Keremiyaxi 7:13 - Kakaɨyari Niukieya

¹³ Yawé mɨpaɨ kanaineni: «“Hikɨta yaxeikɨa xeme xepɨteyurie, meta yaxeikɨa mɨixari nepɨxe'utahɨawixɨ xemeta xepɨkaheu'enana, hikɨta nemɨxe'utahɨawixɨ xemɨkanetsi'anu'enikɨ,

Keremiyaxi 7:13 ပူးပေါင်းရင်းမြစ်များ

Kitsariyaxi 65:12

'Ixiparakɨ xemukwi'iwakɨ nepɨxeyetuani, yunaitɨ xeme xepakatutsitaxɨani xemanutixitekiexɨanikɨ, Nexe'utahɨaweku xemɨkanetsi'uta'eikɨ, kepauka nemɨxe'utahɨawixɨ xepɨkanetsi'u'eni. Matsi 'axaxepɨte'uyuri pɨta nehɨxie tita mɨkanetinake xepɨte'anukuwei».

Keremiyaxi 7:25

Kepauka paitɨtɨ 'Ekipitu nemɨwarayewitɨ xe'ukiyarima, nepɨkatihayewa neniukamete newarenɨ'awatɨ.

Temaiwawemete 1:24

Kepauka nemɨxekɨhɨawekaitsie xeme xepɨkanetsi'u'eni, kepauka nemɨxe'u'iniwakaitsie nehetsɨa xepɨkahakɨ,

Mateu 23:37

»Kerutsareme, Kerutsareme 'aku, 'ahetsɨa kiekatari mekaniwatakukuyani Kakaɨyari niukametemama meta mekaniwatituaxani Kakaɨyari nɨ'arimama 'ahetsɨa memɨ'axe. Mɨixa nepɨnewaɨriyakai nemɨwakuxeɨrienikɨ 'atɨɨriyama, wakana yuniwema kemɨtiwakuxexeɨriwa yu'anatɨa hepaɨ, peru mepɨkayuwaɨri.

Tsakariyaxi 7:13

“Memɨkanetsi'u'enikɨ kepauka nemɨwarutahɨawixɨtsie, neta nepɨkawa'enieni kepauka memɨnetsitahɨawetsie —mɨpaɨ kanaineni Yawé Naimekɨmɨtɨrɨkaɨye—.

'Utseyaxi 11:7

Neteɨterima mepuyuwaɨriya memɨkanetsinaki'eriekakɨ kenemɨtitewa, 'ayumieme tsepa memɨnetsihahɨawe ne nepɨkawaparewieni.

'Utseyaxi 11:2

Kepauka matsi waɨkawa nemehɨawekai, matsi humapai kaniumiekaitɨni. Mawari taiyariyari pɨwamawirienekai memɨkayuri kakaɨyarixi, 'ɨkwa pɨwatairienekai.

Keremiyaxi 44:4

Mɨixamexɨa Kakaɨyari niukametemama memɨnete'uximayatsirie nekaniwareyenɨ'ani, mɨkɨ hepaɨtsita memɨwata'imaiyakɨ mɨpaɨ memɨkateyuriekakɨ kenemɨtixani'eriekɨ.

Keremiyaxi 35:17

»'Ayumieme Yawé mɨpaɨ kanaineni, Kakaɨyari Naimekɨmɨtɨrɨkaɨye, 'Ixaheri Kakaɨyarieya: “Kura hetsiemieme meta yunaime Kerutsareme kiekatari wahetsie nekanenɨnɨ'amɨkɨ, naime 'uximatɨarika nemɨxe'utaxatɨa, nexe'utahɨawekutɨtɨ yaxepɨkatekakɨ, nexehahɨawekaku xekapɨnetsi'uta'ei”».

Keremiyaxi 35:15

Yaxeikɨata, nepɨkatihayewa nexehenɨ'airiwatɨ memɨnete'uximayatsirie neniukametema, mɨpaɨ nemɨxetitahɨawekɨ: ‘Huye 'axamɨ'ane xekeneuhayewari, xekeneyumanetsikitɨa kexemɨteyuriekɨ meta hipameri kakaɨyarixi xepɨkawaruweiyani xemɨtewa'uximayatsiriekakɨ. Mɨpaɨ 'ana xeniu'uwakuni kwie nemɨxeyetuiritsie meta xetutsima nemuwayetuiriekaitsie’. Peru xeme xepɨkanetsi'eniwawe, kenemaine yaxepɨkatekakɨniwawe.

Keremiyaxi 25:3

«Tamamata heimana haika wiyari Kutsiyaxi 'Amuni nu'aya ti'aitakaku Kura kwieyaritsie, 'ana paitɨtɨ 'atsita hikɨ —kananuyemieniri xeitewiyari heimana haika wiyari—, Yawé kanetinikuxaxatɨwani, neta waɨkawamexɨa 'ari nekatinixe'utaxatɨani, xeme peru xepɨkanetsihanu'eniwawe.

Keremiyaxi 11:7

Kepauka paitɨ xe'ukiyarima 'Ekipitu nemɨwarayewitɨ hikɨ 'akuxi, nepɨkatihayewawe mɨpaɨ netixekɨhɨawetɨ: ‘Xekeneneu'enieka’.

