Keremiyaxi 7:34 - Kakaɨyari Niukieya

³⁴ Kura kiekariteyaritsie meta Kerutsareme kayeyaritsie yanepɨtiyurieni temawierika hiwariyari mukumawerekɨ, meta neneɨkeme kwikarieya metatsiere wikiwame kwikarieya, karikɨ naitɨ 'ikɨ kwieyari makumawe kanayeimɨkɨ”.

Keremiyaxi 7:34 ပူးပေါင်းရင်းမြစ်များ

Matsiɨkɨtɨ kemɨratɨa 18:23

Hatsuaku kɨxeme 'ahetsɨa pɨkahekɨariwieni. Hatsuaku pɨka'enierieni neneɨkeme meta wikiwame watemawierika 'ahetsie. 'Ahetsɨa kiekatari memɨtetuakai kwiepa memɨtama wa'itsɨkate mekanihɨkɨtɨkaitɨni. Pewakewaiyatɨ kepemɨtiwa'itaiyakai yunaime nuiwarite.

'Utseyaxi 2:11

Naitɨ mana pɨtiuye'atɨyani 'ixɨarari temawierikayari kemɨtiwewiekai. Meta kemɨtikuyeikakai metseri xikɨraɨyekaku, meta kepauka muka'uxipiwekai meta 'ixɨarari kemɨtiutiwewiwakai xeiwiyari 'aye'axekaku.

'Etsekieri 26:13

Mɨpaɨ netiyurieyu 'akwikari yuarikayari mana nepu'atɨani, 'aharipa yuarikayaya tawariri pɨka'enierieni.

Keremiyaxi 25:10

Temawierika hiwariyari nekananukayunitɨamɨkɨ, meta kwikari mɨraneɨkitɨne mieme meta murina yuariyaya, metatsiere kɨxeme hekɨariyaya.

Keremiyaxi 16:9

Mɨpaɨ mainekɨ Yawé Naimekɨmɨtɨrɨkaɨye, 'Ixaheri Kakaɨyarieya: Naime 'ixɨarari temawierikayari nekatinanu'atɨamɨkɨ 'ikɨ kiekaritsie timieme, neneɨkeme meta wikiwame wakwikari. 'Ikɨ yakatiniyɨmɨkɨ yutukaritsie, meta xeme xekaninenierikuni.

Kitsariyaxi 1:7

Xekwieyaritsie kanakumaweni, kiekariteya tai harakunayari kanihɨkɨtɨkani, metanenierekakutɨtɨ kɨkamete wa'etsarita timieme mekateniukaxɨrɨwani, wakwie kanakumaweni, 'ateewa kiekatari memɨwaruka'una hepaɨ.

Mawari 26:33

Hipame nuiwarite watsata nekanixetaxɨriexɨamɨkɨ: 'ixipara newatihaname nepɨwaranukuweiya wakwie yuxaɨtame nepɨhayewa, wakiekari nepɨka'unaxɨani.

Mikeyaxi 7:13

Karikɨ mɨkɨ kwieyarite makumawe kanayeixɨamɨkɨ teɨterimama ya'aneme meheutiwiwiexɨaku, 'axamemɨteyuriekaikɨ.

Keremiyaxi 4:27

Yawé mɨpaɨ kanaineni: «Naitɨ 'ikɨ kwieyari 'akumawetɨ kanayeimɨkɨ, peru naimeta nepɨkaka'una.

Kitsariyaxi 3:26

Kiekari 'itupariyari putitsuanani meta hiwerika kamixayari panakatɨni, yuxaɨta kiekari nutuixietɨ, kwiepa pɨtayerɨni.

