Keremiyaxi 7:20 - Kakaɨyari Niukieya

²⁰ »'Ayumieme Yawé naimekɨmɨyɨwe mɨpaɨ kanaineni: “'Ena nehaxɨa nekananɨ'amɨkɨ: teɨteri wahetsie meta tewaxi wahetsie, kɨyexi yeuta mieme hetsie meta 'ikwaxi 'ena kwiepa mɨtixuawetsie, nehaxɨa pɨtaka pɨkayɨtɨnɨaka”.

Keremiyaxi 7:20 ပူးပေါင်းရင်းမြစ်များ

Keremiyaxi 42:18

Mɨpaɨtsɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: “Kehepaɨ Kerutsareme kiekatari wahetsiemieme waɨkawa nemɨtiuyeha'a, mɨpaɨta xehetsiemieme waɨkawamekɨ nekatiniyeha'amɨkɨ xɨka xehekɨne 'Ekipitu. 'Axaxe'itɨarietɨ xepakɨne, waɨkawa mepumamaka hipatɨ mexexeiyatɨ, meta xepɨtixani'eriwa xepuyuriyarieka meta hatsuakuri 'ikɨ kwieyaritsie xepɨka'axɨani”.

Keremiyaxi 17:27

Peru xɨka ne'aitsikatsie yaxekatekakɨne xawati xɨka xehatɨmaiya meta xɨka Kerutsareme kitenieyaritetsie 'ika xeteheutahatɨwani xawatikɨ, hikɨ 'ana 'itupariteya nekanitaiyaxɨamɨkɨ, kayutɨnɨakamekɨ meta paratsiyute kanititaimɨkɨ Kerutsareme miemete’ ”».

Kitsariyaxi 42:25

'Ayumieme Yawé hetsiena yuhaxɨa pukawiwi, haxɨa kuyaxa mieme pipitɨa. Taikɨ penukana, peru 'atsipɨkaretima, pitaxɨtsitɨa, matsi mɨkɨ yakɨ yɨaneme puta'eri.

Nahumi 1:6

¿Kemɨ'ane pɨyɨwe mɨtiunewieni haxɨaya hepaɨtsita? ¿Kemɨ'ane putawikweiwe haxɨaya mɨtiyukukuinetsie? Haxɨaya tai hepaɨ katiniyukukuineni, hɨxiena tetexi kanititarikeni.

'Etsekieri 22:22

Kemɨtikwaniyarɨwa pɨrata huxunu taɨta, mɨpaɨta xeme nekatinixetikwaniyamɨkɨ kiekari hixɨapa, 'ana mɨpaɨ xepɨtehetimani ne Yawé, nehaxɨa xehetsie nemukawiwikɨ”».

Hiwerika 4:11

Yawé yuhaxɨa kaniutatuani, yuhaxɨa mɨtiyukukuine kananayetuani. Tsiyuni taikɨ kaniutataiya meta kanitaxɨtsitɨani tsutɨmeyari naime.

Keremiyaxi 44:6

'Ayumieme nehaxɨa Kura kiekariteyari hetsie katiniunake, 'ayumieme waɨkawa nehaxɨa putai Kerutsareme kayeyarite hetsiemieme, mɨkɨ 'akumawetɨ kanayani hikɨ 'akuxi yaxeikɨa pɨti'ane”.

Kitsariyaxi 66:24

Hikɨ kepauka memuwayekɨnetsie mepɨwaxeiya wakaxarite kemɨ'ane memɨnetsi'utami. »Kwitsi pɨkamɨni muwakwa'a, meta tai pɨkatɨni muwatixɨtsitɨwa: memɨxani'eriwa mepakɨne yunaitɨ kwiepa memɨtama wahɨxie».

2 Te'aitamete 22:17

Mɨkɨ mekaneniuku'eirieni, hipame pɨta kakaɨyarixi 'ɨkwa mekaniwarutitairieni, mɨkɨkɨ mekaneniuyehaxɨatɨani yunaime yukakaɨyarixikɨ, 'ayumieme nekaniha'aka 'ikɨ kiekari hetsiemieme, hatsuaku nepɨkatihayewa.’

