Keremiyaxi 7:10 - Kakaɨyari Niukieya

¹⁰ 'ariketa mekani'axeni nehɨxie 'ikɨ tukita kenemɨtitewakɨ mutaterɨwarɨwa, hikɨ 'ana mɨpaɨ meputiyuane: ‘Teputawikweitsitɨarie’, tawarita tita mɨtixani'eriwa naime tete'uweiyatɨ temuhunikɨ.

Keremiyaxi 7:10 ပူးပေါင်းရင်းမြစ်များ

Keremiyaxi 32:34

Netukita kenemɨtitewakɨ mutaterɨwarɨwa mekaniwareuta'uitɨwakaitɨni yukakaɨyarixi ne nemuwaxani'erie, mɨpaɨ kapatsiekame mekatenayeitɨakaitɨni.

'Etsekieri 23:39

'Ana tukaritsie yuniwema mewarutimawaka, yukakaɨyarixi 'axamemu'ɨatɨka mewayetuirieka, netukita mekaneutahaxɨani kapatsiekame mekanayeitɨani. Netukita mekateniuyurieni.

'Etsekieri 23:37

Mɨkɨ matsi kayukɨnama mekaniwarukumayɨani, mɨkɨri yumamatsie mekaneuxuxureni. 'Axamemɨte'uyurikɨ kakaɨyarixi 'axamemu'ɨatɨka wahekɨ, yuniwema mepɨwamawa nehetsiemieme memutinunuiwakai, mɨkɨ kakaɨyarixi mekaniwayetuiriwani 'ikwai hepaɨ.

Keremiyaxi 34:15

Xemeta mɨpaɨ xe'utiyuaka, xemɨtewa'aitɨa xewaruhayewaka, 'aixɨa xepɨyɨkai, kemɨnetinake xepɨte'uyuriekai. 'Akuxi matsi kepauka xeme tɨratu xemuwewiekaitsie nehɨxie xeputiyuanekai, netukita kenemɨtitewakɨ mutaterɨwarɨwa.

Keremiyaxi 7:30

»Mɨpaɨ kanaineni Yawé: “Kura nuiwarimama 'axamekateniuyurieni tita nemɨtixani'eriekɨ. Netuki kenemɨtitewakɨ mutaterɨwarɨwa kapatsiekame mekanayeitɨani, muwa kakaɨyarixi memɨxani'eriwa mekaniwareuta'uitɨani.

Keremiyaxi 7:14

kenemɨtiuyuri Tsiru mɨpaɨta netiniyurimɨkɨ 'ikɨ tuki kenemɨtitewakɨ mutaterɨwarɨwa hepaɨtsita hetsiena xemɨtewiya, metatsiere kwie nemɨxeyetuiri meta xe'ukiyarima.

Keremiyaxi 7:11

¿Kamɨtsɨ xeme mɨpaɨ xetemate 'ikɨ netuki kenemɨtitewakɨ mutaterɨwarɨwa tenawayamete waterɨ tihɨkɨ? Ne mɨpaɨ nekatinixeiyani —Yawé mɨpaɨ kanaineni—.

Wani 18:28

Hikɨ Kaipatsi hetsɨa meheyekɨneka Ketsutsi mekani'atɨani 'itsɨkame kie, kaniuyuimuanatɨkaitɨniri. Mɨkɨri mepɨkaheutahaxɨa 'itsɨkame kiita kapa meka'itiyatɨ me'akɨnekɨ, matsi Patsikwa 'ikwaiyari memɨtekwanikɨ.

Wani 13:18

»Yunaime xehepaɨtsita nepɨkatikuxata. Ne nepɨxemate kehate nemɨxe'anuyexei. Matsi mɨpaɨ nekatiniuyurieni 'utɨarika maye'anikɨ mɨpaɨ maine: “'Iya ne'ikwai mɨkwakai yukeputsakɨ pɨnetsi'uketsi”.

Mateu 23:13

»Xɨa'ui xeme, 'inɨarikɨ xemɨte'ɨkitamete, meta xeme paritseutsixi, xemɨte'itawamete. Xepɨtewareunamiriwa teɨteri meheutahaxɨanikɨ Kakaɨyari mɨra'aitatsie, meta xemetɨtɨ xepɨkaheutahake meta mɨkɨ memanuyehaku xepɨkawapitɨa.

'Etsekieri 23:29

Mɨkɨ mematsixani'erietɨ mepɨmatsixeiyani meta tinaime mekameteninawairiekuni tita pemɨrexeiya. Yuheyemekɨ pemaweme mepɨmatsihayewa, yunaitɨ mepɨtetamarieni tuminikɨ kepemɨtikumayɨiwakai. Kepemɨtiuyukahiwe'eriekai meta kepemɨyɨanekai,

'Etsekieri 20:39

»”Xemeta, 'ixaheri teɨteriyari, Yawé naimekɨmɨyɨwe mɨpaɨ kanaineni: Xɨka kaxenakeni yaxemɨtekahunikɨ, xekenehu, yukakaɨyarixi xekeniwarayexeiyani. Peru tawariri kenemɨtitewakɨ kapatsiekame xepɨka'ayeitɨwani yumawarikakɨ, meta yukakaɨyarixi 'axamemu'ɨatɨkakɨ ne nemɨpatsiekɨ.

