Keremiyaxi 51:53 - Kakaɨyari Niukieya

⁵³ Tsepanetɨ Wawiruniya muyuawitsie paitɨ meuti'axe, meta tsepa mana paitɨ yukuraru mɨtɨrɨkaɨye mutawewi, ne te'unamete nekaniwaranunɨ'amɨkɨ hetsiena mieme —Yawé mɨpaɨ kanaineni—.

Keremiyaxi 51:53 ပူးပေါင်းရင်းမြစ်များ

Keremiyaxi 49:16

'Ekɨ 'aita mukatataritsie pemɨkiekame, meta hɨri 'amanutitɨtɨtsie: pepɨ'akwamanaxɨ hipame pewamariutatɨ meta 'a'iyari 'uyuta'ɨrekaku. Tsepa 'ateewa paitɨ pemɨyuti'itɨatɨa kwixɨ hepaɨ, mana paitɨ nemenanakahɨamɨkɨ —Yawé mɨpaɨ kanaineni—.

Keremiyaxi 51:25

»Ne nekamenaye'unieka hɨri pemɨti'aka'uname, naime kwie pemuka'unaxɨ —Yawé mɨpaɨ kanaineni—. Netɨrɨkariyakɨ nekamanimayɨamɨkɨ, tekɨa nekamaneukakurupamɨkɨ hɨri mɨta'i nekamanayeitɨamɨkɨ.

'Amuxi 9:4

Tsepa mɨwaraye'unie mɨwarehapa xeikɨa, mana nepɨtita'aita 'ixiparakɨ memɨkwi'iwakɨ. 'Axanewayurienike meta 'aixɨa nemɨkawayuriekakɨ, nepɨwaxeiyani».

Tanieri 4:30

mɨpaɨ kaniutayɨni: «Wawiruniya xekeneuxeiya mɨmariwe nemitawewi nemɨra'aita kwieyaritsie wamu'u mɨhɨkɨtɨnikɨ. Nekanitawewieni netɨrɨkariya mɨmariwekɨ, ne 'aixɨa nemɨrahɨawarɨwanikɨ».

Keremiyaxi 51:58

Yawé mɨpaɨ kanaineni Naimekɨmɨtɨrɨkaɨye: «Wawiruniya kuraruyarite 'amatayeyeu naitɨ kanika'unariemɨkɨ, meta 'itupariteya mumamariwawe pɨtitaiyarieni. Teɨteri yakɨ xeikɨa meputi'uxixɨ, nuiwarite yakɨ xeikɨa mepɨte'uyu'uxitɨa kɨtsi xeikɨa matɨakɨ hikɨ».

Keremiyaxi 51:48

Hikɨ muyuawi meta kwie, meta yunaitɨ mana memɨte'u'uwa, temawierikakɨ menitihiwakuni Wawiruniya hetsiemieme, karikɨ tayeta menayenexɨakuni memika'una —Yawé mɨpaɨ kanaineni—.

Keremiyaxi 51:11

»Yu'ɨrɨ xekenanuyemɨaxɨa. Yuhetsie nunuwame xekeneuti'ɨi. Yawé mɨpaɨ pɨtiwaru'iyaritɨa Meriya kiekatari te'aitamete Wawiruniya memɨka'unakɨ. 'Ikɨ kanihɨkɨtɨni Yawé kemɨtiwarakapitɨani, kemɨtiyukɨhɨani yutuki hetsiemieme.

Keremiyaxi 50:45

'Ayumieme xekeneu'eni Yawé kemɨtiyurimɨkɨ Wawiruniya hepaɨtsita, xekeneu'eni kemɨtiyɨkɨhɨawe, wawiruniyutsixi wakwieyari hepaɨtsita: Mekananayehapanietɨkɨnikuni muxatsi 'etsimemupepe, mɨkɨ mɨyamemɨte'uyurikɨ, memɨtehatikwa'akaitsie 'akumawetɨ kanayeimɨkɨ.

Keremiyaxi 50:25

Yawé katineuyepieniri piinite kuyaxa timieme mɨtiuyepinetsie, katinewayepini muyutamienikɨ yuhaxɨa maye'atɨanikɨ, Yawé naimekɨmɨyɨwe, meta Naimekɨmɨtɨrɨkaɨye, mɨkɨ yu'uximayatsika pexeiya 'eye'atɨanike wawiruniyutsixi wakwieyaritsie.

Keremiyaxi 50:21

»Xekeneutami'a Meratahini kwieyari meta Pekuri memɨkiekatari. Xekeniwarukuya, xekeniwaruka'una yunaime. Xeketenaye'atɨa naime kenemɨti'aita —Yawé mɨpaɨ kanaineni—.

Kitsariyaxi 47:7

Mɨpaɨ peputayɨ: “'Uka neheyemekɨ ti'aitame nepɨhɨkɨtɨni”. Peru mɨpaɨ pepɨkatimaikai, meta pepɨkaheitimaixɨa kepemɨreutiparekekai.

Kitsariyaxi 47:5

«Kayuwatɨ ketineuyexi, 'uka karireutsixi waniwe, yɨwita keneutahaki. Tawariri hatsuaku “'uka nuiwarite tiwa'aitɨwame” pemɨkatiterɨwarienikɨ.

Kitsariyaxi 41:25

»Tayeta xeime nekaniuta'inieni, hikɨ kaninuani ne'itahɨaweku, tau manatineikatsie kanenahɨaweni. 'Iwewame hepaɨ yɨ'ɨkakɨ haxu katiniɨpɨnani, te'aitamete haxu hepaɨ katiniwarupɨnani.

Kitsariyaxi 13:17

Neuxei. Ne merutsixi nekaniwata'inimɨkɨ mɨkɨ wahepaɨtsita, teɨteri pɨrata memɨkaheuyehɨwa meta hurukɨ memɨkayutemamawiekai.

Kuwi 20:6

Kemɨtiyuta'ɨrekɨ tsepanetɨ muyuawitsie mɨye'axe meta tsepa yumu'ukɨ haiwitɨri mukuyuituwa,

Keremiyaxi 51:56

Kaniye'aka Wawiruniya 'uname, kuyaximama mekanitiwiyariekuni, watupi kanitimurariemɨkɨ. Karikɨ Yawé Kakaɨyari kanihɨkɨtɨni yakatiniwarakapitɨwani yuxexuime.

'Amuxi 9:2

Tsepa mɨki teukiyata 'upaitɨ memɨyuti'awietaxɨ, muwa nepɨwaratihapani. Tsepa muyuawitsie paitɨ memanutikɨ, manata nepɨwarakaxɨrieni.

'Awakuki 2:9

»Xɨa'ui kemɨ'ane yukiita mɨtihɨniya kwamanarikakɨ rana'iwaka yuniwema watawikweitsitɨanike wahetsie mɨkatinakenikɨ 'axamɨti'ane.