Kitsariyaxi 66:4

'Ayumieme ne 'uximatɨarika nekananayexeiyamɨkɨ wahetsiemieme tita waɨkawa memɨtemakaxe nekatiniwaranunɨ'airiemɨkɨ. Nixewitɨ mɨkanetsi'uta'eikɨ kepauka nemɨwarahɨawekaitsie, kepauka nemutaniu, nixewitɨ pɨka'u'enaxɨ. Matsi, 'axamepɨte'uyuri nehɨxie tita mɨkanetinake mepɨte'anayexei».

Kitsariyaxi 50:2

¿Titayari nemunuatsie xeime tɨma nekatiutaxei? ¿Titayari xewitɨ kanetiuta'ei nemɨxe'utahɨawixɨtsie? ¿Kamɨtsɨ nekatiyɨwe nemɨxe'utawikweitsitɨanikɨ? ¿Kamɨtsɨ netɨrɨkariya katiyɨwe mɨxe'uxɨna? 'Etsiwa ne neyutahaxɨatɨayu haramara kanakawaukeni, meta hatɨa makumawe nekanayeitɨwani, haa heuyewekakaku tsapari mekanitakukuweni hariyakɨ, meta mekanitipɨkeni.

Keremiyaxi 13:11

Tewi hɨiyame kemɨranakuteika, mɨpaɨ nepɨtiwareuyehɨakai hurawa 'Ixaheri teɨteriyari meta Kura nuiwarimama —Yawé mɨpaɨ kanaineni— neteɨterima memɨhɨkɨtɨnikɨ meta memɨnetsihekɨatanikɨ, nemariweme meta witsine'anemekɨ nemɨxeiyariekakɨ. Perutsɨ yamepɨkatekakɨ”.

Keremiyaxi 26:5

xɨka xekawaru'enieni nenɨ'arima neniukamete, mɨixari nemɨwarenɨ'a xehetsɨa, xemeta xepɨkahanu'enanawawe,

Keremiyaxi 32:33

Mɨkɨ mepɨkanetsixeiyakai, mepɨnetsiwarixiwiyakai xeikɨa. Tsepa 'aixɨa nemɨtiwa'ɨkitɨakai, mepɨkaku'enakarekai meta 'aixɨa memuyuyurienikɨ mepɨkanaki'eriekai.

Keremiyaxi 35:14

Kunarawi xiɨyarimama Xekawi nu'aya yamekatenikahuni kename winu meka'iekakekai memɨtehahɨawarɨwakaikɨ, hikɨ 'akuxi mepɨka'iye'e karikɨ mekanei'enieka watutsi kemɨtiwaru'aitɨa. Xeme matsi mɨixa yanetixekɨhɨawekakutɨtɨ, yaxepɨkatekakɨniwawe.

Keremiyaxi 44:23

Xeme hipame 'ɨkwa xepɨwarutitairi mɨkɨkɨ 'axaxepɨte'uyuri Yawé hetsiemieme, niukieya xepɨka'anu'eni, meta 'inɨari niukiyari hetsɨana mieme xepɨka'aye'atɨa, meta 'aitsikateyatsie yaxepɨkatekakɨ. 'Ayumieme 'ikɨ tukaritsie 'ikɨ 'uximatɨarika xehetsie kaninuani.

Keremiyaxi 5:21

'Ikɨ ketineu'eni, kiekari pemɨka'uka'iyari meta pemɨka'awaɨriya yapemɨtikamienikɨ, hɨxi pehexeiyatɨ peru pemɨkaheuniere, naka pehexeiyatɨ peru pemɨkaheu'ena».

Keremiyaxi 6:10

¿Kemɨ'ane nepɨtahɨawe? ¿Kemɨ'ane nepayemari'itɨani? ¿Kemɨ'ane pɨnetsi'enieni? Yunakata mepeukanatɨka mepɨkaheti'enatɨkɨka. Yawé niukieya 'axamepɨte'enie, mepixani'erie memi'enienikɨ.

Keremiyaxi 11:8

Peru yamepɨkatekakɨ meta mepɨkanetsi'u'eni, yu'iyari mɨtsetse'i meta 'axamɨtiuka'iyari kemɨtiyɨkɨhɨawe mɨkɨ xeikɨa mepanukuwei. 'Ayumieme 'ikɨ tɨratutsie kemaine ke'axamɨtiupitɨarieni mɨpaɨ nepɨtiwarupitɨa, ne kenemɨtiwaruta'aitɨakai memeye'atɨanikɨ, matsi mɨkɨ mepɨkaheye'atɨa”».

Keremiyaxi 13:10

'Ikɨ teɨteri 'axamemɨte'u'iyari, memɨkayuwaɨriya yamemɨtekakɨnekɨ kenemɨti'aita, yu'iyari mukaheu'ena memuweiya meta hipame kakaɨyarixi memɨwarayexeiya, 'ikɨ hɨiyame tixaɨtɨ mɨkatiyunaki'erie hepaɨ mepɨyɨni.

Keremiyaxi 29:19

Xeme xemɨka'enanawawekɨ meta yaxemɨkatekakɨniwawekɨ neniukitsie, tsepa mɨixa menete'uximayatsiriwamete Kakaɨyari niukametemama nemɨwarenɨ'awa mepɨkawaru'eni —Yawé mɨpaɨ kanaineni—.

'Utseyaxi 9:17

Xemɨkahenu'enikɨ, 'ayumieme ne Kakaɨyari pɨkaxetanaki'erieni, kɨkamete xepakɨne nuiwarite watsata.