Kitsariyaxi 48:2

Xeme mɨpaɨ xemɨteyuterɨwa “kiekari mɨpatsietsie kiekatari,” 'Ixaheri Kakaɨyarieyatsie yuri xemɨte'erie, Yawé Naimekɨmɨtɨrɨkaɨye mɨtitewa hetsie:

2 Kemɨtiuyɨ 33:7

'Atserá 'uka kakaɨyariyari 'ɨkiyari mitawewiekai Kakaɨyari tukieyata kaneitakeni, mɨkɨ hetsiemieme Kakaɨyari mɨpaɨ Rawiri mɨtiutahɨawekai meta nu'aya Tsarumuni: «'Ikɨ tukita Kerutsareme muwetsie, kiekari nemenayexeitsie yunaime 'Ixaheri nuiwarimama watsata, muwa nepayekani neheyemekɨ.

2 Kemɨtiuyɨ 33:4

Yawé tukita mawari taiyame kaniutiwewieni, mɨkɨ hetsiemieme Yawé mɨpaɨ putayɨkai: «Kerutsareme nepukani neheyemekɨ».

2 Te'aitamete 21:4

Yawé tukita mawari matitaiyarɨwa kaniutiwewieni, tsepa mɨkɨ tuki hepaɨtsita Yawé mɨpaɨ mutayɨkai: «Kerutsareme kiekariyari kanihɨkɨtɨkamɨkɨ ne hakewa nemekani».

'Etsekieri 33:31

Mɨkɨ mekani'axeni yunaitɨ meyunɨtɨ 'ahɨxie, 'aniuki mekaniuti'eniwani mana metitetɨ, peru yamepɨkateyurie. Pɨwanake kepemɨtikuxata, peru 'ariketa tumini mepukuwautɨwe 'axa'anemekɨ meteyurietɨ mepi'iwa.

Temaiwawemete 15:8

Yawé 'axateyuruwamete wamawari kani'uxiwe'erieka, matsi puyutemawie heitseriemekɨ yamemɨtekahu wanenewierikɨ.

Keremiyaxi 44:9

¿Kamɨtsɨ xetehatɨmai naime ke'axamemɨte'uyuri xetutsima, meta Kuratsie te'aitamete ke'axamemɨte'uyuri meta wa'ɨitama, meta xeme ke'axaxemɨte'uyuri meta xe'ɨitama Kura kwieyaritsie meta Kerutsareme kayeyari'utɨma?

'Etsekieri 33:25

'Ayumieme, mɨpaɨ ketiniwaraye'eritɨa Yawé naimekɨmɨyɨwe kename mɨpaɨ nehaine: “Xeme wai 'ayexuxureme xekanikwa'ani, kakaɨyarixi memɨwewiyatɨka xekaniwarayexeiyani, meta xuriya xekanitayeuriwani, ¿Mɨya xeteyurietɨ mɨkɨ xekwie tihɨkɨtɨni?

Tanieri 9:18

Ketaneu'eni, takakaɨyari, kenanutanieri ketaneuxeiya ketemɨte'uka'unarie meta kiekari keneuxeiya hakewa pemahɨawarɨwa. 'Ikɨ mɨya temɨmatewawirie, 'aixɨa temɨte'u'iyarikɨ hetsie tetewiyatɨ tepɨkahaitɨka matsi kepemɨti'akanenimaya hetsie pɨta tetewiyatɨ.

'Utseyaxi 6:9

Mawari wewiwamete mepɨyuxeɨrie Tsikeni huyeri'utɨa 'awie metanenieretɨ, tenawayamete wahepaɨ mekaniwakwika mana memuyekɨka metewawawirietɨ.

'Amuxi 4:5

Paa mukuxanariyarie xekenetitaiyani pamɨpariyutsi mawariyari mɨhɨkɨtɨnikɨ meta hipame xeketeniwarutaxatɨa mawari memɨyetuanikɨ kememɨteyuwaɨriya. Yaxeketeneuyuri yunaitɨ 'ixaheritsixi yamemɨtehetimanikɨ, mɨkɨ xeme mɨxenakekɨ —Yawé naimekɨmɨyɨwe mɨpaɨ kanaineni—.

Tsupuniyaxi 1:5

meta kemɨ'ane yukii heima memukatunuma'uwe, muyuawitsie miemete xurawetsixi mewarayexeiyatɨ, meta kemɨ'ane metitunuma'utɨ, kename Yawé me'ayexeiya memutiyuane, kwitɨwata kakaɨyari Muruki yaxeikɨa memɨtehahɨawe,

Marakiyaxi 3:15

Hikɨri 'aixɨa memɨ'itɨarie tepɨtewaruterɨwani mariweme memayuyeitɨwa, 'axateyuruwamete xikutsixi mepakɨka meta Kakaɨyari memɨ'iwatɨwe mɨtiwakwinitɨanikɨ ni'atsimepɨkate'anuyekɨka”».

1 Te'aitamete 9:3

mɨpaɨ katinitahɨawe Yawé: «'Anenewieri nepu'eni meta waɨkawamekɨ kepemɨnetiutawawiri. Patsiekame nepayeitɨani mɨkɨ tuki pemitawewi muwa nemayekanikɨ yuheyemekɨ. Nepixeiyani meta ne'iyarikɨ nepinaki'erieka yuheyemekɨ.

'Etsekieri 5:11

»'Ayumieme ne Yawé naimekɨmɨyɨwe, mɨpaɨ nekanaineni: Xeme netuki ka'itiyakame xepayeitɨa 'axamemɨ'anene kakaɨyarixi wahekɨ, kemɨkareuyewetse xeyɨatɨ, ne nekanixeheuyehɨamɨkɨ nekaxehaunenimayatɨ.