Matsiɨkɨtɨ kemɨratɨa 14:10

yaxeikɨata Kakaɨyari haxɨaya winuyari mekananu'ikuni tekɨxieyata muyema hɨkɨatɨ tixaɨtɨ katinuitɨarietɨ. Kani'uximatɨariemɨkɨ taikɨ, meta 'atsupɨrekɨ, niuki tuayamete memɨpatsie wahɨxie meta Muxa hɨxie.

Marakiyaxi 4:1

»Neuxei, tukari kanaye'aximeniri, teeka ha'aritsietɨ hepaɨ 'anetɨ. Yunaitɨ memɨteyukatawe'erie meta 'axateyuruwamete xatsi hepaɨ mepɨ'aneneni, hikɨ mɨkɨ tukaritsie mekanititaiyariekuni wananari tɨma pɨkayuhayewa —Yawé Naimekɨmɨtɨrɨkaɨye mɨpaɨ kanaineni—.

Tanieri 9:11

Yunaitɨ 'ixaheritsixi 'a'aitsika mepuku'eiri, mepɨkayuwaɨri yamemɨtekahuni kepemaine. 'Ayumieme, 'axatemɨte'uyurikɨ 'ahepaɨtsita, tahetsie paye'a kepemutayɨ ketemɨtekwinitɨarienikekai, 'inɨari xapayaritsie kemɨre'uxa meti'uximayatsiriwame Muitsexi kemɨraka'utɨa.

Keremiyaxi 14:16

Meta teɨteri memɨte'utaxatɨarie Kerutsareme kayeyari 'utɨma menixɨrietɨkɨnikuni haakakɨ meta 'ixiparakɨ, pumaweni kemɨ'ane mɨkɨ mɨwakateuku, wa'ɨitama, waniwema 'ukitsi, meta waniwema 'ukari, mɨpaɨ nepɨtiwarakapitɨani ke'axamemɨte'uyurikɨ”.

Keremiyaxi 12:4

¿Kepaukake pɨkawiye 'ena kwiepa, kepaukake pɨtitiyɨra tupiriyate? Yeutari meta memɨte'awɨwawe mepɨkwi'i teɨteri 'axamemɨte'uyurikɨ 'ikɨ kwieyaritsie kiekatari, memuyuwaɨriya mɨpaɨ memɨtiyuanikɨ: «Kakaɨyari kepauka temeuyeweni pɨkatatsixeiya».

Mateu 3:12

Ti'itiwame pakwe'e, yutɨriku xatsiyari panuyewiwieni, kaniti'utamɨkɨ takariyari kaxetunitsie, hikɨ xatsiyari pɨtitaiyarieni tai mɨkatɨwetsie».

Kitsariyaxi 10:17

'Ixaheri hekɨariyari tai kanayeimɨkɨ, wahetsie Mɨpatsie nerɨkwari kanayeimɨkɨ. Xeitukaritsie xuyayari kanititaiyamɨkɨ, meta wa'ɨtsite kanitixɨtsitɨamɨkɨ.

Keremiyaxi 6:11

Peru ne Yawé haxɨayakɨ nepɨhɨne, meta nepɨka'inewieri. «'Ahaxɨa tɨɨri kaye 'utuma memɨye'uwa wahetsie keneukawiwi, metatsiere temari wahetsie, karikɨ mekanitiwiyariekuni memɨneneɨke meta memɨwikie, 'ukirawetsixi meta kwinimieme memɨte'ukirawetsixi».

Keremiyaxi 6:12

Yawé mɨpaɨ kanaineni: «Wakiite, wakwie meta wa'ɨitama hipame wahetsiemieme katinayeimɨkɨ, karikɨ ne netɨrɨkariya nekananunɨ'amɨkɨ 'ikɨ kwieyaritsie kiekatari wehetsiemieme.

