemekɨ 'amuyeikanikɨ, metatsiere tixaɨtɨ memɨkateheuxeiya heitserie kememɨtehexeiyakɨ yamepɨkateyurie».

Keremiyaxi 7:9

Xepɨtenawaya, xepɨteyumemiwa, hipame wa'ɨitama xepuwakumaɨwa, 'itarikakɨ xepɨteyɨhɨritɨa, Wahari 'ɨkwa xepɨtairietɨwe, hipame kakaɨyarixi xepuwaruweiya hatsuaku xemɨkawaretima,

Keremiyaxi 35:15

Yaxeikɨata, nepɨkatihayewa nexehenɨ'airiwatɨ memɨnete'uximayatsirie neniukametema, mɨpaɨ nemɨxetitahɨawekɨ: ‘Huye 'axamɨ'ane xekeneuhayewari, xekeneyumanetsikitɨa kexemɨteyuriekɨ meta hipameri kakaɨyarixi xepɨkawaruweiyani xemɨtewa'uximayatsiriekakɨ. Mɨpaɨ 'ana xeniu'uwakuni kwie nemɨxeyetuiritsie meta xetutsima nemuwayetuiriekaitsie’. Peru xeme xepɨkanetsi'eniwawe, kenemaine yaxepɨkatekakɨniwawe.

'Etsekieri 22:7

Mana kiekatari yupaapama tixaɨtɨ mepɨkatewa'erie meta yumaamama, 'ateewa kiekatari mepɨtewa'uximayatsitɨa, nutuite meta wiuraxi mepɨwananaima.

Mawari 19:33

»Xɨka xewitɨ 'ateewa kiekame kiekaritsie xematiteitsie nuame mana hetayerɨni, xepɨkahei'uximatɨaka.

Temaiwawemete 23:10

Pepɨka'ikupatani kwie 'inɨariyari meripaitɨ miemete kemɨtiu'inɨatsie, tɨɨri nutuite wakwie pepɨkawanawairieka,