Keremiyaxi 33:10

»Yawé mɨpaɨ kanaineni: “Xeme mɨpaɨ xeputiyuane kename 'ikɨ kiekari 'uni, teɨteri meta tewaxi me'umawe. Matsi Kura kiekariyaritsie meta Kerutsareme kayeyaritsie, makumawetsie tewi xeniu hawaikɨ mɨkareyeika nitewaxitɨma, hutarieka mekani'enieriekuni

Kitsariyaxi 6:11

Hikɨ mɨpaɨ nekaniutayɨni: ―¿Ti'aitame, 'ikɨ kereutere? Mɨkɨ mɨpaɨ kaniutayɨni: «Kepaukake kiekarite mɨka'unariexɨanitsie nixewitɨ mana mɨka'uyeikanitsie, kepaukake kiita teɨteri memɨka'ayetetɨkanitsie, meta 'ɨtsi yuxaɨta kumanekaku 'axa'anekɨa,

Nɨawari 78:63

Temari taikɨ mekaniukwi'iwa, kwikari 'ukari mematiwikiwa wahetsiemieme pukumawerixɨ,

Keremiyaxi 22:6

Karikɨ Yawé mɨpaɨ kanaineni 'ikɨ paratsiyu Kura mieme hepaɨtsita: «'Ekɨ nekɨmana, Karaha hepaɨ pekani'aneni meta Riwanu wiyeyari hepaɨ, peru ne mɨpaɨ nekanaineni makumawe nekamanayeitɨamɨkɨ, kiekarite ka'akukiepayatɨkaime.

Keremiyaxi 27:17

Xepɨkawa'enieka. Wawiruniyatsie ti'aitame hetsɨa xekeneyuyetua, mɨpaɨ xɨka xe'ɨyɨni 'axekaniu'uwakuni. Hikɨ 'ana pɨkaheuyewekari 'ikɨ kiekari mɨka'unarienikɨ.

Keremiyaxi 44:6

'Ayumieme nehaxɨa Kura kiekariteyari hetsie katiniunake, 'ayumieme waɨkawa nehaxɨa putai Kerutsareme kayeyarite hetsiemieme, mɨkɨ 'akumawetɨ kanayani hikɨ 'akuxi yaxeikɨa pɨti'ane”.

Hiwerika 5:14

Hawaikɨri 'ukirawetsixi kiekari kitenie mepɨkatiyaxike, hawaikɨri temari wakwikari tepɨka'enie.

Kuwi 3:7

'Ana tɨkariyaritsie nixewitɨ pɨkatinunuiwani, hiwari temawierikayari mɨkɨtsie pɨkaxuaweni.

Keremiyaxi 4:26

Nemunierixɨ, kwie 'aixɨa mɨ'ane makumawe pɨhɨkɨtɨkai, naitɨ kiekarite 'u'unitɨ puyuhayewanekai, Yawé mɨyamɨtiuyuriekaikɨ, haxɨaya mɨtiyukwaxiyakɨ.

Keremiyaxi 33:11

temawierika hiwariyarikɨ, neneɨkeme meta wikiwame wakwikari meta Yawé kiita memɨtemawatɨwe waniuki pamɨpariyutsi memipitɨa meta 'ipaɨ mete'ukwitɨ: »” ‘Pamɨpariyutsi xekenepitɨaka Yawé Naimekɨmɨtɨrɨkaɨye, Yawé 'aixɨa mɨtiuka'iyarikɨ, naki'eriyaya yuheyeme mumiemekɨ’ ”. Yawé mɨpaɨ kanaineni: “Ne 'aixɨa me'itɨariekame nekaniwarayeitɨamɨkɨ 'ikɨ nuiwarite, matɨari hepaɨ 'anetɨ kanayeimɨkɨ”.

'Etsekieri 7:11

nanaimarika 'axamɨti'ane katinikaxuaweritɨwani. Tixaɨtɨ pɨkatiyuhayewa xehetsiemieme, tsepa kexemuyupaɨme, meta tsepa tita piinite xemɨteheuxeiya pɨkatiyuhayewa.

'Utseyaxi 2:13

Nepɨtikwinitɨani mɨkɨ tukaritsie hipame kakaɨyarixi mɨtiwarutimawiriwakaikɨ, kepauka witsitiyukukemaritɨwatɨ nakɨtsatekɨ meta kukakɨ ne kanetsiha'eriwatɨ, yutuxexerima wa'utɨma xeikɨa peyeikakai —Yawé mɨpaɨ kanaineni—.