Keremiyaxi 8:13

»Yawé mɨpaɨ kanaineni: “Kepauka kaxie nemeu'inɨimɨkɨ tixaɨtɨ nepɨkatiukaxexeiya, meta piní hetsie 'ikwaxi pɨkaheukatei, xawariyari pɨyɨyɨna. Kamɨtsɨ, hikɨ ne nepɨtixenawairieni tita nemɨtixeyetuiri”».

Keremiyaxi 11:16

Yawé mɨpaɨ kametiniuterɨwa: «'Uriwu 'amupa, 'ikwaxi witsi'anenemekɨ mɨhɨne». Peru waɨkawa mimierɨkaritsata pɨmetsi'utaiyaxɨ, hikɨ 'amamate 'axawari pɨtixɨxime.

Keremiyaxi 17:4

'Akɨmana pekatineuyehɨamɨkɨ tita nemɨmatiumikai. Waɨriyarika ti'uximayatame nepɨmatsihayeitɨani memɨmatsi'aye'unie wahetsɨa, xeime kwieyaritsie pemɨka'imatetsie, nehaxɨa pemutaiyaxɨkɨ, mɨkɨri yakatinitakamɨkɨ yuheyemekɨ».

Keremiyaxi 18:23

Yawé, peru 'ekɨ pepɨrakumate naime kememɨteku'eriwa kememɨnetemieni. Ke'axamemɨteyurie pepɨkatiwareuyehɨwirieka, meta ke'axamemɨte'uyuri pepɨkahekuyeitɨwani 'ahɨxie. 'Ahɨxie meke'ukaxɨriyani. Kepauka wahekɨ pemɨha'a 'ana keniwaraye'atɨiri.

Keremiyaxi 21:12

Rawiri xiɨyarimama mɨpaɨ ketiniwarayehɨtɨa Yawé mɨpaɨ kanaineni: »“Heitseriemekɨ xeketeneyurieka naime tukaritsie, xekeneɨxɨna 'uximayatsika 'anutiyakame mɨpitɨarie, nɨka hɨrixɨa 'utani nehaxɨa tai hepaɨ meta 'utani xewitɨ ka'itɨwemekɨ, xeme 'axaxemɨteyuriekɨ.

Tsupuniyaxi 1:2

«Meteyunaime nepɨtiwareuyehɨani kemeteyupaɨmetɨ kwiepa memɨtexuawe —Yawé mɨpaɨ kanaineni—.

Mawari 26:28

kamɨtsɨ neta nepɨxe'aye'unieka. 'Atahutamexɨa nepɨxe'uximatɨani 'axaxemɨte'uyurikɨ,

'Etsekieri 7:12

Tukari kanaye'aniri, 'ikɨ tukari kanihɨkɨtɨni. Mɨtinane pɨkayutemawieka meta mɨtiutua pɨka'utatsuakani, matsi ne yunaime wahetsie nehaxɨa nekanikawiwimɨkɨ.

'Etsekieri 7:14

Tsepanetɨ kuxineta mutahɨtsierie meta tsepa memuyukuha'aritɨa, xewitɨ pɨkahayeyani yutamienike, matsi nehaxɨa yunaime wahetsie nekanikawiwimɨkɨ.

Tsupuniyaxi 1:3

Teɨteri meta tewaxi nekaniwareuyehɨamɨkɨ, meta memɨte'awɨwawe meta haramaratsie memɨteye'uwa, metatsiere kakaɨyarixi memɨwewiyatɨka metatsiere teɨteri 'axamemɨte'u'iyari yaxeikɨa. »Teɨteri nekaniwarakumaweriyamɨkɨ 'ena kwiepa naitsarie —mɨpaɨ kanaineni Yawé—.

Tsakariyaxi 7:12

Memɨka'i'enienikɨ niuki 'aitsika meripai miemetexi Kakaɨyari niukametemama Yawé Naimekɨmɨtɨrɨkaɨye muwareyenɨ'airiekai 'Iyari yuhetsɨa miemekɨ, 'ana yu'iyari mekaniutseiriya tete kwinimieme mɨtitse'i hepaɨ. Hikɨ 'ayumieme, Yawé Naimekɨmɨtɨrɨkaɨye yemekɨ kaniuyeha'ani.